ໃນຕອນເຊົ້າວັນທີ 5/10/2023 ໄດ້ໄຂກອງປະຊຸມທົບທວນ ແລະ ພັດທະນາສື່ໂຄສະນາຜົນຮ້າຍຂອງລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ທີ່ເມືອງປາກຊັນ ແຂວງບລິຄຳໄຊ ໂດຍການເປັນປະທານຂອງ ທ່ານ ບຸນເພັງ ສີສະຫວັດ ຮອງຫົວ ໜ້າຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ໂດຍມີຜູ້ເຂົ້າຮ່ວມຈາກກົມສື່ມວນຊົນ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວ, ກະຊວງການຕ່າງປະເທດ, ກະ ຊວງສຶກສາທິການ ແລະ ກິລາ, ສູນກາງຊາວໜຸ່ມປະຊາຊົນປະຕິວັດລາວ, ສະ ຖານີວິທະຍຸກະຈາຍສຽງແຫ່ງຊາດ, ຫົວໜ້າ ແລະ ນັກວິຊາການຈາກອົງການປະຕິບັດງານຄື: ໂຄງການເກັບກູ້ລະເບີດແຫ່ງຊາດ, ແມັກ, ເອັດໄອ, ຮາໂລທັຮດ, ອົງການເທີລາ ຣິນາຍຊານ, ເອັນພີເອ, ບໍລິສັດເອັມເອັມຈີ, ກອງກວດກູ້ເພື່ອມະນຸດສະທຳ 58 ກະຊວງປ້ອງກັນປະເທດ ເຊີ່ງມີຜູ້ເຂົ້າຮ່ວມ 58 ຄົນ.
ກອງປະຊຸມດັ່ງກ່າວແມ່ນໄດ້ນຳສະເໜີຜົນສຳເລັດການຈັດຕັ້ງປະຕິບັດວຽກໂຄສະນາສຶກສາໄພຈາກ ລະເບີດບໍ່ທັນແຕກ ຂອງຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນ ທີ່ຕົກຄ້າງຢູ່ ສປປ ລາວ ສະຖິຕິການເກີດອຸປະຕິເຫດ ຈາກ ລບຕ ແລະ ທິດທາງແຜນການໂຄສະນາຜົນຮ້າຍຂອງ ລບຕໃນຕໍ່ໜ້າ ເພື່ອ ຮັບປະ ກັນໃຫ້ຫຼຸດຈຳນວນອຸປະຕິເຫດຜູ້ບາດ ເຈັບ ແລະ ເສຍຊີວິດຈາກ ລບຕ ໃຫ້ຕໍ່າກ່ວາ 38 ຄົນຕໍ່ປີ ຕາມແຜນຍຸດທະສາດແຫ່ງຊາດວ່າດ້ວນການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວໄລຍະ 2021-2030 ກອງປະຊຸມດັ່ງກ່າວແມ່ນຈະໄດ້ຈັດເປັນເວລາ 2 ວັນ
