ໃນຕອນເຊົ້າຂອງວັນທີ 15 ພະຈິກ 2020, ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ສືບຕໍ່ນໍາພາຄະນະຜູ້ແທນລາວເຂົ້າຮ່ວມກອງປະຊຸມສຸດຍອດບັນດາຜູ້ນໍາຂອງສັນຍາຄູ່ຮ່ວມເສດຖະກິດແບບຮອບ ດ້ານລະດັບພາກພື້ນ ຄັ້ງທີ 4 (ອາເຊັບ ຄັ້ງທີ 4) ພາຍໃຕ້ການເປັນປະທານຂອງທ່ານ ຫງວຽນ ຊວນ ຟຸກ, ນາຍົກ ລັດຖະມົນຕີ ແຫ່ງ ສສ ຫວຽດນາມ ແລະ ມີບັນດາຜູ້ນໍາປະເທດສະມາຊິກອາເຊັບເຂົ້າຮ່ວມຢ່າງພ້ອມພຽງ.
ໃນກອງປະຊຸມຄັ້ງນີ້, ບັນດາຜູ້ນໍາ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຮອບດ້ານໃນການເຈລະຈາສັນ ຍາດັ່ງກ່າວ, ເຊິ່ງໃຊ້ເວລາເຖິງ 8 ປີ ຈຶ່ງສໍາເລັດ. ສັນຍາອາເຊັບນີ້ ເປັນຂອບສັນຍາເສດຖະກິດທີ່ໃຫຍ່ທີ່ສຸດໃນໂລກກວມເອົາເກືອບ 1/3 ຂອງ GDP ໂລກ, ເຊິ່ງມີ GDP ທັງໝົດ 24.669 ຕື້ໂດລາ ຫຼື ປະມານ 30% ຂອງຂະ ໜາດເສດຖະກິດໂລກ, ມີມູນຄ່າການຄ້າກວມ 27,1 % ຂອງການຄ້າໂລກ, ມູນຄ່າການລົງທຶນ 29,3% ຂອງການລົງທຶນໂລກ ແລະ ມີປະຊາກອນລວມກັນ 2.249 ລ້ານຄົນ.
ບັນດາລັດຖະມົນຕີເສກຖະກິດອາເຊັບ ຂອງທັງ 15 ປະເທດ ລວມທັງ ທ່ານ ນາງ ເຂັມມະນີ ພົນເສນາ, ລັດຖະ ມົນຕີກະຊວງ ອຸດສາຫະກໍາ ແລະ ການຄ້າ ຂອງ ສປປ ລາວ ໄດ້ເປັນກຽດລົງນາມໃນສັນຍາອາເຊັບຄັ້ງນີ້ ໂດຍມີບັນດາຜູ້ນໍາຈາກປະເທດສະມາຊິກ ອາເຊັບ ລວມທັງ ທ່ານ ນາຍົກລັດຖະມົນຕີ ແຫ່ງ ສປປ ລາວ ເປັນກຽດເປັນສັກຂີພິຍານໃນພິທີລົງນາມດັ່ງກ່າວ. ສັນຍາອາເຊັບ ຈະມີຜົນສັກສິດເມື່ອ 6 ປະເທດອາຊຽນ ແລະ 3 ປະເທດຄູ່ເຈ ລະຈາອາຊຽນ ໄດ້ໃຫ້ສັດຕະຍາບັນແກ່ສັນຍາດັ່ງກ່າວ.

Loading...