ກອງປະຊຸມຄົບຄະນະກໍາມາທິການການຕ່າງປະເທດຂອງສະພາແຫ່ງຊາດປະຈໍາປີ 2022ຈັດຂື້ນມໃນຕອນເຊົ້າວັນທີ 17ມັງກອນ 2022 ຢູ່ຫໍສະພາແຫ່ງຊາດ ນະຄອນຫລວງວຽງຈັນ ໂດຍຈັດໃນຮູບເເບບເຊີ່ງຫນ້າ ເເລະ ວີດີໂອທາງໄກ ພາຍໃຕ້ການເປັນປະທານຂອງ ທ່ານ ສັນຍາ ປະເສີດ ຄະນະປະຈໍາ ປະທານກໍາມາທີການການຕ່າງປະເທດ ສະພາແຫ່ງຊາດ ໃຫ້ກຽດເຂົ້າຮ່ວມ ໂດຍທ່ານນາງສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ຜູ້ຊີ້ນໍາວຽກງານການຕ່າງປະເທດ ສະພາເເຫ່ງຊາດ,ມີ ບັນດາເອກອັກຄະລັດຖະທູດທີ່ປະຈໍາຢູ່ຕ່າງປະເທດບາງປະເທດ,ສະມາຊິກສະພາແຫ່ງຊາດທີ່ປະຈໍາຢູ່ກໍາມາທິການການຕ່າງປະເທດສະພາແຫ່ງຊາດ, ພ້ອມດ້ວຍພາກສ່ວນກ່ຽວຂ້ອງ.
ທ່ານ ສັນຍາ ປະເສີດ ໄດ້ມີຄໍາເຫັນກ່າວໄຂກອງປະຊຸມວ່າ: ການຈັດກອງປະຊຸມຄັ້ງມີມີຄວາມຫມາຍຄວາມສໍາຄັນທີ່ສຸດ ເຊິ່ງໄຂຂຶ້ນໃນທ່າມກາງທີ່ປະເທດເຮົາກໍາລັງພົບກັບຂໍ້ຍາກເເລະສີ່ງທ້າທາຍຫລາຍດ້ານ ມີທັງປັດໃຈພາຍໃນ ເເລະ ພາຍນອກ, ນອກນີ້ບັນດາຜູ້ເເທນທີ່ເຂົ້າຮ່ວມກອງປະຊຸມ ໄດ້ພ້ອມກັນຄົ້ນຄວ້າປຶກສາຫາລືກ່ຽວກັບການຈັດຕັ້ງປະຕິບັດບັນດາວຽກງານຂອງກໍາມາທິການຕ່າງປະເທດໃນໄລຍະຜ່ານມາ ເເລະ ວາງທິດທາງເເຜນການໃນຕໍ່ຫນ້າ ເພື່ອເຮັດໃຫ້ວຽກງານດັ່ງກ່າວ ຖືກຈັດຕັ້ງປະຕິບັດໄດ້ຢ່າງມີປະສິດທີພາບ ເເລະ ປະສິດທິຜົນຫລາຍຂື້ນກວ່າເກົ່າ ພ້ອມທັງຮຽກຮ້ອງໃຫ້ຜູ້ເຂົ້າຮ່ວມກອງປະຊຸມ ຍົກສູງຄວາມຮັບຜິດຊອບທາງດ້ານການເມືອງ ສຸມທຸກສະຕິປັນຍາ ຄວາມຮູ້ຄວາມສາມາດ ແລະ ປະສົບການຂອງຕົນ ຄົ້ນຄວ້າປະກອບຄໍາຄິດຄໍາເຫັນໃສ່ເເຜນການເຄື່ອນໄຫວວຽກງານຂອງກໍາມາທິການຕ່າງປະເທດຢ່າງມີຈຸດສຸມ ເພື່ອຮັບປະກັນເຮັດໃຫ້ວຽກງານຂອງກໍາມາທິການຕ່າງປະເທດສະພາແຫ່ງຊາດໄດ້ຮັບການເຄື່ອນໄຫວຢ່າງມີຄຸນນະພາບ ເເລະ ອື່ນໆ. ຜູ້ເຂົ້າຮ່ວມກອງປະຊຸມ ໄດ້ພ້ອມກັນຮັບຟັງການລາຍງານບົດສະຫລຸບການເຄື່ອນໄຫວວຽກງານການຕ່າງປະເທດ ຂອງສະພາແຫ່ງຊາດຊຸດທີ 9 ປະຈໍາປີ 2022 ເເລະທິດທາງເເຜນການປີ 2023, ຮັບການການລາຍງານການກະກຽມການເປັນເຈົ້າພາບຈັດກອງປະຊຸມລັດຖະສະພາຂອງ 3 ປະເທດກໍາປູເຈຍ-ລາວ-ຫວຽດນາມ ຄັ້ງທີ 1, ຮັບຟັງບົດລາຍງານການເຄື່ອນໄຫວວຽກງານການຕ່າງປະເທດຂອງລັດຖະບານປະຈໍາປີ 2022 ການຈັດຕັ້ງປະຕິບັດສົນທິສັນຍາ, ສັນຍາ ເເລະ ຂໍ້ຕົກລົງຕ່າງໆທີ່ລັດຖະບານລາວໄດ້ເຊັນກັບຕ່າງປະເທດ ບັນຫາພົ້ນເດັ່ນຂອງວຽກງານຊາຍເເດນ ວຽກງານຈຸດສຸມ,ວຽກງານສິດທິມະນຸດ ລວມເຖິງທິດທາງເເຜນການປີ 2023, ຮັບຟັງບົດລາຍງານຂອງການຊ່ວຍເຫລືອລ້າເພື່ອໄປພັດທະນາຢູ່ລາວປະຈໍາປີ 2022 ເເລະ ເເຜນການປະຈໍາປີ 2023, ຮັບຟັງບົດລາຍງານກ່ຽວກັບສະພາບການພົ້ນເດັ່ນ ການພົວພັນຮ່ວມມືລາວ-ຫວຽດນາມປະຈໍາປີ 2022 ເເລະເເຜນການປະຈໍາປີ 2023, ກ່ຽວກັບສະພາບການພົ້ນເດັ່ນໃນການຮ່ວມມືລາວ-ຈີນປະຈໍາປີ 2022ເເລະເເຜນການປະຈໍາປີ 2023, ບົດສະເຫນີກ່ຽວກັບໂຄງການທ່າບົກ-ທ່ານາເເລ້ງ ທີ່ເປັນໂຄງການຫນື່ງໃນການຈັດຕັ້ງຜົນຂະຫຍາຍນະໂຍບາຍເຊື່ອມໂຍງ-ເຊື່ອມຈອດ ຂອງລັດຖະບານລາວໄປສູ່ປະເທດຕ່າງໆ ລວມເຖິງວຽກງານສໍາຄັນຈໍານວນຫນຶ່ງ ພ້ອມທັງຮັບຟັງຄຳເຫັນໂອ້ລົມ ແລະ ໃຫ້ທິດຊີ້ນຳ ຂອງ ທ່ານ ນາງ ສູນທອນ ໄຊຍະຈັກ ຄະນະ ເລຂາທິການສູນກາງພັກ, ຮອງປະທານສະພາແຫ່ງຊາດ ຜູ້ຊີ້ນຳວຽກງານການຕ່າງປະເທດສະພາແຫ່ງຊາດຕື່ມອີກ.
ຂ່າວ:ເດດອາລຸນ ເເກ້ວວິໄລ.
ພາບ : ດອກຈຳປີ
Loading...