ສະຫາຍ ພົນຈັດຕະວາ ສີພອນໄຊ ຄຳທອງເຫວີນ ຫົວໜ້າກົມເສດຖະກິດ ກະຊວງປ້ອງກັນປະເທດ ໄດ້ກ່າວວ່າ: ຕໍ່ຜົນງານການເຕີບໃຫຍ່ຂະຫຍາຍຕົວ ແລະ ໄຊຊະນະອັນໃຫຍ່ຫຼວງຂອງກອງທັບປະຊົນຊົນລາວ ຕະຫຼອດໄລຍະ 75 ປີ ຜ່ານມາ ກອງທັບປະຊາຊົນລາວ ໂດຍພາຍໃຕ້ການນຳພາຂອງພັກປະຊົນຊົນປະຕິວັດລາວ ກອງທັບປະຊາຊົນລາວ ໄດ້ພ້ອມກັບປະຊາຊົນລາວບັນດາເຜົ່າ ດຳເນີນການປະຕິວັດຕໍ່ສູ້ຕ້ານຈັກກະພັດຜູ້ຮຸກຮານ ແລະ ພວກສັກດິນາປະຕິການ, ເຮັດສຳເລັດການປະຕິວັດຊາດ ປະຊາທິປະໄຕປົດປ່ອຍປະເທດຊາດຢ່າງສົມບູນປົກປັກຮັກສາໝາກຜົນຂອງການ ປະຕິວັດ, ອຳນາດອະທິປະໄຕຜືນແຜ່ນດິນອັນຄົບຖ້ວນຂອງປະເທດຊາດໄວ້ໄດ້ຢ່າງໝັ້ນຄົງ.
ພາຍຫລັງປະເທດຊາດໄດ້ຮັບການປົດປ່ອຍ ພັກເຮົາໄດ້ວາງແນວທາງ 2 ໜ້າທີ່ຍຸດທະສາດ ( ປົກປັກຮັກສາປະເທດຊາດ ແລະ ພັດທະນາປະເທດຊາດ ) ເພື່ອນໍາເອົາປະເທດເຮົາກ້າວຂຶ້ນຕາມ ຈຸດໝາຍສັງຄົມນິຍົມ ສະເພາະກອງທັບເຮົາ ໜ້າທີ່ປົກປັກຮັກສາປະເທດຊາດ, ຮັກສາໝາກຜົນ ຂອງການປະຕິວັດ, ຄວາມໝັ້ນຄົງຂອງຊາດ ແມ່ນໜ້າທີ່ຕົ້ນຕໍ ທັງເປັນອາວຸດອັນແຫຼມຄົມຂອງພັກ ໃຕ້ການຊີ້ນໍາໂດຍກົງ, ຮອບດ້ານຂອງພັກ ຈຶ່ງເຮັດໃຫ້ກອງທັບເຮົາໄດ້ເຕີບໃຫ່ຍຂະຫຍາຍຕົວນັບ ທັງດ້ານຈຳນວນພົນ, ຄຸນນະພາບການປະກອບທີ່ທັນສະໄໝ, ເຊິ່ງຜົນງານ, ໄຊຊະນະ ແລະ ການເຕີບໃຫ່ຍຂະຫຍາຍຕົວຂອງກອງທັບປະຊາຊົນລາວຕະຫຼອດ 75 ປີຜ່ານມາ ມີຜົນງານອັນຍິ່ງໃຫ່ຍສົມແລ້ວເປັນກອງທັບລາວວິລະຊົນ ຂອງຊາດລາວວິລະຊົນ.
ທ້າຍນີ້ ສະຫາຍ ພົນຈັດຕະວາ ສີພອນໄຊ ຄຳທອງເຫວີນ ຍັງໄດ້ອວຍພອນມາຍັງການນໍາພັກ-ລັດ ໂດຍສະເພາະແມ່ນການນໍາກະຊວງປ້ອງກັນປະເທດຈົ່ງມີສຸຂະພາບເຂັ້ມແຂງ, ມີພາລະນາໄມສົມບູນ ແລະ ສືບຕໍ່ຊີ້ນໍາ-ນາພາ, ປັບປຸງກອງທັບປະຊາຊົນລາວ ໃຫ້ກ້າວຂື້ນເປັນກອງທັບທີ່ມີແບບແຜນທັນສະໄໝຂື້ນໃຫ້ເຕີບໃຫຍ່ເຂັ້ມແຂງ.
ໂດຍ: ບິກໄຊ ສົມພູ
