ຕອນເຊົົ້າວັນທີ 26 ມັງກອນ 2021 ທີ່ຫ້ອງປະຊຸມຊັ້ນ 3 ຫ້ອງວ່າການແຂວງ ໄດ້ມີກອງປະຊຸມຄະນະກໍາມະການເລືອກຕັ້ງຂັ້ນແຂວງຜົ້ງສາລີ ຄັ້ງທີ III ກ່ຽວກັບການກະກຽມການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ໂດຍການເປັນປະທານຂອງທ່ານ ຄໍາຜອຍ ວັນນະສານ ເຈົ້າແຂວງ ປະທານຄະນະກໍາມະການເລືອກຕັ້ງຂັ້ນແຂວງ, ເຂົ້າຮ່ວມມີ ບັນດາທ່ານຄະນະກໍາມະການເລືອກຕັ້ງຂັ້ນແຂວງ, ຫົວໜ້າ, ຮອງຫົວໜ້າອະນຸກໍາມະການເລືອກຕັ້ງຂັ້ນແຂວງ ແລະ ບັນດາທ່ານປະທານ, ຮອງປະທານຄະນະກໍາມະການເລືອກຕັ້ງຂັ້ນເມືອງໃນ 7 ເມືອງເຂົ້າຮ່ວມ ທັງໝົດ 28 ທ່ານ, ຍິງ 6 ທ່ານ.

ທັງນີ້ກໍເພື່ອເປັນການສະຫຼຸບທົບທວນຄືນການຈັດຕັ້ງປະຕິບັດແຜນການດໍາເນີນງານ ແລະ ບົດບັນທຶກກອງປະຊຸມຄະນະກໍາມະການເລືອກຕັ້ງຂັ້ນແຂວງຜົ້ງສາລີ ຄັ້ງທີ IIກ່ຽວກັບການກະກຽມການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ທີ່ໄດ້ຈັດຕັ້ງປະຕິບັດໃນເດືອນມັງກອນທີ່ຜ່ານມາ ແລະ ວາງແຜນວຽກຈຸດສຸມໃນເດືອນກຸມພາ ເພື່ອໃຫ້ບັນລຸຕາມລະດັບຄາດໝາຍທີ່ວາງໄວ້ ແລະ ສາມາດຮັບປະກັນໄດ້ 3 ຮ້ອຍສ່ວນຮ້ອຍ (Œ ຮັບປະກັນໃຫ້ມີຜູ້ໃຊ້ສິດປ່ອນບັດເລືອກຕັ້ງ ເຂົ້າຮ່ວມ 100%,  ຮັບປະກັນບໍ່ໃຫ້ມີບັດຕາຍ 100%% ແລະ Ž ຮັບປະກັນຄວາມສະຫງົບປອດໄພ 100%).

ໃນທີ່ປະຊຸມໄດ້ຮັບຟັງ ທ່ານ ປອ ຈັນສີ ແສງສົມພູ ຮອງປະທານສະພາປະຊາຊົນແຂວງ, ຫົວໜ້າອະນຸກໍາມະການເລຂານຸການ ຂຶ້ນລາຍງານການຈັດຕັ້ງປະຕິບັດບົດບັນທຶກກອງປະຊຸມຄະນະກໍາມະການເລືອກຕັ້ງຂັ້ນແຂວງ ຄັ້ງທີ 2 ກ່ຽວກັບການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II. ຈາກນັ້ນ, ບັນດາຫົວໜ້າ, ຮອງຫົວໜ້າອະນຸກໍາມະການເລືອກຕັ້ງຂັ້ນແຂວງ ແລະ ປະທານຄະນະກໍາມະການເລືອກຕັ້ງຂັ້ນເມືອງກໍໄດ້ຜັນປ່ຽນກັນມີຄໍາຄິດເຫັນຢ່າງກົງໄປກົງມາ ແລະ ມີຂໍ້ສະເໜີຈໍານວນໜຶ່ງທີ່ເຫັນວ່າມີຄວາມຫຍຸ້ງຍາກໃນການຈັດຕັ້ງປະຕິບັດວຽກງານຂອງແຕ່ລະພາກສ່ວນ ເພື່ອຂໍການພິຈາລະນາ, ຕົກລົງ ແລະ ເປັນເອກະພາບຈາກຄະນະກໍາມະການເລືອກຕັ້ງຂັ້ນແຂວງ.

Loading...