ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມສະມັດຊາໃຫຍ່ໄອປາ ຄັ້ງທີ 41 ຈັດຂຶ້ນຜ່ານລະບົບອອນລາຍ

ກອງປະຊຸມສະມັດຊາໃຫຍ່ ​ໄອ​ປາ ຄັ້ງທີ 41 (AIPA 41) ດ້ວຍຫົວຂໍ້ “ການ ທູດລັດຖະສະພາ ເພື່ອປະຊາຄົມອາຊຽນ ສະໜິດຕິດພັນ ແລະ ເປັນເຈົ້າ ການຮັບມື” ໄຂຂຶ້ນຢ່າງສົມກຽດ ໃນວັນທີ 8 ກັນຍາ ຜ່ານທາງອອນລາຍ.​ ໂດຍມີ ທ່ານ ຫງວຽນ ຊວັນຟຸກ, ນາຍົກລັດຖະມົນຕີຫວຽດນາມ, ປະທານ ອາຊຽນ 2020, ທ່ານ ນາງ ຫງວຽນ ທິກິມເງິນ, ປະທານສະພາແຫ່ງຊາດ ຫວຽດນາມ, ປະທານ ກອງປະຊຸມ ສະມັດຊາໃຫຍ່ AIPA 41, ບັນດາປະທານ ສະພາແຫ່ງຊາດ, ນັກທູ ຕານຸທູດ ພ້ອມດ້ວຍ ບັນດາ ອົງການຈັດຕັ້ງສາກົນ ​ເຂົ້າຮ່ວມ.

​ ທ່ານ ນາງ ຫງວຽນ ທິກິມເງິນ ​ໄດ້​ກ່າ​ວວ່າ: ຫົວຂໍ້ຂອງ AIPA 41 ສະແດງໃຫ້ເຫັນຄວາມເຫັນດີ ເຫັນພ້ອມ ແລະ ການຕອບສະໜອງຢ່າງທັນການຂອງ AIPA ແລະ ບັນດາສະມາຊິກ ລັດຖະສະພາ AIPA ສຳລັບ ລັດຖະບານ ແລະ ປະຊາຊົນບັນດາປະເທດອາຊຽນ ໃນການຜ່ານຜ່າຄວາມຫຍຸ້ງຍາກ, ຊຸກຍູ້ຄວາມສາມັກຄີ, ການຮ່ວມມື ເພື່ອປະຊາຄົມອາຊຽນ ວັດທະນະຖາ ວອນ ແລະ ພັດທະນາແບບຍືນຍົງ. ທ່ານໄດ້​ເນັ້ນຕື່ມ​ວ່າ: ລັດຖະສະພາແຕ່ ລະປະເທດ ຕ້ອງຄຽງບ່າຄຽງໄຫລ່ກັບລັດຖະບານ ຊອກຫາທຸກມາດຕະການເພື່ອຍູ້ໂລກລະບາດໃຫ້ຖອຍໄປໂດຍໄວ, ຟື້ນຟູ ແລະ ພັດທະນາເສດຖະກິດ, ນຳຊີວິດການເປັນຢູ່ ຂອງປະຊາຊົນກັບຄືນສູ່ສະພາບປົກກະຕິ ແລະ ຊຸກຍູ້ການຮ່ວມມືລະຫວ່າງບັນດາປະເທດອາຊຽນ ໃນໄລຍະເກີດພະຍາດລະບາດ ແລະ ຫລັງພະຍາດລະບາດ.

 

 

 

 

 

 

ສ່ວນທ່ານ ຫງວຽນ ຊວັນຟຸກ ​ໄດ້​​ກ່າວເນັ້ນໜັກວ່າ: ບົດບາດສຳຄັນໃນການຮ່ວມມືລະຫວ່າງ AIPA-ອາຊຽນ ​ໃນ​ວຽກ​ງານການພັດທະນາຂອງພາກພື້ນ, ກຳນົດທິດການຮ່ວມມືໃນໄລຍະຈະມາເຖິງໃຫ້​ກວ້າງຂວາງ​ຍິ່ງ​ຂຶ້ນ. ຂະນະ​ທີ່ຊ່ອງທາງອຳນາດບໍລະຫານ ແລະ ຊ່ອງທາງນິຕິບັນຍັດອາຊຽນ ສືບຕໍ່ສົມທົບກັນຢ່າງແໜ້ນແຟ້ນ ໃນການປະຕິບັດສຳເລັດບັນດາແຜນການສັງລວມດ້ວຍ 3 ເສົາຄ້ຳແມ່ນ: ການເມືອງ, ເສດຖະກິດ, ວັດທະນະທຳ ສັງຄົມ, ເອົາໃຈໃສ່ເປັນພິເສດ ເຖິງການຍູ້ແຮງການຮ່ວມມືເສດຖະກິດ, ເພີ່ມທະວີການເຊື່ອມຕໍ່, ຮັດແຄບຊ່ອງວ່າງການພັດທະນາ, ປະສານສົມທົບບັນດານະໂຍບາຍຂອງອາຊຽນ ກັບບັນດາ ໂຄງການພັດທະນາປະເທດຊາດ ຢ່າງກົມກຽວ.

Cr: VNA