ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຈາກກໍລະນີລົດຂົນສົ່ງສານເຄມີປີ້ນຢູ່ເຂດບ້ານ ພູຊ້າງຄຳ, ແຂວງຫຼວງພະບາງ ໃນວັນທີ 3 ເມສາ ທີ່ຜ່ານມາ, ເຮັດໃຫ້ສານເຄມີຈຳນວນໜຶ່ງ ໄຫຼລົງສູ່ຫ້ວຍ ແລະ ໄຫຼລົງສູ່ນໍ້າຄານ, ນໍ້າຂອງ, ເຮັດໃຫ້ເປັນອັນຕະລາຍຕໍ່ຄົນ ແລະ ສັດ.
ຕໍ່ກັບເຫດການດັ່ງກ່າວ, ຫຼ້າສຸດ ໃນວັນທີ 8 ເມສາ 2024 ນີ້, ຄະນະກຳມະການແມ່ນໍ້າຂອງສາກົນ (Mekong River Commission) ໄດ້ອອກມາຖະແຫຼງການວ່າ: ຈາກການເກັບຕົວຢ່າງນໍ້າ ຕັ້ງແຕ່ມື້ເກີດເຫດ ຈົນຮອດວັນທີ 7 ເມສາ 2024 ໃນສະຖານທີ່ເກີດເຫດ, ນໍ້າຄານ ແລະ ນໍ້າຂອງ , ຜົນສະຫຼຸບອອກມາໃຫ້ຮູ້ວ່າ: ນໍ້າຄານ ແລະ ນໍ້າຂອງແມ່ນຍັງປົກກະຕິ, ບໍ່ທັນມີຜົນກະທົບເທື່ອ, ແຕ່ມີພຽງນໍ້າໃນຫ້ວຍທີ່ຢູ່ໃນຈຸດເກີດເຫດແມ່ນໄດ້ ຮັບຜົນກະທົບເລັກໜ້ອຍ, ແຕ່ທາງພາກສ່ວນທີ່ກ່ຽວຂ້ອງກໍຈະຕິດຕາມ ແລະ ປະເມີນຄຸນນະພາບຂອງນໍ້າຢ່າງໃກ້ຊິດ, ເພື່ອໃຫ້ໝັ້ນໃຈເຖິງຄວາມປອດໄພຂອງພໍ່ແມ່ປະຊາຊົນ, ສັດ ແລະ ສິ່ງແວດລ້ອມຕ່າງໆທີ່ນໍາໃຊ້ແມ່ນໍ້າດັ່ງກ່າວ.
ທີ່ມາ: Mekong River Commission