ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງທຶນສຸກເສີນທະນາຄານໂລກຊ່ວຍເຫລືອລ້າ ສປປ ລາວ 1ລ້ານໂດລາ ຄວບຄຸມ ແລະຕ້ານໂຄວິດ19

ຕອນບ່າຍ ວັນທີ 10 ກໍລະກົດນີ້ ກະຊວງສາທາລະນະສຸກຈັດກອງປະຊຸມຖະແຫລງຂ່າວກ່ຽວກັບເງິນຊ່ວຍເຫລືອລ້າ ຈໍານວນ 1ລ້ານໂດລາສະຫະລັດ , ເພື່ອປ້ອງກັນ, ຄວບຄຸມ ແລະຕອບໂຕ້ການລະບາດຂອງພະຍາດໂຄວິດ19 ຢູ່ ສປປ ລາວ, ພາຍໃຕ້ກອງທຶນສຸກເສີນຈາກທະນາຄານໂລກ ໂດຍການສົມທົບທຶນຂອງລັດຖະບານອົສຕຼາລີ, ເຢຍລະມັນ ແລະຢີ່ປຸ່ນ , ໂດຍການເຂົ້າຮ່ວມຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີຫົວໜ້າຫ້ອງການທະນາຄານໂລກປະຈໍາລາວ, ເອກອັກຄະລັດຖະທູດເຢຍລະມັນ, ອົສຕຼາລີ ແລະເອກອັກຄະລາຊະທູດຍີ່ປຸ່ນ ປະຈໍາລາວ ພ້ອມດ້ວຍພາກສ່ວນກ່ຽວຂ້ອງ ແລະແຂກຮັບເຊີນເຂົ້າຮ່ວມ.

ທ່ານບຸນກອງ ສີຫາວົງ ມີຄໍາເຫັນກ່ຽວກັບການນໍາໃຊ້ທຶນຊ່ວຍເຫລືອລ້າຄັ້ງນີ້ວ່າ: ກະຊວງສາທາລະນະສຸກ ຈະມອບໃຫ້ອົງການສະຫະປະຊາຊາດກອງທຶນສໍາລັບເດັກ ຫລືອຸຍນິເຊັບ 80% ເພື່ອນໍາໃຊ້ເຂົ້າໃນວຽກງານຈັດຊື້ ແລະສະໜອງຢາວັກແຊັງ ໃຫ້ສາມາດສືບຕໍ່ບໍລິການ ດ້ານສຸຂະພາບທີ່ສໍາຄັນ, ສ່ວນອີກ 20% ຈະມອບໃຫ້ອົງການອະນາໄມໂລກ ນໍາໃຊ້ເຂົ້າໃນວຽກງານສ້າງຄວາມເຂັ້ມແຂງໃຫ້ບຸກຄະລະກອນແພດລາວ ໃນການຕອບໂຕ້ກັບພະຍາດໂຄວິດ19 ຢູ່ຂັ້ນສູນກາງ ແລະທ້ອງຖິ່ນ. ນອກນັ້ນຍັງຈະສະໜັບສະໜູນ ກິດຈະກໍາທີ່ເປັນບຸລິມະສິດໃນການປ້ອງກັນ ແລະຕອບໂຕ້ພະຍາດລະບາດແຫ່ງຊາດຂອງລາວ.