ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຄັ້ງທີຜູ້ແທນ ອົງຄະນະພັກເມືອງ ບໍລິຄັນ ຄັ້ງທີ 7

ກອງປະຊຸມໃຫຍ່ຜູ້ແທນອົງຄະນະພັກເມືອງ ບໍລິຄັນ ຄັ້ງທີ VII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 3 ມີນາ 2020 ຢູ່ທີສະໂມສອນຫ້ອງວ່າການປົກຄອງ ເມືອງ ບໍລິຄັນ. ແຂວງ ບໍລິຄໍາໄຊ. ໂດຍພາຍໃຕ້ການເປັນປະທານ ແລະ ກ່າວເປີດກອງປະຊຸມຂອງ ສະຫາຍ ວັນເລີນ ປຸ້ຍໄມນີ ວ່າການ ເລຂາພັກເມືອງ ເຈົ້າເມືອງ ບໍລິຄັນ ເປັນກຽດເຂົ້າຮ່ວມກອງປະຊຸມດັ່ງກ່າວ ມີສະຫາຍ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງ ບໍລິຄໍາໄຊ, ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 160 ກວ່າສະຫາຍ ໃນນັ້ນມີຜູ້ແທນສົມບູນ 145 ສະຫາຍ,ຍິງ 15 ສະຫາຍ. ເພຶ່ອເປັນການຕີລາຄາຄືນ ຜົນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງຕະຫຼອດໄລຍະ 5 ປີຜ່ານມາ ໃນພິທີໄດ້ຮັບຟັງການຜ່ານບົດລາຍງານການເມືອງທັງ 2 ພາກ ແລະ ແຜນພັດທະນາເສດຖະກິດ-ສັງຄົມ ເຊິງສະເໜີໂດຍ ສະຫາຍເລຂາພັກເມືອງ ບໍລິຄັນ. ຕະຫຼອດໄລຍະ 5 ປີຜ່ານມາ ສັງລວມແລ້ວທົ່ວເມືອງ ຍັງສືບຕໍ່ມີສະຖຽນລະພາບ ທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ – ມີຄວາມເປັນລະບຽບຮຽບຮ້ອຍ ຕາມທິດສ້າງເມືອງເປັນຫົວໜ່ວຍເຂັ້ມແຂງຮອບດ້ານຮອບດ້ານ – ສ້າງບ້ານເປັນຫົວໜ່ວຍພັດທະນາ ເຊິງໃນນີ້ ການພັດທະນາເສດຖະກິດ ແກ້ໄຂໄຂຄວາມທຸກຍາກປະຊາຊົນ ໄດ້ສຸມທຸກກໍາລັງແຮງເຂົ້າໃນການພັດທະນາເສດຖະກິດຂອງເມືອງ ແລະ ພື້ນຖານໂຄງລ່າງທີ່ຈໍາເປັນ ເຮັດໃຫ້ເສດຖະກິດຂອງເມືອງມີການຂະຫຍາຍຕົວສະເລ່ຍ 7,4 % ຕໍ່ປີ. ລາຍຮັບສະເລ່ຍໃສ່ຫົວຄົນໄດ້ 9 ລ້ານ 8 ແສນກວ່າກີບ ຫຼື່ເທົ່າກັບ 1 ພັນ 100 ກວ່າໂດລາ ຕໍ່ຄົນຕໍ່ປີ. ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕິດພັນກັບວຽກງານ 3 ສ້າງຢ່າງຕໍ່ເນື່ອງ ຢູ່ຈຸດສຸມຂອງສູນກາງ ຈຸມສຸມຂອງແຂວງ ຂອງເມືອງ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໄດ້ຫັນເອົາພະນັກງານລົງກໍ່ສ້າງຮາກຖານການເມືອງຢ່າງຕໍ່ເນື່ອງ ເພຶ່ອແນ່ໃສ່ແກ້ໄຂຄວາມທຸກຍາກຂອງປະຊາຊົນ ຜ່ານການກວດກາປະເມີນຜົນຕາມດໍາລັດ 348/ລບ ທົ່ວເມືອງມີຄອບຄົວພົ້ນທຸກ 93,ກວ່າ %, ຄອບຄົວພັນທະນາ 81,ກວ່າ%. ລຶບລ້າງຄວາມທຸກຍາກຂັ້ນບ້ານກວມ 100%. ບ້ານພັດທະນາ 77ກວ່າ %. ຮັບຮອງບ້ານໃຫຍ່ກາຍເປັນສີສັນຕົວເມືອງນ້ອຍໃນຊົນນະບົດໄດ້ 1 ບ້ານ ສ້າງເມືອງ ເປັນຫົວໜ່ວຍເຂັ້ມແຂງຕາມ 5 ດ້ານ ບັນລຸໄດ້ແລ້ວ 4 ດ້ານ ຍັງ 1 ດ້ານຄື ດ້ານເສດຖະກິດ – ການເງິນ. ພ້ອມນີ້ຍັງໄດ້ຍົກສູງລະດັບຄວາມຮູ້ຄວາມສາມາດ ແລະ ຈັນຍາບັນພະນັກງານແພດໝໍ ປັບປຸງຄຸນນະພາບການປິ່ນປົວ ເອົາໃຈໃສ່ປ້ອງກັນ ສະກັດກັ້ນພະຍາດໃຫ້ປະຊາຊົນບັນດາເຜົ່າຢ່າງທັນການ ແລະ ບັນລຸເປົ້າໝາຍສະຫັດສະຫວັດຫຼາຍດ້ານແລະ ສາມາດສໍາເລັດ ປະກາດເປັນເມືອງສາທາລະນະສຸກແບບຢ່າງ ແລະ ເມືອງຢຸດຕິການຖ່າຍຊະຊາຍ. ກອງປະຊຸມຄັ້ງນີ້ຜູ້ແທນເຂົ້າຮ່ວມ ຍັງຈະໄດ້ພ້ອມກັນປະກອບຄຳຄິດ, ຄຳເຫັນ ພິຈາລະນາຮັບຮອງເອົາບົດລາຍງານການເມືອງ ແລະ ແຜນພັດທະນາເສດຖະກິດ-ສັງຄົມຂອງເມືອງ 5 ປີຕໍ່ໜ້າ ພ້ອມດຽວກັນນັ້ນຍັງຈະໄດ້ປ່ອນບັດເລືອກຕັ້ງເອົາຄະນະບໍລິຫານງານພັກເມືອງ ຊຸດໃໝ່ ເຊິ່ງມີຜູ້ສະໝັກ 27 ສະຫາຍ ເລືອກເອົາ 23 ສະຫາຍ, ກອງປະຊຸມແມ່ນຈະໄດ້ດຳເນີນໄປເປັນເວລາ 2 ວັນຈຶ່ງສຳເລັດ.

ພາບ/ຂ່າວ ສຸກທະວີ – ອໍາພອນ