ດຣ.ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກອງເລຂາ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ຖະແຫລງຕໍ່ສື່ມວນຊົນ ຕອນບ່າຍວັນທີ 19 ພຶດສະພາ 2021 ທີ່ກະຊວງສາທາລະນະສຸກ ເຖິງສະພາບການຄວບຄຸມການລະບາດຂອງພະຍາດໂຄວິດ19ຢູ່ລາວວ່າ: ວັນທີ 18 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງໝົດ 1,482 ຕົວຢ່າງ ໃນນັ້ນ ກວດພົບຜູ້ຕິດເຊື້ອ 50 ກໍລະນີເຮັດໃຫ້ຜູ້ຕິດເຊື້ອສະສົມທັງໝົດ ເປັນ1,737ຄົນ, ບໍ່ມີເສຍຊີວີດໃໝ່, ເສຍຊິວິດສະສົມທັງໝົດ2 ຄົນ ໃນນັ້ນ ຄົນເຈັບຕິດເຊື້ອໃໝ່ຈາກນະຄອນຫຼວງ 16 ຄົນ (ທັງ 16 ຄົນແມ່ນຜູ້ສໍາຜັດໃກ້ຊິດກັບຜູ້ຕິດເຊື້ອເກົ່າທີ່ຕິດເຊື້ອໃນຊຸມຊົນ), ແຂວງບໍ່ແກ້ວ 21 ຄົນນັ້ນ, ແມ່ນຄົນທີ່ຕິດເຊື້ອຢູ່ພາຍໃນຊຸມຊົນຢູ່ເມືອງຕົ້ນເຜີ້ງ; ສໍາລັບແຂວງຈໍາປາສັກ 5 ຄົນແລະ ແຂວງສະຫວັນນະເຂດ 6 ຄົນ ແມ່ນກໍລະນີນຳເຂົ້າ ເຊິ່ງກວດພົບເຊື້ອໃນແຮງງານລາວທີ່ກັບຄືນປະເທດຖືກກົດໝາຍ, ສຳລັບ 2 ກໍລະນີຢູ່ແຂວງອຸດົມໄຊ (1 ກໍລະນີແມ່ນແຮງງານລາວທີ່ກັບມາຈາກໄທຜ່ານຂົວມິດຕະພາບ 1 ແລະ ໄດ້ເຂົ້າຈຳກັດບໍລິເວນຢູ່ສູນຫຼັກ 27 ໃນນະຄອນຫຼວງວຽງຈັນຄົບກຳນົດ 14 ວັນ ກວດບໍ່ພົບເຊື້ອ ແລະ ອອກຈາກສູນຈຳກັດບໍລິເວນເໝົາລົດຮ່ວມກັບໝູ່ອີກ 10 ຄົນເດີນທາງໄປແຂວງອຸດົມໄຊ ແລະ ໄປຈຳກັດບໍລິເວນຢູ່ແຂວງ ຜົນກວດພົບເຊື້ອ ແລະ ອີກ 1 ກໍລະນີແມ່ນຄົນແຂວງຫຼວງພະບາງ ທີ່ມີຄວາມຈຳເປັນເດີນທາງໄປ ແຂວງອຸດົມໄຊ ໃນວັນທີ່ 14 ພຶດສະພາ 2021 ແລະ ໄດ້ເຂົ້າກັກໂຕເກັບຕົວຢ່າງຜົນກວດພົບເຊື້ອ)
• ທັງໝົດຄົນເຈັບຕິດເຊື້ອໃໝ່ຍັງຢູ່ໃນຂັ້ນຕອນສອບສວນ ແລະ ເກັບກຳຂໍ້ມູນສໍາລັບ ປະຫວັດການເຄື່ອນໄຫວໃນໄລຍະເວລາ 14 ວັນທີ່ຜ່ານມາ ວ່າບຸກຄົນໃດເປັນຜູ້ສຳຜັດໃກ້ຊິດ ເພື່ອເກັບຕົວຢ່າງ ແລະ ເຂົ້າຈໍາກັດບໍລິເວນ ຕາມຄຳແນະນຳຂອງຄະນະສະເພາະກິດກຳນົດໄວ້.
• ປະຈຸບັນມີຜູ້ຍັງຕິດຕາມປິ່ນປົວທົ່ວປະເທດທັງໝົດ 1,027ຄົນ ໃນນັ້ນປົວດີທັງໝົດ708ຄົນ (ໃໝ່22ຄົນ) ແລະ ພວກກ່ຽວຈະຕ້ອງໄປສືບຕໍ່ຈຳກັດບໍລິເວນຢູ່ເຮືອນ ຫຼື ສູນຈໍາກັດບໍລິເວນ ສໍາລັບຜູ້ທີ່ບໍ່ມີເງື່ອນໄຂ,ຈົນຄົບກຳນົດຕາມຄຳແນະນຳຂອງແພດຢ່າງເຄັງຄັດ, ແຍກຕົນເອງອອກຈາກຄົນໃນຄອບຄົວ, ບໍ່ໃຊ້ສິ່ງຂອງຮ່ວມກັນ ແລະ ມອບໃຫ້ອໍານາດການປົກຄອງເມືອງ/ບ້ານ ແລະ ເຈົ້າໜ້າທີ່ສູນ ລົງໄປຕິດຕາມກວດກາສຸຂະພາບຂອງພາກສ່ວນດັ່ງກ່າວ ເຊັ່ນ: ວັດແທກອຸນຫະພູມ, ສອບຖາມອາການ ຖ້າພົບເຫັນເປັນໄຂ້, ມີໄອ ແລະ ຈາມ ຕ້ອງຮີບຮ້ອນໄປພົບແພດຢູ່ສະຖານທີ່ບໍລິການໃກ້ບ້ານທ່ານ. ທັງໝົດນີ້ ແມ່ນສ້າງຄວາມໝັ້ນໃຈໃຫ້ແກ່ ສັງຄົມວ່າຄົນເຈັບທີ່ອອກຈາກໂຮງໝໍແມ່ນປະຕິບັດຕາມຄໍາແນະນໍາຢ່າງເຄັງຄັດ ແລະ ບໍ່ອອກຈາກບ້ານຈົນໝົດກໍານົດ.
Loading...