ກອງປະຊຸມປະຈຳປີ 2025 ເວທີປຶກສາຫາລືອາຊີໂປອາວ ຈະຈັດຂຶ້ນເດືອນມີນາ 2025

ໃນກອງປະຊຸມໂຕະມົນບາງກອກຂອງເວທີປຶກສາຫາລືອາຊີໂປອາວ, ທ່ານ ບັນກີມຸນ ປະທານຄະນະກຳມະການເວທີປຶກສາ ຫາລືອາຊີໂປອາວ ປະກາດວ່າ: ກອງປະຊຸມປະຈຳປີ 2025 ຂອງເວທີປຶກສາຫາລືອາຊີໂປອາວ ຈະຈັດຂຶ້ນຢູ່ນະຄອນໂປອາວ ແຂວງໄຫຫຼຳ ປະເທດຈີນ ລະຫວ່າງວັນທີ 25-28 ມີນາປີ 2025.

ທ່ານ ບັນກີມຸນ ກ່າວຕື່ມວ່າ: ກອງປະຊຸມປະຈຳປີ 2025 ຂອງເວທີປຶກສາຫາລືອາຊີໂປອາວ ຈະສຸມໃສ່ການພັດທະນາອາຊີ, ຂະນະດຽວກັນຍັງຈະໃຫ້ຄວາມສຳຄັນຕໍ່ບັນຫາສຳຄັນໃນທົ່ວໂລກຢ່າງໜັກແໜ້ນ, ຊຸກຍູ້ໃຫ້ປະຊາຄົມໂລກເພີ່ມທະວີຄວາມສາມັກຄີ ແລະ ຮ່ວມມືກັນ, ສະແຫວງຫາການພັດທະນາຮ່ວມກັນ ແລະ ສ້າງອະນາຄົດຮ່ວມກັນ.

ກອງປະຊຸມໂຕະມົນບາງກອກ ຂອງເວທີປຶກສາຫາລືອາຊີໂປອາວ ມີຈຸດປະສົງເພື່ອໃຫ້ຄຳຕອບຕໍ່ກອງປະຊຸມສຸດຍອດແຫ່ງອະນາຄົດຂອງອົງການສະຫະປະຊາຊາດ ທີ່ຈະຈັດຂຶ້ນໃນເດືອນກັນຍານີ້, ຄົ້ນຫາແນວຄິດ ແລະ ແຜນການຮັບມືກັບສິ່ງທ້າທາຍຕ່າງໆໃນທົ່ວໂລກຈາກມູມມອງຂອງອາຊີ, ຊຸກຍູ້ໃຫ້ບັນດາປະເທດອາຊີຈັດຕັ້ງປະຕິບັດວາລະປະຊຸມ ແລະ ເປົ້າໝາຍການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດ.