ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກວ່າ 3ເດືອນ ທີ່ ສປປ ລາວ ບໍ່ມີລາຍງານການລະບາດໂຄວິດ19

ທົ່ວໂລກມີຜູ້ຕິດເຊື້ອໂຄວິດ19 ທັງໝົດ 13ລ້ານກວ່າຄົນ, ໄລຍະ 24ຊົ່ວໂມງເພີ່ມຂຶ້ນ 190.367ຄົນ, ເສຍຊີວິດ 571.274 ຄົນ, ໃນນັ້ນ ສະຫະລັດອາເມຣິກາ ມີຜູ້ຕິດເຊື້ອ 3.379.003ຄົນ, ເສຍຊີວິດ 571.274 ຄົນ.

ດຣ . ນາງລັດສະໝີ ວົງຄໍາຊາວ ຮອງຫົວໜ້າກົມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ ໂອກາດຖະແຫລງຂ່າວຕໍ່ສື່ມວນຊົນ ຕອນເຊົ້າວັນທີ 13 ກໍລະກົດ 2020 ນີ້ວ່າ: ໄປຄຽງຄູ່ກັບການກວດວິເຄາະຫາເຊື້ອໂຄວິດ19 ຄະນະສະເພາະກິດຍັງໄດ້ຕິດຕາມຜູ້ເດີນທາງຈາກຈຸດຜ່ານແດນຕ່າງໆ ເຊິ່ງທົ່ວປະເທດມີຜູ້ເດີນທາງເຂົ້າມາ ມີທັງໝົດ 1,597 ຄົນ, ໃນນັ້ນຈຸດຜ່ານດ່ານລາວ-ໄທ 934 ຄົນ, ຈຸດຜ່ານດ່ານລາວ – ຈີນ 15 ຄົນ , ຈຸດຜ່ານດ່ານລາວ – ຫວຽດນາມ 582 ຄົນ , ຈຸດຜ່ານດ່ານ ລາວ-ກຳປູເຈຍ 1 ຄົນ; ເດີນທາງຜ່ານສະໜາມບິນສາກົນວັດໄຕ 65 ຄົນ, ທຸກຄົນແມ່ນໄດ້ແທກອຸນຫະພູມຮ່າງກາຍ,  ແລະ ໄດ້ເກັບຕົວຢ່າງມາກວດ ແລ້ວຈຶ່ງນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ນອກຈາກນັ້ນ ຍັງໄດ້ເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ໃນວັນທີ 12 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 228 ຄົນ, ໃນນັ້ນແຮງງານລາວມາແຕ່ໄທ 192 ຄົນ, ແຮງງານຈີນ 28 ຄົນ ແລະ  ກໍລະນີສົງໄສ 8 ຄົນ, ຜົນກວດທັງໝົດແມ່ນ ບໍ່ພົບເຊື້ອ

ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 12 ກໍລະກົດ 2020 ໄດ້ເກັບຕົວຢ່າງມາກວດທັງໝົດ 20,454 ຕົວຢ່າງ, ກວດພົບເຊື້ອສະສົມ 19 ຄົນ ປິ່ນປົວດີໝົດແລ້ວ,  92 ມື້ແລ້ວທີ່ ສປປ ລາວ ບໍ່ພົບຜູ້ຕິດເຊື້ອໃໝ່