ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຫຼວງພະບາງ ຊຸດທີ II ໄດ້ອັດລົງໃນຕອນບ່າຍວັນທີ 8 ເມສາ 2021 ນີ້ ຢູ່ຫ້ອງປະຊຸມໃຫຍ່ຂອງແຂວງ ພາຍຫຼັງດໍໍາເນີນມາເປັນເວລາ 2 ວັນໂດຍເປັນປະທານຂອງ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ປະທານສະພາປະຊາຊົນແຂວງ, ມີ ທ່ານ ຄຳຂັນ ຈັນທະວີສຸກ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງພະບາງ, ພ້ອມດ້ວຍການນຳແຂວງ, ຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ອົງການຈັດຕັ້ງມະຫາຊົນ, ພະນັກງານບໍານານ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 6 ແລະສະມາຊິກສະພາປະຊາຊົນແຂວງ ເຂົ້າຮ່ວມ.
ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງການລາຍງານ ຜົນສຳເລັດການເລືອກຕັ້ງສະພາແຫ່ງ ຊາດ ແລະຢັ້ງຢືນຄຸນລັກສະນະຂອງສະ ມາຊິກສະພາປະຊາຊົນແຂວງ, ຮັບຮອງເອົາປະທານ, ຮອງປະທານສະພາປະ ຊາຊົນແຂວງ ແລະຄະນະປະຈໍາ ສະພາປະ ຊາຊົນແຂວງທັງໝົດ 7 ທ່ານ ຍີງ 1 ທ່ານ, ຮັບຮອງຄະນະກໍາມະການ, ຮອງປະທານ ຄະນະກໍາມະການ ແລະເລຂາທິການ ສະ ພາປະຊາຊົນແຂວງ, ໃນນັ້ນ ໄດ້ຮັບຮອງເອົາ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ເປັນປະທານສະພາປະ ຊາຊົນແຂວງ, ທ່ານ ສິງຕັນ ໄຊລື່ຊົ່ງ ກຳມະການປະຈໍາພັກແຂວງ ແລະທ່ານ ສົມພອນ ສີອຸດົມພັນ ກໍາມະການພັກແຂວງ ຫົວໜ້າພະແນກພາຍໃນແຂວງ ເປັນຮອງປະທານສະພາປະຊາຊົນແຂວງ, ພ້ອມດຽວກັນນີ້ ໄດ້ພິຈາລະນາ ແລະຮັບຮອງເອົາ ທ່ານ ມອນໄຊ ລາວມົວຊົ່ງ ກຳມະການສຳຮອງສູນກາງພັກ ກຳມະ ການປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ເປັນຮອງເຈົ້າແຂວງ. ວາລະກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງການລາຍງານໂດຍຫຍໍ້ຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແລະແຜນງົບປະມານ 5 ປີ (2016-2020), ແຜນການ 5 ປີ (2021-2025) ຂອງອົງການປົກຄອງແຂວງ, ຮັບຟັງການລາຍງານການຈັດຕັ້ງປະຕິບັດວຽກງານ 5 ປີ (2016-2020) ແລະທິດທາງແຜນການ 5 ປີ (2021-2025) ຂອງອົງການໄອຍະການປະຊາຊົນແຂວງ-ສານປະຊາຊົນແຂວງ ແລະຮັບຟັງການລາຍງານການຈັດຕັ້ງປະຕິບັດວຽກງານ 5 ປີ (2016-2020) ແລະທິດທາງແຜນການ 5 ປີ (2021-2025) ຂອງຄະນະປະຈຳສະພາປະຊາຊົນແຂວງຊຸທີ II.
ຈາກນັ້ນ ຜູ້ແທນກອງປະຊຸມໄດ້ປະກອບຄຳເຫັນ ຕາມຄຳຖາມເຈາະຈິ້ມຂອງປະທານກອງປະຊຸມ ແລະຂໍ້ຊັກຖາມຈາກບັນດາສະມາຊິກສະພາແຫ່ງຊາດ ເຂດເລືອກຕັ້ງທີ 6 ແລະສະມາຊິກສະພາປະຊາຊົນແຂວງ, ພ້ອມດຽວກັນນັ້ນ ບັນດາພະແນກການກ່ຽວຂ້ອງໄດ້ຂື້ນຊີ້ແຈງຕໍ່ຂໍ້ຊັກຖາມ ເພື່ອໃຫ້ທີ່ປະຊຸມໄດ້ຄົ້ນຄວ້າ, ພິຈາລະນາ, ແກ້ໄຂ ແລະຮັບຮອງເອົາມາດຕະການແກ້ໄຂ. ໂອກາດກ່າວອັດກອງປະຊຸມ ທ່ານ ວົງສະຫັວນ ເທບພະຈັນ ໄດ້ຮຽກຮ້ອງໃຫ້ ສະມາຊິກສະພາແຫ່ງຊາດ ເຂດເລືອກຕັ້ງທີ 6 ແລະສະມາຊິກສະພາປະຊາຊົນແຂວງ, ສືບຕໍ່ຜັນຂະຫຍາຍ ມະຕິກອງປະຊຸມຄັ້ງນີ້ ໃຫ້ທົ່ວເຖີງ ແລະເລີກເຊີ່ງ ເພື່ອຮັດໃຫ້ການປະຕິບັດ ບັນດາຄາດໝາຍແຕ່ລະດ້ານມີຜົນສຳເລັດ.
ໃນວາລະການດຳເນີນກອງປະຊຸມ ຄະນະຮັບຜິດຊອບກອງປະຊຸມ ໄດ້ຮັບໂທລະສັບສາຍດ່ວນ ຈາກປະຊາຊົນລາວບັນດາເຜົ່າ ໃນທົ່ວແຂວງຫຼວງພະບາງ ທີ່ໄດ້ສະເໜີຄຳຄິດເຫັນ ອັນເປັນປະໂຫຍດ ກ່ຽວກັບບັນຫາໃນສັງຄົມ ເຊີ່ງຈະໄດ້ສືບຕໍ່ຮ່ວມກັບພາກສ່ວນກ່ຽວຂ້ອງ ສືບຕໍ່ແກ້ໄຂຕາມຄວາມເໝາະສົມ.
ຂ່າວ: ອາພຸດເດດ ບຸບຜາ, ພາບ: ເພັດສາຄອນ ສີມມະວົງ
Loading...