ວັນທີ 23 ເມສາ 2021,ຄະນະສະເພາະກິດເພື່ອ ປ້ອງ ກັນ ແລະ ຄວບຄຸມການແພ່ລະບາດຂອງພະຍາດໂຄວິດ-19 ກະຊວງປ້ອງກັນຄວາມສະຫງົບ ໄດ້ລົງກວດກາສູນກັກກັດບໍລິເວນແກ່ຜູ້ທີ່ມີຄວາມສ່ຽງຈາກພະຍາດໂຄວິດ-19 ທີ່ສູນຝືກອົບຮົມວິຊາສະເພາະປ້ອງກັນທີ່ຕັ້ງ ກະຊວງ ປກສ (ດ່ານຊີ) ເພື່ອກະກຽມຄວາມພ້ອມໃຫ້ແກ່ກຳລັງປ້ອງກັນຄວາມສະຫງົບ ທີ່ມີຄວາມສຽງຈາກການຕິດເຊື້ອພະຍາດໂວຄິດ-19.
+ ໃນການກວດກາສູນກັກກັດບໍລິເວນແກ່ຜູ້ທີ່ມີຄວາມສ່ຽງຈາກພະຍາດໂຄວິດ-19 ໃນຄັ້ງນີ້, ນຳ ພາໂດຍ ພົຕ ປອ ທອງເຫຼັກ ມັງໜໍ່ເມກ ຮອງລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະ, ສໍາລັບສູນກັກກັນບໍລິເວນ ດ່ານຊີ ປະກອບມີ 2 ອາຄານ ແລະ 1 ສະໂມ ສອນ, ສາມາດຮອງຮັບໄດ້ຫຼາຍຮ້ອຍຄົນ, ສ່ວນສະຖານທີ່ດັ່ງກ່າວ ແມ່ນມີຄວາມສະດວກສະບາຍມີນໍ້າ, ມີໄຟຟ້າຄົບຊຸດ ໃນການອຳນວຍຄວາມສະດວກໃຫ້ແກ່ຜູ້ຖືກກັກກັດບໍລິເວນ.
+ ສູນດັ່ງກ່າວນີ້, ສະເພາະກິດ ເພື່ອປ້ອງກັນ ແລະ ຄວບ ຄຸມການແຜ່ລະບາດຂອງພະຍາດໂຄວິດ-19 ກະຊວງປ້ອງກັນຄວາມສະຫງົບ ແມ່ນໄດ້ມີການກະກຽມຄວາມພ້ອມຂອງແຕ່ລະອານຸກຳມະການ ໃນການປີ່ນປົວປະ ກອບມີ: ອະນຸກຳມະການປ້ອງ ກັນ,ອະນຸກຳມະການປີ່ນປົວ ແລະອະນຸກຳມະການ ແຕ່ງຢູ່ຄົວກິນ; ຖ້າຫາກພົບວ່າ ກຳລັງປ້ອງກັນຄວາມສະຫງົບ ອາດມີຄວາມສ່ຽງໃນຕິດເຊື້ອໂຄວິດ-19 ກໍຈະນໍາເຂົ້າມາກັກບໍລິເວນຢູ່ໃນສູນດັ່ງກ່າວ ເພື່ອຮັບປະກັນບໍ່ໃຫ້ກຳລັງປ້ອງກັນຄວາມສະຫງົບ ມີການແພ່ເຊື້ອພະຍາດໂຄວິດ-19 ໄປສູ່ບຸກຄົນອື່ນ.
Cr: Lao Security News
Loading...