ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສະຖາປະນາ ສປປ ລາວ ຄົບຮອບ 45 ປີ
( 02 ທັນວາ 1975 – 2020 ) ຢ່າງສຸດໃຈ

ກອງປະຊຸມພົບປະແລກປ່ຽນບົດຮຽນວຽກງານກໍາມະບານອາຊີບ 8 ແຂວງພາກກາງ-ພາກໃຕ້ ຄັ້ງທີ X

ແຂວງໄຊສົມບູນ ຈັດກອງປະຊຸມພົບປະແລກປ່ຽນບົດຮຽນກໍາມະບານອາຊີບ 8 ແຂວງ ພາກກາງ-ພາກໃຕ້ ຄັ້ງທີ X ໃນວັນທີ 19 ພະຈິກ 2020 ນີ້ ທີ່ສະໂມສອນເມືອງອະນຸວົງ ໂດຍການເປັນປະທານ ຂອງສະຫາຍ ເນັ່ງຢ່າງ ໃຈຫວັງ ໝັ້ນ, ຄະນະບໍລິຫານງານສູນກາງສະຫະພັນກໍາມະບານລາວ ປະທານຄະນະບໍລິຫານງານສະຫະພັນກໍາມະບານແຂວງໄຊສົມບູນ, ໂດຍການເຂົ້າຮ່ວມຂອງສະຫາຍ ແດງ ປະທຸມທອງ, ຮອງເລຂາຄະນະບໍລິຫານງານພັກແຂວງ, ມີຄະນະບໍລິຫານງານສູນກາງສະຫະພັນກໍາມະບານລາວ ປະທານ-ຮອງປະທານຄະນະບໍລິຫານງານສະຫະພັນກໍາມະບານອາຊີບ 8 ແຂວງ ພາກກາງ-ພາກໃຕ້ ພ້ອມດ້ວຍປະທານ-ຮອງປະທານຄະນະບໍລິຫານງານສະຫະພັນກໍາມະບານ 5 ເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມໃນຄັ້ງນີ້ ຈະໄດ້ຮັບຟັ້ງການຜ່ານບົດສະຫລຸບການຈັດຕັ້ງວຽກງານກອງທຶນກໍາມະບານອາຊີບ 8 ແຂວງ ພາກກາງ ແລະ ພາກໃຕ້ ໃນໄລຍະ 1 ປີຜ່ານມາ ແລະ ວາງທິດທາງແຜນການໃນປີຕໍ່ໜ້າ ໃນນັ້ນຈະໄດ້ພ້ອມກັນຄົ້ນຄວ້າປະກອບຄໍາຄິດ-ຄໍາເຫັນ ໃສ່ຮ່າງບົດສະຫລຸບການເຄື່ອນໄຫວວຽກງານກອງທຶນຊ່ວຍເຫລື່ອເຊິ່ງກັນ ແລະ ກັນ ຂອງກໍາມະບານອາຊີບ 8 ແຂວງ ພາກກາງ-ພາກໃຕ້ ຄັ້ງທີ X ແລະ ຮ່າງລະບຽບກອງທຶນກໍາມະບານອາຊີບ ບາງໝວດ, ບາງມາດຕາ ເພື່ອເຮັດໃຫ້ຮ່າງລະບຽບກອງທຶນ ມີເນື້ອໃນໜັກແໜັ້ນ, ຄົບຖ້ວນສົມບູນກວ່າເກົ່າ ແລະ ສາມາດປະຕິບັດຕາມເປົ່າໝາຍທີ່ວາງໄວ້. ຈາກນັ້ນ ສະຫາຍ ນາງ ຄໍາຫຼ້າ ທອງສີວອນ, ຮອງປະທານຄະນະບໍລຫານງານສະຫະພັນກໍາມະບານ ແຂວງໄຊສົມບູນ ໄດ້ຂຶ້ນຜ່ານຮ່າງບົດສະຫລຸບການເຄື່ອນໄຫວວຽກງານກອງທຶນຊ່ວຍເຫຼືອ ເຊິ່ງກັນ ແລະ ກັນ ຂອງ ກໍາມະບານອາຊີບ 8 ແຂວງ ພາກກາງ-ພາກໃຕ້ ປະຈໍາປີ 2020 ຊຶ່ງໃນໄລຍະ 1 ປີ ຜ່ານມາ ສະຫະພັນກໍາມະບານ ແຂວງໄຊສົມບູນ ໄດ້ເກັບກໍາສະຖິຕິ ໃນປີ 2019 ມີ 726 ສະຫາຍ, ຍິງ 288 ສະຫາຍ ແລະ ສະມາຊິກເຂົ້າໃໝ່ ໃນປີ 2020 ມີ 49 ສະຫາຍ,ຍິງ 12 ສະຫາຍ ເຊິ່ງໃນນັ້ນມີສະຫະພັນກໍາມະບານ ແຂວງໄຊສົມບູນ 7 ສະຫາຍ, ຍິງ 2 ສະຫາຍ, ສະຫະພັນກໍາມະບານ ແຂວງຈໍາປາສັກ 5 ສະຫາຍ, ຍິງ 2 ສະຫາຍ, ສະຫະພັນກໍາມະບານ ແຂວງອັດຕະປື 3 ສະຫາຍ, ຍິງ 1 ສະຫາຍ, ສະຫະພັນກໍາມະບານ ແຂວງເຊກອງ 6 ສະຫາຍ, ຍິງ 1 ສະຫາຍ, ສະຫະພັນກໍາມະບານ ແຂວງສາລະວັນ 8 ສະຫາຍ, ຍິງ 2 ສະຫາຍ, ສະຫະພັນກໍາມະບານ ແຂວງຄໍາມວນ 8 ສະຫາຍ, ຍິງ 1 ສະຫາຍ ແລະ ສະຫະພັນກໍາມະບານ ແຂວງບໍລິຄໍາໄຊ 7 ສະຫາຍ, ຍິງ 2 ສະຫາຍ ແລະ ສະມາຊິກກອງທຶນຊ່ວຍເຫຼືອ ເຊິ່ງກັນ ແລະ ກັນ 8 ແຂວງ ມີທັງໝົດ 768 ສະຫາຍ, ຍິງ 300 ສະຫາຍ. ພ້ອມດຽວກັນນີ້ຜູ້ແທນກອງປະຊຸມ ຍັງໄດ້ຮັບຟັ້ງການຜ່ານກົດລະບຽບກອງທຶນກໍາມະບານອາຊີບ ບາງເນື້ອໃນທີ່ໄດ້ປັບປຸງ ຈາກສະຫາຍ ດົວຊົ່ງ ໜື່ນສົມພູ, ຮອງປະທານຄະນະບໍລິຫານງານສະຫະພັນກໍາມະບານ ແຂວງໄຊສົມບູນ. ຈາກນັ້ນ ຜູ້ແທນກອງປະຊຸມ 8 ແຂວງ ພາກກາງ-ພາກໃຕ້ ໄດ້ຂຶ້ນຜັດປ່ຽນກັນປະກອບຄໍາຄິດ-ຄໍາເຫັນ ໃສ່ຮ່າງບົດສະຫລຸບ ແລະ ລະບຽບກອງທຶນສະຫະພັນມະບານອາຊີບ ດ້ວຍຄວາມຮັບຜິດຊອບສູງ ທັງນີ້ກໍ່ເພື່ອເຮັດໃຫ້ບົດສະຫລຸບ ແລະ ລະບຽບກອງທຶນ ດັ່ງກ່າວ ມີເນື້ອໃນຄົບຖ້ວນ ແລະ ຮັດກຸ່ມ ຕາມເປົ່າໝາຍທີ່ກໍານົດໄວ້. ກອງປະຊຸມໃນຄັ້ງນີ້ ຍັງເປັນການສ້າງມິດຕະພາບ-ຄວາມສາມັກຄີ ແລະ ສ້າງສາຍສໍາພັນອັນສະໜິດແໜັ້ນໃນການແລກປ່ຽນຖອດຖອນບົດຮຽນວຽກງານກໍາມະບານ 8 ແຂວງ ພາກກາງ ແລະ ພາກໃຕ້ ເພື່ອເຮັດໃຫ້ການຈັດຕັ້ງປະຕິບັດວຽກງານກໍາມະບານ ໄດ້ເຕີບໃຫຍ່ຂະຫຍາຍຕົວ ຢ່າງຕໍ່ເນື່ອງ ພ້ອມທັງຊ່ວຍເຫລື່ອຊຸກຍູ້ເຊິ່ງກັນ ແລະ ກັນ ໃຫ້ໄດ້ຮັບຜົນສໍາເລັດ ແລະ ດີຂຶ້ນເທື່ອລະກ້າວ.

 

ບັນນາທິການ ຂ່າວ: ນາງ ຕູດ ຄໍາພໍໃຈ