ວັນທີ 13 ກໍລະກົດ 2021 ນີ້ ກອງບັນຊາ ການ ປກສ ເມືອງໂພນທອງ ໄດ້ຈັດພິທີທຳລາຍອາວຸດລ່າສັດ ແລະເຄື່ອງມືຜິດລະບຽບກົດໝາຍ, ໂດຍການເຂົ້າຮ່ວມຂອງ ທ່ານ ສົມວອນ ແກ້ວຄຳພອນ ຮອງເລຂາພັກເມືອງ, ພ້ອມດ້ວຍຫົວໜ້າ ຮອງຫົວໜ້າຫ້ອງການ, ຂະແໜງການທີ່ກ່ຽວຂ້ອງ ຕະຫຼອດຮອດການຈັດຕັ້ງບ້ານ ອ້ອມຂ້າງເທດສະບ້ານເມືອງເຂົ້າຮ່ວມ.

ໃນພິທີ ພັນໂທ ຄຳກາ ສັນທະວົງ ຫົວໜ້າກອງບັນຊາ ປກສ ເມືອງໂພນທອງໄດ້ຜ່ານບົດສະຫຼຸບໂດຍຫຍໍ້ວ່າ: ເພື່ອສະກັດກັ້ນບໍ່ໃຫ້ພວກກຸ່ມຄົນບໍ່ດີ ສວຍໃຊ້ອາວຸດ ແລະວັດຖຸອຸປະກອນ ເຂົ້າໃນການເຄື່ອນ ໄຫວ ກໍ່ຄວາມບໍ່ສະຫງົບ ທັງເປັນການສະກັດກັ້ນ ບັນດາບັນດາປະກົດການຫຍໍ້ທໍ້ ທີ່ຈະເກີດຂື້ນໃນສັງຄົມ ເຊີ່ງໄລຍະຜ່ານມາ ມັກເກີດການຫຼົງຍິ່ງກັນ, ປື້ນລັ່ນໃຊ້ກັນ, ຫ້າງທາດແຕ່ກ, ທາດລະເມີດ ຫືຼ ວັດຖຸອຸປະກອນອື່ນໆ ເພື່ອເຂົ້າທຳລາຍສັດນໍ້າ-ສັດປ່າແບບດັບສູນ ແລະບັນຫາອື່ນ ທີ່ເກີດຂື້ນລາຍເຫດການ, ເຊີ່ງຄະນະບັນຊາ ກອງບັນຊາການ ປກສ ເມືອງໂພນທອງ ໄດ້ສົມທົບກັບພາກສ່ວນທີກ່ຽວ ຂ້ອງຂອງເມືອງ ລົງກວດກາເລີກຮື້ ແລະປຸກລະດົມ ການມອບອາວຸດລາເນື້ອປະ ເພດປື້ນແກັບ ຈາກປະຊາຊົນຈຳນວນ 119 ກະບອກ ແລະຈາກພະນັກງານພາຍໃນເມືອງນໃນ 8 ກະບອກ ໃຫ້ກັບເຈົ້າ ໜ້າທີ່, ນອກນັ້ນ ແມ່ນໄດ້ມາຈາກການນໍາໃຊ້ ເຂົ້າໃນການກະທິຜິດ, ເປັນຕົ້ນ ຫຼົງຍິງກັນ, ປື້ນລັ່ນໃສ່ກັນຈຳນວນ 19 ກະບອກ ລວມທັງໝົດ 146 ກະກອກ, ພ້ອມນີ້ ສາມາດຍຶດໝໍ້ຊອ໋ດປາໄດ້ 2 ໜ່ວຍ, ຈັກສະຕິນ ຫຼື ຈັກຕັດໄມ້ 7 ເຄື່ອງ ທີ່ປະຊາ ຊົນນຳໃຊ້ແບບບໍ່ຖຶກຕ້ອງ ຕາມລະບຽບກົດໝາຍຂອງບ້ານເມືອງ. ຕອນທ້າຍພິທີ ທ່ານຮອງເລຂາພັກເມືອງ ໄດ້ມີຄຳເຫັນໂອລົມ ພ້ອມທັງຮ່ວມທຳລາຍອາວຸດລ່າເນື້ອ ແລະເຄື່ອງມືຜິດລະບຽບກົດໝາຍ ທີ່ຍືດມາໄດ້ ຢ່າງເປັນທາງການ.

ພາບ-ຂ່າວ ສົມເພັດ ໄຊມີກອນ

Loading...