ວັນທີ 8 ກຸມພາ 2021, ທີ່ຫ້ອງປະຊຸມຊັ້ນ 5 ຫ້ອງວ່າການແຂວງ ຄະນະກໍາມະການເລືອກຕັ້ງຂັ້ນ (ຄລຂ) ໄດ້ຈັດກອງປະຊຸມເຜີຍແຜ່ບັນດາເນື້ອໃນສໍາຄັນໃຫ້ແກ່ບຸກຄະລາກອນທີ່ຈະລົງສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ໂດຍການເປັນປະທານຂອງທ່ານ ປອ ຈັນສີ ແສງສົມພູ ກໍາມະການພັກແຂວງ, ຮອງປະທານສະພາປະຊາຊົນແຂວງ (ຫົວໜ້າອະນຸກໍາມະການເລຂານຸການ ຄລຂ), ເຂົ້າຮ່ວມມີບັນດາທ່ານຜູ້ອອກສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ເຂົ້າຮ່ວມ.

ທີ່ປະຊຸມພາຍຫຼັງ ທ່ານ ປອ ຈັນສີ ແສງສົມພູ ກ່າວຈຸດປະສົງ ແລະ ສະເໜີເອກະສານກ່ຽວກັບການເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II; ໄດ້ຮັບຟັງທ່ານ ນາງພອນສະຫວັນ ສັກຕິຄຸນ ເລຂາໜ່ວຍພັກ, ເລຂາທິການສະພາປະຊາຊົນແຂວງ ( ກໍາມະການເລຂານຸການ ຄລຂ) ເຜິຍແຜ່ ຄໍາແນະນໍາຂອງຄະນະກໍາມະການເລືອກຕັ້ງລະດັບຊາດ ສະບັບເລກທີ 08/ຄລຊ, ລົງວັນທີ 24/11/2020 ກ່ຽວກັບການໂຄສະນາຫາສຽງໃຫ້ ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II; ເຜິຍແຜ່ ຄໍາແນະນໍາເພີ່ມເຕີມສະບັບເລກທີ 39/ຄປລຊ, ລົງວັນທີ 28 ມັງກອນ 2021 ກ່ຽວກັບການໂຄສະນາຫາສຽງໃຫ້ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ແລະ ໃນຕອນບ່າຍຂອງວັນດຽວກັນຍັງໄດ້ເຜີຍແຜ່ບັນດາເນື້ອໃນສໍາຄັນໃຫ້ແກ່ບຸກຄະລາກອນທີ່ຈະລົງສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ສະເພາະເພດຍິງ, ເຜີຍແຜ່ບາງບັນຫາທີ່ຜູ້ສະໝັກເພດຍິງຄວນເອົາໃຈໃສ່ໃນເວລາພົບປະກັບຜູ້ສິດເລືອກຕັ້ງ; ການມີພາວະຄວາມເປັນຜູ້ນໍາຂອງເພດຍິງ; ບົດບາດຂອງແມ່ຍິງໃນເວທີການເມືອງ.

ນາງ ສຸກສົມພອນ ແກ້ວແສງພະຈັນ (ສະພາປະຊາຊົນແຂວງຜົ້ງສາລີ)

 

Loading...