ໃນວັນທີ 24 ພະຈິກ 2020, ຄະນະຜູ້ແທນກະຊວປ້ອງກັນ ປະເທດ ນຳໂດຍ ພົນຕີ ຈັນທອງ ສອນຕະອາດ ຮອງຫົວ​ໜ້າ ກົມໃຫຍ່ເສນາທິການກອງທັບ ໄດ້ເຂົ້າຮ່ວມກອງປະຊຸມທາງໄກ ຜູ້ບັນຊາການທະຫານບົກອາ ຊຽນ ຄັ້ງທີ 21 ພາຍໃຕ້ການເປັນ ປະທານຂອງ ພົນຈັດຕະ ວາ ຮາຈິ ມູຮາມັດ ຮັດໄຊມິ ບິນ ໂບ ຮັດຊັນ ຜູ້ບັນຊາການທະຫານບົກບຣູໄນ, ພາຍໃຕ້ຄໍາຂວັນ “ຄວາມເປັນໜຶ່ງດຽວ ແລະ ການຮັບມືຂອງທະຫານອາຊຽນເພື່ອຮັບມືກັບສິ່ງທ້າທາຍຕໍ່ຄວາມໝັ້ນຄົງຂອງພາກພື້ນ ໂດຍປະຕິບັດຕາມການດໍາລົງຊີ ວິດໃນຮູບແບບໃໝ່ ຈາກການ ແຜ່ລະບາດຂອງພະຍາດໂຄວິດ- 19”.
ກອງປະຊຸມ ໄດ້ຮ່ວມກັນ ແລກປ່ຽປະສົບການ,ບົດຮຽນ
ແລະ ການປະຕິບັດທີ່ດີຂອງກອງທັບບົກບັນດາປະເທດສະມາຊິກ ອາຊຽນ, ເຊິ່ງມີບົດບາດສຳຄັນ ໃນການປະກອບສ່ວນເຂົ້າໃນ ວຽກງານປ້ອງກັນ, ສະກັດກັ້ນ, ຄວບຄຸມ ແລະ ຮັບມືການແຜ່ລະ ບາດຂອງພະຍາດໂຄວິດ-19 ຂອງລັດຖະບານ ໂດຍສະເພາະ ແມ່ນ ການສະໜັບສະໜູນທາງ ດ້ານບຸກຄະລາກອນ, ອຸປະກອນ ການແພດ, ໂຮງໝໍທະຫານ, ສູນ ຈຳກັດບໍລິເວນ, ຫ້ອງທົດລອງ ແລະ ອື່ນໆ.

ນອກຈາກນັ້ນ, ກອງປະຊຸມ ຍັງຍົກບັນຫາຄວາມໝັ້ນ ຄົງ​ທີ່ບໍ່ແມ່ນທາງການທະຫານ ອື່ນໆຂຶ້ນມາແລກປ່ຽນເປັນຕົ້ນ ແມ່ນການກໍ່ການຮ້າຍ, ຄວາມ ໝັ້ນຄົງທາງລະບົບຄອມພິວເຕີ ແລະ ຄວາມໝັ້ນຄົງທາງທະເລທີ່ຍັງສືບຕໍ່ເປັນສິ່ງທ້າ ທາຍຕໍ່ຄວາມໝັ້ນຄົງຂອງພາກພື້ນ ແລະ ສາກົນ ທ່າມກາງການແຜ່ລະບາດຂອງ ພະຍາດ ໂຄວິດ-19. ພ້ອມນີ້, ຍັງໄດ້ຕີລາຄາສູງຕໍ່ຄວາມພະຍາ ຍາມຂອງອາຊຽນ ໃນການສືບ ຕໍ່ການຮ່ວມມື, ແລກປ່ຽນຂໍ້ມູນ ຂ່າວສານ, ບົດ​ຮຽນ ແລະ ປະສົບການ ໂດຍຜ່ານການຈັດຕັ້ງກອງ ປະຊຸມສຳມະນາ, ການເຝິກອົບ ຮົມ ແລະ ການເຝິກຊ້ອມຕ່າງໆ ເພື່ອເສີມສ້າງຂີດຄວາມສາມາດ ໃນການສະກັດກັ້ນ, ຄວບຄຸມ ແລະ ແກ້ໄຂ ພະຍາດລະບາດໂຄ ວິດ-19 ແລະ ພະຍາດລະບາດ ອື່ນໆໃນອະນາຄົດ.

ໃນໂອກາດນີ້, ພົນຕີ ຈັນທອງ ສອນຕະອາດ ກໍໄດ້ປະກອບຄໍາເຫັນ ໂດຍໄດ້ຕີລາຄາສູງຕໍ່ ການເປັນປະທານກອງປະຊຸມ ຂອງກອງທັບບົກບຣູໄນ ໃນຄັ້ງ ນີ້ ເຊິ່ງເປັນການປະກອບສ່ວນ ເຂົ້າໃນການຮັດແໜ້ນການພົວ ພັນຮ່ວມມືລະຫວ່າງທະຫານ ບົກອາຊຽນກໍ່ຄືການປະກອບ ສ່ວນເຂົ້າໃນວຽກງານສາທາ ລະນະສຸກໃນການຮັບມືກັບພະ ຍາດ ໂຄວິດ-19 ແລະ ພະຍາດ ລະບາດອື່ນໆທີ່ອາດຈະເກີດ​ຂຶ້ນ ໃນອະນາຄົດ, ພ້ອມທັງ, ສະເໜີ ຊຸກຍູ້ໃຫ້ ກອງທັບບົກຂອງບັນ ດາປະເທດສະມາຊິກອາຊຽນສືບ ຕໍ່ເລັ່ງຟື້ນຟູບັນດາຂົງເຂດທີ່ໄດ້ຮັບຜົນກະທົບຈາກພະຍາດໂຄວິດ-19, ລວມທັງການຮ່ວມມື ໃນຂອບກອງປະຊຸມຜູ້ບັນຊາ ການທະ ຫານສູງສຸດອາຊຽນ ທີ່ຍັງສືບຕໍ່ເປັນປັດໃຈສຳຄັນ ແລະ ຈຳເປັນເພື່ອສົ່ງເສີມສັນຕິພາບ, ສະຖຽນລະພາບ ແລະ ການ ຮ່ວມມືເພື່ອການພັດທະນາຢູ່ໃນ ພາກພື້ນ.

ໃນຕອນທ້າຍ, ຍັງໄດ້ມີພິທີ ມອບ-ຮັບການເປັນປະທານ ຈາກ ກອງທັບບົກ ປະເທດບຣູໄນ ໃຫ້ ແກ່ກອງທັບບົກ ສະຫະພາບ ມຽນມາ ເພື່ອສືບຕໍ່ເປັນເຈົ້າພາບຈັດ ກອງປະຊຸມຜູ້ບັນຊາການທະ ຫານບົກອາຊຽນ ຄັ້ງທີ 22, ການ
ແຂ່ງຂັນຍິງປືນກອງທັບບົກ ອາຊຽນ ຄັ້ງທີ 30 ແລະ ກອງ ປະຊມຸປະຈຳປີນາຍທະຫານ ບົກອາຊຽນ ຄັ້ງທີ 10 ໃນ ປີ 2021.

Loading...