ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງປະຊຸມຄະນະກໍາມະການແກ້ໄຂ ບັນຫາຢາເສບຕິດລະ ດັບຊາດ ຄັ້ງປະຖມົມະລຶກ ເພື່ອປຶກສາຫາລືກ່ຽວກັບການກະ ກຽມຈັດຕັ້ງປະຕິບັດວາລະແຫ່ງຊາດວ່າດວ້ຍການແກ້ໄຂບັນຫາຢາເສບຕິດໄລຍະປີ 2024 ຫາ 2025 ຈັດຂຶ້ນໃນວັນທີ 10 ມັງກອນນີ້ ທີ່ສະໂມສອນ ກະຊວງປ້ອງກັນຄວາມສະຫງົບ, ພາຍ ໃຕ້ການເປັນປະທານຂອງພົນເອກ ວິໄລ ຫຼ້າຄຳຟອງ ຮອງນາຍົກ ລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ, ປະທານຄະນະກຳມະການແກ້ໄຂບັນຫາຢາເສບຕິດລະດັບຊາດ, ມີພົນຕີ ຄໍາກິ່ງ ຜຸຍຫຼ້າມະນີວົງ, ຮອງລັດຖະມົນຕີກະຊວງປ້ອງກັນຄວາມ ສະຫງົບ, ຫົວໜ້າກົມໃຫຍໍ່ຕໍາຫຼວດ, ຮອງປະທານ, ຜູ້ປະຈໍາການຄະນະກໍາມະການແກ້ໄຂບັນຫາຢາເສບຕິດລະດັບຊາດ, ພັນເອກ ລັດສະໝີ ໄຊຍະຄໍາ ຮອງຫົວໜ້າກົມໃຫຍ່ຕໍາຫລວດ ຕາງໜ້າຄະນະກໍາມະການແກ້ໄຂບັນຫາຢາເສບຕິດ ພ້ອມດ້ວຍຄະນະກໍາມະການແກ້ໄຂບັນຫາຢາເສບຕິດ ແລະ ແຂກຮັບເຊີນເຂົ້າຮ່ວມ
ພົນເອກ ວິໄລ ຫຼ້າຄຳຟອງ ມີຄໍາເຫັນວ່າ: ຕະຫຼອດໄລຍະຜ່ານມາ ລັດຖະບານ ໄດ້ຖືເອົາການແກ້ໄຂບັນຫາຢາເສບຕິດເປັນວຽກໜຶ່ງທີ່ສໍາຄັນແນໃສ່ເຮັດໃຫ້ປະຊາຊົນໃນທົ່ວສັງຄົມ ປອດ ໄພຈາກບັນຫາຢາເສບຕິດ ເພື່ອເຮັດໃຫ້ປະຊາຊົນລາວເຮົາມີຄວາມຜາສຸກຢູ່ດີກິນດີ. ພາຍຫຼັງທີ່ກົມການເມືອງສູນກາງພັກໄດ້ອອກຄຳສັ່ງສະບັບເລກທີ 02 ວ່າດ້ວຍເພີ່ມທະວີການນຳພາຊີ້ນຳຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ, ສະພາແຫ່ງຊາດໄດ້ອອກມະຕິຮັບຮອງເອົາວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດສະບັບເລກທີ 04 ຂອງສະພາແຫ່ງຊາດ. ລັດຖະບານກໍ່ຄືກະຊວງປ້ອງກັນ ຄວາມສະຫງົບ ໄດ້ເປັນເຈົ້າການເພີ່ມທະວີ, ຍົກລະດັບການນຳພາ-ຊີ້ນຳການເຄື່ອນໄຫວພາລະບົດບາດເປັນໃຈກາງໃນການປະສານສົມທົບກັບບັນດາກະ ຊວງ-ອົງການ ແລະ ທ້ອງຖິ່ນເພື່ອຈັດຕັ້ງຜັນຂະຫຍາຍວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດໄປຕາມ 3 ຫຼັກການຄື : ເດັດຂາດ, ໂປ່ງໃສ, ມືອາຊີບ, ໄປຕາມຄໍາຂວັນທີ່ວ່າ: ອັດ 3 ທາງ, ມ້າງ3 ເປົ້າ, ເປັນເຈົ້າ 3 ຫຼັກ ແລະ ໄປຕາມ 6 ວຽກຈຸດສຸມຂອງວາລະແຫ່ງຊາດຜ່ານການ ເຄື່ອນໄຫວຕົວຈິງໃນໄລຍະເກືອບ 3 ປີຜ່ານມາສາມາດຍາດເອົາຜົນສໍາເລັດຫລາຍດ້ານ.
ທ່ານໄດ້ຍົກໃຫ້ເຫັນຕື່ມວ່າ: ບັນຫາຢາເສບຕິດເປັນບັນຫາລວມຂອງປະເທດເຮົາ, ເປັນບັນຫາລວມຂອງພາກພື້ນ ແລະ ສາກົນ, ເປັນໄພຂົ່ມຂູ່ຕໍ່ກັບຄວາມສະຫງົບປອດໄພ ໂດຍສະເພາະຢູ່ຕາມບໍລິເວນຊາຍແດນລະຫວ່າງປະເທດ, ຊາຍແດນລະຫວ່າງແຂວງຕໍ່ແຂວງ, ທ້ອງຖິ່ນຕໍ່ກັບທ້ອງຖິ່ນ, ຕໍ່ກັບຄວາມເປັນລະ ບຽບຮຽບຮ້ອຍຂອງຄົນໃນສັງຄົມ ແລະ ຕໍ່ກັບຄວາມໝັ້ນຄົງຂອງຊາດ. ດ້ວຍເຫດນີ້, ສະພາແຫ່ງຊາດຈຶ່ງໄດ້ມີມະຕິສະບັບເລກທີ 110 ຂອງສະມາຊິກສະພາແຫ່ງຊາດວ່າດ້ວຍການຮັບ ຮອງເອົາຜົນການຈັດຕັ້ງປະຕ ບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຂອງລັດຖະບານໃນໄລຍະ 3 ປີ ແຕ່ປີ 2021 ຫາ 2023 ແລະ ຜ່ານການຈັດຕັ້ງປະຕິບັດມະຕິ ດັ່ງກ່າວແມ່ນເຫັນດີໃຫ້ສືບຕໍ່ຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດຈົນເຖິງປີ 2025.
ວິທະຍຸກະຈາຍສຽງແຫ່ງຊາດລາວ ( ວສລ )