ໃນລະຫວ່າງ ວັນທີ 7- 8 ກໍລະກົດ 2021 ພະແນກສາທາລະນະສຸກ ແຂວງວຽງຈັນໄດ້ເປີດກອງປະຊຸມ ປະຈຳໄຕມາດ 1-2 ປີ 2021 ຂອງ 11 ຕົວເມືອງ ແຂວງວຽຈັນ ເຊິ່ງໄດ້ຈັດຂຶ້ນ ຢູ່ທີ່ສະ ໂມສອນ ຂອງເມືອງຊະນະຄາມ ໂດຍການເປັນປະທານ ຂອງທ່ານ ດຣ ອິນປອນ ມະນີແສງ ກຳມະການພັກແຂວງ ຫົວໜ້າ ພະແນກສາທາລະນະສຸກ ແຂວງວຽງຈັນ ແລະທ່ານ ໂພຄໍາ ແສງລະດີ ກໍາມະການພັກເມືອງ ຫົວໜ້າຫ້ອງການສາທາລະນະສຸກເມືອງ, ມີບັນດາຄະນະຮັບຜິດຊອບຂັ້ນແຂວງ ແລະ ຫ້ອງການສາທາລະນະສຸກ 11 ຕົວເມືອງໃນທົ່ວແຂວງວຽງຈັນກໍ່ເປັນກຽດເຂົ້າຮ່ວມ 45 ທ່ານ, ຍິງ 13 ທ່ານ.
ໃນວາລະ ຂອງກອງປະຊຸມໃນເທື່ອນີ້ ແມ່ນໄດ້ຮັບຟັງການລາຍງານວຽກງານ ແລະ ຜົນສໍາເລັດໃນຫຼາຍໆດ້ານໃນໄຕມາດທີ່ຜ່ານມາ ຈາກບັນດາ 11 ຕົວເມືອງເປັນຕົ້ນ: ຮັບຟັງການລາຍງານການເຝົ້າລະວັງພະຍາດໂຄວິດ- 19, ການເຝົ້າລະວັງພະຍາດໄຂ້ເລືອດອອກ, ຜົນຂອງການລົງຕິດຕາມບັນດາເມືອງດ້ານວິ ຊາການປະຈໍາໄຕມາດ 2, ການຈັດຕັ້ງປະ ຕິບັດວຽກງານບໍລິຫານ ແລະ ຍົກສູງຄຸນ ນະພາບການບໍລິການດ້ານສາທາລະນະສຸກໃນງວດຜ່ານມາ ລວມທັງການຕອບໂຕ້ພະຍາດໂຄວິດ -19, ການລາຍງານການລົງຕິດຕາມຊຸກຍູ້ດ້ານການບໍາລຸງຮັກສາ ແລະ ຄຸ້ມຄອງອຸປະກອນທາງການແພດ,ວຽກງານ 5 ສໍ ຕິດພັນກັບວຽກ 5 ດີ 1 ພໍໃຈ ແລະ ການລົງຕິດຕາມໂຮງໝໍນ້ອຍໃນເມືອງ ຂອງຕົນ, ດ້ານດີ, ຂໍ້ຄົງຄ້າງ, ວິທີແກ້ໄຂໃນຕໍ່ໜ້າ, ລາຍງານຕົວຊີ້ວັດຂະບວນການ( prosess output and outcome), ລາຍງານວຽກກວດກາພາຍໃນງວດຜ່ານມາ, ລາຍງານດ້ານການເງິນປະຈໍາງວດ 2, ວຽກສັກຢາຮອບປົກກະຕິ ແລະ ວຽກສັກວັກຊິນປ້ອງກັນພະຍາດໂຄວິດ -19, ວຽກງານຈັດຕັ້ງຄຸ້ມຄອງພະນັກງານ ແລະ ການສຶກສາສາທາລະນະສຸກ. ນອກຈາກນີ້ຍັງໄດ້ຮັບຟັງການເຄື່ອນໄຫວກິດຈະກໍາໂຄງການ ກບສ ງວດ 1 -ງວດ 2 ແລະ ແຜນງວດ 3 ປີ 2021.
ຈຸດປະສົງ ຂອງກອງປະຊຸມໃນຄັ້ງນີ້ ກໍ່ເພື່ອເປັນການສະຫຼຸບຕີລາຄາການຈັດຕັ້ງປະຕິບັດ 6 ເດືອນຕົ້ນປີ ແລະ ວາງແຜນງວດ 3 ປີ 2021, ເປັນຕົ້ນແມ່ນສຸມໃສ່ການຈັດຕັ້ງປະຕິບັດຕາມ 10 ຕົວຊີ້ວັດຂອງກະຊວງສາທາລະນະສຸກໄດ້ກໍານົດອອກ,ເອົາໃຈໃສ່ທາງດ້ານວຽກງານສົ່ງ ເສີມສຸຂະພາບ ແລະ ວຽກງານປິ່ນປົວໃຫ້ມີປະສິດທິພາບ, ການປຸກລະດົມ,ສະກັດກັ້ນການແຜ່ລະບາດຂອງພະຍາດຕາມລະດູການ, ຍົກລະດັບການບໍລິການ, ການກວດ, ການປິ່ນປົວ ແລະ ໃຫ້ມີຄຸນນະພາບໂດຍການນໍາໃຊ້ອຸປະກອນການແພດທີ່ທັນສະໄໝເຂົ້າໃນການບົ່ງມະຕິພະຍາດ ແລະ ບັນຫາອັນຮີບດ່ວນສໍາຄັນກໍ່ຄື ການຄວບຄຸມ, ສະກັດກັ້ນ ແລະແກ້ໄຂການແຜ່ລະບາດ ຂອງພະຍາດໂຄວິດ -19 ເປັນບັນຫາຮີບດ່ວນ ທີ່ຈະໄດ້ຄົ້ນຄ້ວາກຳນົດມາດຕະການປ້ອງກັນການແຜ່ລະບາດ, ການຍົກລະດັບຄວາມພ້ອມ ຂອງສູນປິ່ນປົວໃຫ້ໄດ້ມາດຕະຖານທີ່ໄດ້ກຳນົດໄວ້.
Loading...