ກອງປະຊຸມສະຫຼຸບວຽກງານກະສິກຳ ແລະ ປ່າໄມ້ ແຂວງຫຼວງພະບາງ ປະຈຳປີ 2020 ແລະວາງທິດທາງແຜນການປີ 2021 ໄດ້ຈັດຂື້ນໃນວັນທີ່ 29 ມັງກອນຜ່ານມານີ້ ທີ່ຫ້ອງປະຊຸມຂອງພະແນກ ມີ ທ່ານ ນາງ ສີລິພອນ ຮອງເຈົ້າແຂວງຫຼວງພະບາງ ພ້ອມດ້ວຍຜູ້ຕາງໜ້າພະແນກການ-ກົມກອງ, ຕະຫຼອດຮອດຄະນະນຳ ແລະພະນັກງານພາຍໃນພະແນກເຂົ້າ ຮ່ວມ.
ທ່ານ ສີວອນ ວົງຄຳຈັນ ຫົວໜ້າພະແນກກະສິກຳ ແລະ ປ່າໄມ້ແຂວງຫຼວງພະບາງກ່າວເປີດກອງປະຊຸມວ່າ: ເຖີງວ່າສະພາບການໃນທົ່ວໂລກ ກໍ່ຄືປະເທດລາວ ໂດຍສະເພາະແຂວງຫຼວງພະບາງ ໄດ້ຮັບຜົນກະທົບຈາກການແຜ່ລະບາດ ຂອງພະຍາດໂຄວິດ 19 ແຕ່ສະພາບການຜະລິດຍັງສືບຕໍ່ໄດ້ຮັບການພັດທະນາ ແລະຂະຫຍາຍຕົວດີຢ່າງຕໍ່ເນື່ອງ ແຕ່ໂດຍລວມແມ່ນໄດ້ພົບບັນຫາກັບການລະບາກຂອງສັດຕູພືດທຳລາຍຜົນຜະລິດ ເສຍຫາຍຈຳນວນໜື່ງ ແລະຜົນກະທົບ ຈາກໄພທຳມະຊາດໃນປີຜ່ານມາ ເຮັດໃຫ້ລະບົບຊົນລະປະທານສະໜອງນ້ຳບພຽງພໍກັບພື້ນທີ່ທຳການຜະລິດ ແລະອື່ນໆ ເຊີງເປັນສີ່ງທ້າທາຍທີ່ຄະນະນຳ ແລະວິຊາການໃນຂົງເຂດກະສິກຳ ແລະ ປ່າໄມ້ ຈະຕ້ອງສືບຕວາງແຜນຮັບມື ແລະແກ້ໄຂໃຫ້ດີຂື້ນ.
ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງການຜ່ານບົດສະຫຼຸບ ວຽກງານກະສິກຳ ແລະ ປ່າໄມ້ ປະຈຳປີ 2020 ແລະວາງທິດທາງແຜນການປີ 2021, ການລາຍງານກ່ຽວກັບການສົ່ງເສີມການຜະລິດເຂົ້າ, ການລ້ຽງສັດໃຫຍ່, ການຈັດສັນອາຊີບຄົງທີ່ໃຫ້ປະຊາຊົນຜູ້ທຸກຍາກຢູ່ເມືອງງອຍ, ການປະຕິບັດໂຄງການສົ່ງເສີມການລ້ຽງສັດເປັນສີນຄ້າ, ພ້ອມນີ້ ໄດ້ຮັບຟັງການປະກອບຄຳເຫັນຂອງຕົວແບບການລ້ຽງສັດໃຫຍ່ ບ້ານຫຼັກ 5 ເມືອງພູຄູນ, ການປູກໝາກນັດນອກລະດູ ແລະການປູກໝາກສົ້ມຂຽວ ຢູ່ບ້ານແຊນຄະລົກ ນະຄອນ ຫຼວງພະບາງ, ການປູກຜັກອີນຊີດ້ວຍລະບົບນ້ຳຢອດຂອງບ້ານອາຍອຸ່ນ. ຈາກນັ້ນ ຜູ້ເຂົ້າຮ່ວມໄດ້ມີການແລກປ່ຽນຄຳເຫັນຕບັນຫາຄົງຄ້າງ ເພື່ອວາງແຜນການປັບປຸງ ແລະແກ້ໄຂໃນຕໍ່ໜ້າໃຫ້ດີຂື້ນ.
 
ຂ່າວ,ພາບ: ອາພຸດເດດ ບຸບຜາ
Loading...