ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກອງປະຊຸມສາມັນຄົບຄະນະບໍລິຫານງານຊາວໝຸ່ມແຂວງອັດຕະປື ຄັ້ງທີ3 ສະໄໝທີ 7

ກອງປະຊຸມສາມັນຄົບຄະນະບໍລິຫານງານຊາວໝຸ່ມແຂວງອັດຕະປື ຄັ້ງທີ3 ສະໄໝທີ 7 ໄດ້ໄຂຂື້ນຢ່າງເປັນທາງການໃນຕອນເຊົ້າວັນທີ 12 ມີນາ 2018 ນີ້ ຢູ່ທີ່ຫ້ອງປະຊຸມສະຫະພັນແມ່ຍິງແຂວງ.

ໂດຍການເປັນປະທານຂອງສະຫາຍ ຫັດສະໃນ ສີບຸນເຫຼືອງ ຄະນະບໍລິຫານງານສູນກາງຊາວໝຸ່ມ ເລຂາຄະນະບໍລິຫານງານຊາວໝຸ່ມແຂວງອັດຕະປື ເຂົ້າຮ່ວມຂອງ ສະຫາຍນາງ ມີນາພອນ ໄຊສົມພູ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງອັດຕະປື ມີບັນດາສະຫາຍໃນຄະນະບໍລິຫານງານຊາວໜຸ່ມແຂວງ, ຊາວໝຸ່ມເມືອງ ແລະຊາວໝຸ່ມອ້ອມຂ້າງແຂວງເຂົ້າຮ່ວມ.

ໃນກອງປະຊຸມ ສະຫາຍ ອ໋ອງຄໍາ ຄຸນສະໄໝ ຮອງເລຂາຊາວໝຸ່ມແຂວງໄດ້ຂຶ່ນລາຍງານການຈັດຕັ້ງປະຕິບັດວຽກງານຊາວໝຸ່ມ-ເຍົາວະຊົນ ໃນ 1 ປີຜ່ານມາເຊິ່ງທ່ານໄດ້ກ່າວວ່າ:  ໃນທົ່ວແຂວງອັດຕະປືມີໜ່ວຍຊາວໝຸ່ມທັງໝົດ 2ຮ້ອຍ95 ໜ່ວຍ, 5ຮ້ອຍ70 ໝວດ, ມີ 14 ຄະນະຮາກຖານໜ່ວຍຊາວໝຸ່ມ, ມີໜ່ວຍຊາວໝຸ່ມພະແນກການອ້ອມຂ້າງແຂວງ 41 ໜ່ວຍ, ມີ 10 ຄະນະຮາກຖານ,ມີສະມາຊິກຊາວໝຸ່ມ 17ພັນ8ຮ້ອຍກວ່າສະຫາຍ, ຍິງ 7ພັນ9ຮ້ອຍກວ່າສະຫາຍ ເພີ່ນຂຶ້ນ 1ພັນ9ຮ້ອຍກວ່າສະຫາຍເທົ່າກັບ 19,24%,  ມີການຈັດຕັ້ງເຍົາວະຊົນທັງໝົດ 130 ກອງ, 5ຮ້ອຍກວ່າໝວດ, ມີ 1 ພັນ 7 ຮ້ອຍກວ່າໝູ່, ມີກອງເຍົາວະຊົນຕົວແບບ 3 ດີ 4 ຮູ້ມີ 37 ກອງ, ມີສະມາຊິກເຍົາວະຊົນທັນວາທັງໝົດ 13ພັນ9ຮ້ອຍກວ່ານ້ອງ ຍິງ 7ຮ້ອຍກວ່ານ້ອງ ເພີ່ມຂື້ນ 1ພັນກວ່ານ້ອງ, ເທົ່າກັບ 17,15% ໃນນັ້ນຂະຫຍາຍໃໝ່ໃນປີ 2017 ມີ 3ພັນ5ຮ້ອຍກວ່ານ້ອງ ມີອານຸຊົນ 4ພັນ2ຮ້ອຍກວ່ານ້ອງ ເພີ່ມຂຶ້ນ 1 ພັນ6ຮ້ອຍກວ່ານ້ອງ. ສະຫາຍ ອ໋ອງຄໍາຍັງກວ່າຕື່ມອີກວ່າ: ໂດຍປະຕິບັດຕາມຂໍ້ແຂ່ງຂັນ 4 ບຸກຂອງຊາວໝຸ່ມ ມີໜ່ວຍຊາວໝຸ່ມໄດ້ຮັບໃບຢັງຢືນເປັນໜ່ວຍຊາວໝຸ່ມ 4 ບຸກມີ 257ໜາວຍ, ມີ 14 ຄະນະຮາກຖານ ເທົ່າກັບ 83,17%, ຮັບຮອງແຜນສ້າງແລ້ວ 21 ໜ່ວຍ, ໃນປັນຈະບັນສາມາດປະກາດເມືອງຊາວໝຸ່ມ 4 ບຸກໄດ້ແລ້ວ 4 ເມືອງຄື: ເມືອງໄຊເສດຖາ, ເມືອງສາມັກຄີໄຊ,  ເມືອງສະໜາມໄຊ ແລະເມືອງພູວົງ. ຂ່າວ: ຂ.ອັດຕະປື ວັດທະນາ ຫຼວງອາໄພ.