ໃນຕອນເຊົ້າຂອງວັນທີ 14 ກຸ່ມພາ 2023 ຜ່ານມານີກອງບັນຊາການປ້ອງກັນຄວາມສະຫງົບ ປກສ ເມືອງໂພນທອງແຂວງຫລວງພະບາງ ຈັດກອງປະຊຸມສະຫຼຸບການຈັດຕັ້ງປະຕິບັດວາລະແຫ່ງຊາດ, ມີ ທ່ານບຸນເລືອມ ມະນີວົງ ຮອງເຈົ້າແຂວງຫຼວງພະບາງ, ທ່ານ ບຸນຈັນ ປານຟອງເພັດ ເຈົ້າເມືອງໂພນທອງ,ພັນໂທ ຄຳເພົາ ເດດບັນດິດ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງ, ມີການນໍາຂອງເມືອງ ແລະ ພາກສ່ວນທີ່ກ່ຽວຂ້ອງຂອງ ແຂວງເຂົ້າຮ່ວມ.
ວາລະກອງປະຊຸມ ພັນໂທ ຄຳກາ ສັນທະວົງ ຮັກສາການຫົວໜ້າກອງບັນຊາການປ້ອງກັນຄວາມສະຫງົບເມືອງ ໄດ້ຜ່ານບົດສະຫຼຸບການຈັດຕັ້ງປະຕິບັດວາລະແຫ່ງ ຊາດວ່າ ໃນໄລຍະຜ່ານມາກອງບັນຊາ ການປ້ອງກັນຄວາມສະຫງົບເມືອງໄດ້ເອົາໃຈໃສ່ຈັດຕັ້ງຜັນຂະຫຍາຍຄຳສັ່ງເລກທີ 27/ນຍ,ຄຳສັ່ງເລກທີ22/ຄລພສ ແລະຄຳສັ່ງເລກທີ 1740/ປກສ ວ່າດ້ວຍການແກ້ໄຂປະກົດການຫຍໍ້ທໍ້ໃນສັງຄົມ ໄລຍະຜ່ານມາເຊິ່ງສາມາດຍາດໄດ້ຜົນງານຫຼາຍດ້ານດັ່ງນີ,ດຳເນີນຄະດີຢາເສບຕິດໄດ້ 6 ເລື່ອງ,ກັກຕົວຜູ້ຖືກຫາ 9 ຄົນ,ຍີິງ 3 ຄົນ,ລົງທຳລາຍສ່ວນຝິ່ນຈຳນວນ 127 ຕອນ,ເນື້ອທີ່ປະມານ 52 ເຮັກຕາ,ສ້າງສຳນັກງານປອດຢາເສບຕິດໄດ້ 29 ຫ້ອງ ການ,ໂຄສະນາປູກລະດົມຂົນຂວາຍໃຫ້ທຸກພາກສ່ວນໃນສັງຄົມເຂົ້າຮ່ວມວຽກ ງານສະກັດກັ້ນ ແລະຕ້ານຢາເສບ ຕິດຢູ່ບັນດາບ້ານຈຸດສຸມ 16 ບ້ານເປົ້າ ໝາຍ ແລະບ້ານລຽບຕາມຊາຍແດນລາວ- ຫວຽດ,ກວດກາຂອບເຂດ,ຈຸດຫໍ່ຼແຫຼມທີ່ປະຊາຊົນລັກລອບປູກຝິ່ນ, ມີ 16 ບ້ານເປົ້າໝາຍ ສາມາດກວດພົບເຫັນສ່ວນຝິ່ນທັງໝົດ 8 ຕອນເນື້ອທີປະມານ 3,50 ເຮັກຕາ,ຖ້າທຽບໃສ່ປີຜ່ານມາ.
ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດໂດຍສະ ເພາະ ການລັກລອບປູກຝິ່ນ ຢູ່ນອກຂອບເຂດອຸທິຍານແຫ່ງຊາດ, ບ້ານລັກລອບປູກຝິ່ນຫຼຸດລົງ 13 ບ້ານເທົ່າກັບ 81,25%, ສວນຝິ່ນຫຼຸດລົງ 300 ຕອນ, ຕອນ ທ້າຍກອງປະຊຸມ ທ່ານບຸນເລືອມ ມະນີວົງ ຮອງເຈົ້າແຂວງຫຼວງພະບາງໄດ້ມີຄຳເຫັນໂອຕໍ່ກອງປະຊຸມທ່ານໄດ້ເນັນໜັກລາຍບັນຫາທີ່ສຳຄັນຕື່ມອີກ.
ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ
Loading...