ເມື່ອບໍ່ດົນປີມານີ້, ຄະນະບັນຊາກອງບັນຊາການທະຫານເມືອງໂພນທອງ ແຂວງຫຼວງພະບາງ ແລະກອງບັນຊາການທະຫານເມືອງແອດ, ເມືອງຊ່ອນ ແຂວງຫົວພັນ, ສປປ ລາວ ໄດ້ເຂົ້າຮ່ວມກອງປະຊຸມພົບປະປະຈຳປີ 2024 ທີ່ກອງບັນຊາການທະຫານເມືອງສົບກົບ, ແຂວງເຊີນລ່າ, ສສ ຫວຽດນາມ.
ຝ່າຍລາວເຊິ່ງນຳໂດຍ ພັນໂທ ສຸນທອນ ສອນມະນີ ຫົວໜ້າການເມືອງ, ກອງບັນຊາການທະຫານເມືອງໂພນທອງ, ຝ່າຍຫວຽດນາມນຳໂດຍ ພັນເອກ ພິເສດ ກວາງວັນເທີນ ຫົວໜ້າການທະຫານກອງບັນຊາການທະຫານເມືອງສົບກົບ ແຂວງເຊິນລ່າ.
ໃນກອງປະຊຸມບັນດາກົມກອງໄດ້ຜັດປ່ຽນກັນຂຶ້ນລາຍງານ ສະພາບການຈັດຕັ້ງປະຕິບັດວຽກງານຮອບດ້ານ ໃນໄລຍະໜຶ່ງປີຜ່ານມາ, ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະບັນຫາປະກົດການຫຍໍ້ທໍ້ ທີປີ່ນອ້ອມວຽກງານປ້ອງກັນຊາດລຽບຕາມຊາຍແດນ, ເປັນຕົ້ນ ບັນຫາການເຄື່ອນຍ້າຍຖິ່ນລຳເນົາແບບເສລີ, ການຂ້າມລອຍຕາມຊາຍແດນແບບຜິດກົດໝາຍ, ການຂົ່ນສົ່ງທາດສິງເສບຕິດ ການຄ້າຂາຍເຖື່ອນ ການເຂົ້າ-ອອກເມືອງບໍ່ຖືກຕ້ອງ ຕາມລະບຽບກົດໝາຍ ແລະອື່ນໆ.
ໂອກາດນີ້ ໄດ້ຕົກລົງເອກະພາບກັນ ໃນການແກ້ໄຂ້ບັນຫາ ເພື່ອເຮັດໃຫ້ຂອບເຂດຄວາມຮັບຜີດຊອບລຽບຕາມຊາຍແດນລາວ-ຫວຽດນາມ ໃຫ້ມີຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍ, ສ້າງພື້ນຖານໃຫ້ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນທັງສອງຊາດ ລາວ-ຫວຽດນາມ ນັບມື້ນັບດີຂຶ້ນເທື່ອລະກ້າວ.
ພ້ອມນີ້ ຕາງໜ້ງບັນດາກົມກອງ ໄດ້ຜັດປ່ຽນກັນຂຶ້ນປະກອບຄໍາເຫັນ ແລະຮັບຮອງບັດບັນທຶກການຊ່ວຍຈຳ ເພື່ອສືບຕໍ່ບັນດາໜ້າວຽກງານຄື: ສືບຕໍ່ໃນການພົວພັນຮ່ວມມືປະສານງານຜ່ານທາງໂທລະສັບ ຫຼື ຜ່ານງານດ່ວນ, ສືບຕໍ່ຮ່ວມແກ້ໄຂ້ປະກົດການຫຍໍ້ທໍ້ ທີ່ຈະເກີດຂຶ້ນລຽບຕາມຊາຍແດນ ໃຫ້ມີຄວາມເປັນລະບຽບຮຽບຮ້ອຍ, ສືບຕໍ່ແກ້ໄຂ້ບັນຫາການຄາຂາຍຢາເສບຕິດ ໂດຍຕິດພັນກັບການຈັດຕັ້ງປະຕິບັດເນື້ອໃນ 2 ວາລະແຫ່ງຊາດ, ສືບຕໍ່ຈັດກອງປະຊຸ່ມພົບປະແລກປ່ຽນບົດຮຽນ ວຽກງານປ້ອງກັນຊາດເຊີ່ງກັນ ແລະກັນ ປີລະ 1 ຄັ້ງ, ມີ 4 ກອງບັນຊາການຄື: ກອງບັນຊາການທະຫານເມືອງໂພນທອງ ແຂວງຫຼວງພະບາງ, ກອງບັນຊາການທະຫານເມືອງຊ່ອນ, ເມືອງແອດ ແຂວງຫົວພັນ ສປປ ລາວ ແລະກອງບັນຊາການທະຫານເມືອງສົບກົບ, ແຂວງເຊີນລາ ສສ ຫວຽດນາມ, ພ້ອມນີ້ ໄດ້ເຫັນດີເປັນເອກະພາບລົງນາມໃສ່ບົດບັນທຶກຊ່ວຍຈຳ ແລະພ້ອມທັງມອບຂອງຂວັນໃຫ້ກັນ ແລະກັນຕື່ມອີກ.
ທີ່ມາ: ໄຊຄຳ ພົມມະສິດ+ຈັນດີ ເຈ່ຍຊົ່ງທໍ່.
