ກອງປະຊຸມຫົວຂໍ້ຍ່ອຍປີ່ນອ້ອມ ກອງປະຊຸມຫົວໜ້າຕຳຫຼວດອາຊຽນ ຄັ້ງທີ 41 ພາຍໃຕ້ຄຳຂວັນ “ເພີ່ມທະວີການເປັນຄູ່ຮ່ວມໃນການສົ່ງເສີມສັນຕິພາບ, ຄວາມສະຫົງບ ແລະ ຄວາມໝັ້ນຄົງ ໃນວັນທີ 17-18 ຕຸລາ 2023, ທີ່ຫໍປະຊຸມແຫ່ງຊາດ ຍັງສືບຕໍ່ມີຫລາຍກອງປະຊຸມສໍາຄັນກອງປະຊຸມອານຸກຳ ມະການຕ່າງໆ ເພື່ອຄົ້ນຄວ້າ, ປຶກສາຫາລືກ່ຽວກັບບັນດາວຽກ ງານວິຊາສະເພາະຂອງກຳລັງຕຳຫຼວດ ປະເທດສະມາ ຊິກອາຊຽນ ເປັນຕົ້ນການຮ່ວມມືໃນການແກ້ໄຂບັນຫາອາຊະຍາກໍາຂ້າມຊາດ, ການລັກ ລອບຄ້າ-ຂາຍ ຢາເສບຕິດ, ການກໍ່ການຮ້າຍ, ການຄ້າມະ ນຸດ, ການຄ້າ-ຂາຍອາວຸດ, ການຄ້າ-ຂາຍສັດ ປ່າທີ່ຜິດກົດ ໝາຍ, ອາຊະຍາກໍາທາງທະເລ, ອາຊະຍາກໍາທາງດ້ານການຄ້າ ແລະ ການປອມແປງບັດ ເຄຼດິດ, ການສໍ້ໂກງຂ້າມຊາດ, ການປອມແປງເອກະ ສານເດີນທາງ, ອາຊະຍາກໍາທາງຄອມພິວເຕີ ແລະ ອາຊະຍາ ກໍາອື່ນໆ ທີ່ເປັນໄພຂົ່ມຂູ່ຕໍ່ສະຖຽນລະພາບທາງດ້ານການເມືອງ, ຄວາມໝັ້ນຄົງທາງດ້ານເສດ ຖະກິດ ແລະ ການພັດທະນາທາງດ້ານວັດທະນະທໍາ-ສັງຄົມຂອງພາກພື້ນ ແລະ ສາກົນ, ພ້ອມທັງ ເປັນການ ເພີ່ມທະວີການຮ່ວມມືທັງໃນລະດັບພາກພື້ນ ແລະ ສາກົນ ໃນການຕ້ານຄືນບັນຫາອາຊະ ຍາກໍາຕ່າງໆ, ເພື່ອແນ່ໃສ່ເຮັດໃຫ້ພາກພື້ນ ກໍ່ຄືປະຊາຄົມໂລກ ມີສັນຕິພາບ, ຄວາມສະຫງົບ ແລະ ໝັ້ນ ຄົງ.
ຜູ້ແທນກອງປະຊຸມຍັງໄດ້ຮ່ວມກັນຕົກລົງຮັບຮອງເອົາວາລະ ແລະ ຜ່ານບົດລາຍງານຄວາມຄືບໜ້າ ການຈັດຕັ້ງປະຕິບັດຖະແຫຼງການຮ່ວມຂອງກອງປະຊຸມຫົວໜ້າຕໍາຫຼວດອາຊຽນ ຄັ້ງທີ 40 ແລະ ພິຈາ ລະນາກ່ຽວກັບຫົວຂໍ້ທີ່ມີຄວາມສົນໃຈຮ່ວມກັນ ເປັນຕົ້ນການສໍ້ໂກງທາງທະເລ, ອາຊະຍາກໍາທາງດ້ານ ການຄ້າ, ການກະທໍາຜິດທາງທະນາຄານ ແລະ ການສໍ້ໂກງບັດຊໍາລະເງິນ, ອາຊະຍາກໍາທາງຄອມພິວ ເຕີ, ເອກະສານເດີນທາງທີ່ຖືກປອມແປງ, ການສໍ້ໂກງອາຊະຍາກໍາຂ້າມຊາດ, ລະບົບຖານຂໍ້ມູນຕໍາ ຫຼວດອາຊຽນ 2.0, ການຊ່ວຍເຫຼືອເຊິ່ງກັນ ແລະ ກັນ ກ່ຽວກັບບັນຫາອາຊະຍາກໍາ, ການແລກປ່ຽນ ບຸກຄະລາກອນ ແລະ ໂຄງ ການຝຶກອົບຮົມລະຫວ່າງກໍາລັງຕໍາຫຼວດອາຊຽນ, ເຄື່ອຄ່າຍຕໍາຫຼວດນິຕິ ວິທະຍາອາຊຽນ ແລະ ບັນຫາຕ່າງໆທີ່ກ່ຽວຂ້ອງ.
