ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມສະຫຼຸບວຽກງານ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີຂອງ ອົງການໄອຍະການປະຊາຊົນແຂວງ

ວັນທີ່ 24 ກລະກົດນີ້ ອົງການໄອຍະການປະຊາຊົນແຂວງຫຼວງພະບາງ ໄດ້ຈັດກອງປະຊຸມສະຫຼຸບວຽກງານປີຈຳ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີ 2020, ໂດຍເປັນປະທານຂອງ ທ່ານ ບຸນເລື່ອມ ມະນີວົງ ຫົວໜ້າອົງການໄອຍະການປະຊາຊົນແຂວງ, ມີຮອງຫົວໜ້າອົງການໄອຍະການປະຊາຊົນແຂວງ, ເຂດ ແລະພະນັກງານພາຍໃນເຂົ້າຮ່ວມ.
ທ່ານ ບຸນເລື່ອມ ມະນີວົງ ໄດ້ມີຄຳເຫັນວ່າ: ກອງປະຊຸມຄັ້ງນີ້ ເປັນການສະຫຼຸບວຽກງານຮອບດ້ານ ເພື່ອຕີລາຄາຜົນສຳເລັດໃນການປະຕິບັດວຽກງານ ແລະວາງມາດຕະການແກ້ໄຂວຽກງານຄົງຄ້າງ ໃນໄລນະຜ່ານມາ, ໂອກາດນີ້ ທ່ານໄດ້ຮຽກຮ້ອງໃຫ້ຜູ້ເຂົ້າຮ່ວມ ພ້ອມກັນປະກອບຄຳເຫັນ ເພື່ອວາງແຜນການແກ້ໄຂບັນຫາຄົງຄ້າງໃຫ້ດີຂື້ນ ແນໃສ່ເຮັດໃຫ້ວຽກງານຂອງອົງການໄອຍະການປະຊາຊົນແຂວງຫຼວງພະບາງ ໄດ້ຮັບການພັດທະນາຕາມທິດທາງທີ່ຕັ້ງໄວ້.
ຈາກນັ້ນ ທ່ານ ຊົງຊົວ ຊືນູ ຮອງຫົວໜ້າອົງການໄອຍະການປະຊາຊົນແຂວງ ໄດ້ຂື້ນຜ່ານບົດສະຫຼຸບວຽກງານ 6 ເດືອນຕົ້ນປີ ແລະວາງທິດທາງແຜນການ 6 ເດືອນທ້າຍປີ ຍົກໃຫ້ເຫັນຜົນສຳເລັດຂອງວຽກງານການເມືອງ ແລະວຽກງານວິຊາສະເພາະ ເປັນຕົ້ນ ການປະຕິບັດແຜນງານ ຍົກສູງຄຸນນະພາບ ໃນການຕິດຕາມ-ກວດກາ ການປະຕິບັດກົດໝາຍ ແລະການຖະແຫຼງ ສັ່ງຟ້ອງ ຕໍ່ສານ ຫຼື ຂື້ນສານ ໃນນັ້ນ ໄດ້ສຳນວນຄະດີອາຍາທັງໝົດ 973 ເລື່ອງ, ປະຕິບັດສຳເລັດ 49 ເລື່ອງ, ບໍ່ສາມາດປະຕິບັດໄດ້ 76 ເລື່ອງ, ພວມປະຕິບັດ 848 ເລື່ອງ, ຄ້າງຕົວຈີງ 924 ເລື່ອງ, ສຳນວນຄະດີແພ່ງ ທັງໝົດ 474 ເລື່ອງ, ປະຕິບັດສຳເລັດ 57 ເລື່ອງ, ບໍ່ສາມາດປະຕິບັດໄດ້ 24 ເລື່ອງ, ພວມປະຕິບັດ 393 ເລື່ອງ, ຄ້າງຕົວຈີງ 417 ເລື່ອງ, ສາມາດເກັບກູ້ເງີນໃຫ້ຄູ່ຄວາມ ໃນຄະດີອາຍາມີ: ເງີນກີບ 236.282.000 ກີບ, ຄະດີແພ່ງ ເງີນກີບ 918.252.000 ກີບ, ເງີນບາດສະກຸນເງີນປະເທດໄທ ຈຳນວນ 2.227.022 ບາດ ແລະເງີນໂດລາ 1.500 ໂດລາ, ໄດ້ມອບອາກອນໃຫ້ລັດທັງໝົດ 43.756.500 ກີບ ແລະເງີນປັບໃໝ ເຂົ້າງົບປະມານຂອງລັດທັງໝົດ 252.640.000 ກີບ.

ຂ່າວ;ພາບ: ອາພຸດເດດ ບຸບຜາ