ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຕອນເຊົ້າຂອງວັນທີ 08 ທັນວາ 2023 ທີ່ ຂອງກະຊວງຍຸຕິທໍາ ກົມຮ່ວມມືສາກົນ ໄດ້ສົມທົບກັບ ກອງເລຂາຄະນະກໍາມະການສາກົນເພື່ອການຄວບຄຸມຢາເສບຕິດ ໄດ້ເປີດກອງປະຊຸມປຶກສາຫາລືກ່ຽວກັບການສົ່ງເສີມທັກສະ ແລະ ຄວາມອາດສາມາດ ຂຶ້ນ. ພາຍໃຕ້ການເປັນປະທານຮ່ວມຂອງ ທ່ານ ເກດສະໜາ ພົມມະຈັນ ຮອງລັດຖະມົນຕີ ກະຊວງຍຸຕິທຳ ແລະ ທ່ານ ຟູມີໂອ ອີໂຕ (ITO) ຜູ້ຕາງໜ້າໂຄງການ GRIDS ກອງເລຂາຄະນະກໍາມະການສາກົນເພື່ອການຄວບຄຸມຢາເສບຕິດ. ເຂົ້າຮ່ວມມີ ຜູ້ຕາງໜ້າຈາກຫ້ອງການ, ກົດກົດໝາຍ, ກົມໂຄສະນາເຜີຍແຜ່ກົດໝາຍ, ກົມຄຸ້ມຄອງການປະຕິບັດຄໍາຕັດສີນຂອງສານ, ກົມຄຸ້ມຄອງ ແລະ ສົ່ງເສີມວຽກງານຍຸຕິທໍາ, ສະຖາບັນຍຸຕິທໍາແຫ່ງຊາດ ພ້ອມດ້ວຍພະນັກງານວິຊາການ ຂອງກົມຮ່ວມມືສາກົນ ກະຊວງຍຸຕິທຳ ທັງໝົດຈໍານວນ 15 ທ່ານ ຍິງ 6 ທ່ານ.
ຈຸດປະສົງກອງປະຊຸມໃນຄັ້ງນີ້ ແມ່ນເພື່ອປຶກສາຫາລື ແລະ ກະກຽມເນື້ອໃນຫົວຂໍ້ ທີ່ຄະນະດັ່ງກ່າວຈະມາພົບປະ ແລະ ສົນທະນາເພື່ອການຮ່ວມມືໃນຕໍ່ໜ້າຄື ການສົ່ງເສີມທັກສະ ແລະ ຄວາມອາດສາ ມາດຂອງເຈົ້າໜ້າທີ່ດໍາເນີນຄະດີທາງກົດໝາຍ ຕໍ່ຜູ້ກະທໍາຜິດກ່ຽວກັບການຄ້າສານເສບຕິດຊະນິດໃໝ່ທີ່ມີຜົນອອກລິດຕໍ່ຈິດປະສານ (NPS), ສານສັງເຄາະ ແລະ ສານທີ່ເປັນອັນຕະລາຍອື່ນໆ ຕະຫຼອດຈົນຮອດວິທີການນໍາໃຊ້ເຄື່ອງມືສື່ສານ ກວດຫາສານເສບຕິດ. ໃນກອງປະຊຸມຜູ້ເຂົ້າຮ່ວມກໍໄດ້ພ້ອມກັນຄົ້ນຄ້ວາ ປຶກສາຫາລື ແລະ ປະກອບຄໍາຄິດຄໍາເຫັນໃສ່ ຫົວຂໍ້ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການ ຈັດຕັ້ງປະຕິບັດຢ່າງເປັນລະບົບ, ມີປະສິດທິພາບ, ຕໍ່ເນື່ອງ ແລະ ຍືນຍົງ.
ຂ່າວ-ພາບ: ໄຊຍະສິດ
May be an image of 6 people
May be an image of 9 people and text