ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມການປະເມີນວຽກງານ3ສ້າງ ປະຈຳປີ 2020

ໃນຕອນເຊົ້າຂອງວັນທີ 23 ມີຖຸນາ 2020 ຢູທີ່ສະໂມສອນເມືອງທົ່ງມີໄຊ ໄດ້ເປີດກອງປະຊຸມການປະເມີນວຽກງານ 3 ສ້າງປະຈຳປີ 2020 ຂຶ້ນຢ່າງເປັນທາງການ ເປັນກຽດເຂົ້າຮ່ວມຂອງ ທ່ານ ສົມພອນ ໄຊດວງຕາ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆທົ່ງມີໄຊ, ມີຄະນະປະຈຳພັກເມືອງ ກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ,ອົງການ, ກົມກອງ ເຂົ້າຮ່ວມ 59 ທ່ານ ຍິງ 10 ທ່ານ ກອງປະຊຸມໄດ້ຮັບຟັງການຜ່ານຂໍ້ຕົກລົງທ່ານ ເຈົ້າເມືອງ ສະບັບເລກທີ່244/ຈມ.ທຊ ລົງວັນ 22 ມິຖຸນາ 2020 ວ່າດ້ວຍການແຕ່ງຕັ້ງຄະນະກຳມະການປະເມີນຜົນ ການສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ, ຮັບຟັງມະຕິຕົກລົງສະບັບເລກທີ 68/ຄພມ.ທຊ ລົງວັນທີ 11 ພຶດສະພາ 2020 ວ່າດ້ວຍການແຕ່ງຕັ້ງຄະນະປະຈໍາ ກຳມະການພັກເມືອງ ແລະ ພະນັກງານລົງຮັບຜິດຊອບຢູ່ແຕ່ລະໜ່ວຍພັກຮາກຖານບ້ານໃນທົ່ວເມືອງ, ຮັບຟັງ ຄຳແນະນຳກະຊວງພາຍໃນສະບັບເລກທີ່ 05/ພນ ກ່ຽວກັບການປະເມີນຜົນ ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາເຊິ່ງປະກອບດ້ວຍ  5 ດ້ານຄື:ດ້ານການກໍ່ສ້າງພັກ-ພະນັກງານ, ດ້ານການປົກຄອງ ແລະ ຄຸ້ມຄອງບໍລິຫານ, ດ້ານເສດຖະກິດ-ການເງິິນ, ຊັບພະຍາກອນທຳມະຊາດ ແລະສິ່ງແວດລ້ອມ ,ດ້ານວັດທະນະທຳ-ສັງຄົມ, ດ້ານປ້ອງກັນຊາດ-ປ້ອງກັນຄວາມສະຫງົບ ແລະ 47 ຕົວຊີ້ບອກ, ພ້ອມນີ້ກໍ່ຍັງຮັບຮູ້ໄດ້ເຖິງຈຸດປະສົງ ແລະ ລະດັບຄາດໝາຍ,ຫຼັກການໃນການປະເມີນ, ເນື້ອໃນການປະເມີນຜົນ ແລະ ການຈັດຕັ້ງປະຕິບັດ ຈາກນັ້ນກໍ່ໄດ້ເປີດໂອກາດໃຫ້ແຂກທີ່ເຂົ້າຮ່ວມກອງປະຊຸມສົນທະນາແລກປ່ຽນຄຳຄິດຄຳເຫັນຢ່າງກົງໄປກົງມາ ແລະ ມີຄວາມເປັນເອກະພາບກັນໃນການນຳໄປຈັດຕັ້ງປະຕິບັດ ກອງປະຊຸມໄດ້ດຳເນີນໄປເປັນເວລາ 1 ຕອນກໍ່ໄດ້ອັດລົງດ້ວຍຜົນສຳລັດຢ່າງຈົບງາມ.