ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງປະຊຸມລັດຖະມົນຕີທ່ອງທ່ຽວອາຊຽນ-ຣັດເຊຍ ຄັ້ງທີ 3 ຈັດຂື້ນໃນວັນທີ 26 ມັງກອນນີ້ ດໍາເນີນພາຍການເປັນປະທານຮ່ວມຂອງລາວ ແລະ ຣັດເຊຍ, ມີບັນດາລັດຖະມົນຕີທ່ອງທ່ຽວອາຊຽນ, ກອງເລຂາອາຊຽນ, ປະເທດຕີມໍເລສເຕໃນນາມຜູ້ສັງເກດການ ແລະພາກສ່ວນກ່ຽວຂ້ອງເຂົ້າຮ່ວມ ເພື່ອປຶກສາຫາລືກ່ຽວກັບຄວາມອາດສາມາດໃນການແລກປ່ຽນຜົນການຈັດຕັ້ງປະຕິບັດແຜນງານການທ່ອງທ່ຽວເພື່ອໃຫ້ສາມາດຟື້ນຟູຕະຫລາດການທ່ອງທ່ຽວການທ່ອງທ່ຽວທີ່ມີຄຸນນະພາບ ແລະ ໄປຕາມທິດຍືນຍົງ; ພ້ອມດຽວກັນນັ້ນຜູ້ເຂົ້າຮ່ວມຍັງໄດ້ພິຈາລະນາ ແລະ ຮັບຮອງເອົາບົດສະຫຼຸບຂອງກອງປະຊຸມປຶກສາຫາລືການທ່ອງທ່ຽວອາຊຽນ-ຣັດເຊຍ, ກໍຄືຄວາມຄືບໜ້າການຮ່ວມມືດ້ານການທ່ອງທ່ຽວສອງຝ່າຍ ແນໃສ່ເພີ່ມທະວີການຮ່ວມມືດ້ານການ ທ່ອງທ່ຽວອາຊຽນ-ລັດເຊຍ; ພ້ອມດຽວກັນນັ້ນກໍ່ປຶກສາຫາລືແລກປ່ຽນຂໍ້ມູນກ່ຽວກັບການທ່ອງທ່ຽວ ແລະວຽກງານອື່ນໆ ທີ່ກ່ຽວຂ້ອງ, ແນໃສ່ອໍານວຍຄວາມສະດວກການເດີນທາງອາຊຽນ-ຣັດເຊຍ, ການພັດທະນາດ້ານບຸກຂະລາກອນ ແລະສ້າງໂອກາດການລົງທຶນສໍາລັບຂະແໜງການທ່ອງທ່ຽວໃຫ້ນັບມື້ຂະຫຍາຍຕົວ ແລະ ປະກົດຜົນເປັນຈິງ. ທ່ານ ວະລາດີເມຍ ອີລີເຊັບ ຮອງລັດຖະມົນຕີກະຊວງພັດທະນາເສດຖະກິດສະຫະພັນ ຣັດເຊຍ ໄດ້ມີຄໍາເຫັນຜ່ານບັນທຶກວິດີໂອບາງຕອນສໍາຄັນວ່າ: ອາຊຽນ ແລະ ຣັດເຊຍຖືເປັນຄູ່ຮ່ວມມືທີ່ດີຊິ່ງ ຣັດເຊຍຈະສືບຕໍ່ຈັດຕັ້ງປະຕິບັດແຜນການຮ່ວມມືໃຫ້ເປັນຮູບປະທໍາແນໃສ່ສົ່ງເສີມແລະໂຄສະນາການທ່ອງ ທ່ຽວ, ສ້າງເງື່ອນໄຂສະດວກໃຫ້ແກ່ການເດີນທາງຂອງນັກທ່ອງທ່ຽວຣັດເຊຍ-ອາຊຽນ-ຣັດເຊຍຢ່າງກ້ວາງຂວາງ ແລະ ມີປະສິດທິຜົນ.
ສະຫະພັນຣັດເຊຍແມ່ນຄູ່ຮ່ວມເຈລະຈາ, ເປັນຕະຫລາດທ່ອງທ່ຽວທີ່ສໍາຄັນຂອງອາຊຽນ; ແຕ່ລະປີມີນັກທ່ອງທ່ຽວຮັດເຊຍເດີນທາງເຂົ້າມາທ່ອງທ່ຽວໃນບັນດາປະເທດສະມາຊິກອາຊຽນນັບມື້ນັບເພີ່ມຂື້ນຊິ່ງໄດ້ປະ ກອບສ່ວນສໍາຄັນໃຫ້ແກ່ ການທ່ອງທ່ຽວຂອງອາຊຽນເວົ້າລວມເວົ້າສະເພາະສປປລາວ.
ຂ່າວ : ຈັນທະສອນ