ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຄັ້ງທີ III ສະມາຄົມສິລະປະແຄນລາວ ຈະຈັດຂຶ້ນໄວນີ້

ວັນທີ 1 ຕຸລາ 2020 ທີ່ສະມາຄົມສິລະປະສຽງແຄນລາວ, ທ່ານ ຄຳພັນ ເໝືອນສິດທິດາ ປະທານສະມາຄົມສິລະປະແຄນລາວຊຸດທີ II ຄະນະຮັບຜິດຊອບກະກຽມກອງປະຊຸມໃຫຍ່ຄັ້ງທີ III ໄດ້ຖະແຫລງກ່ຽວກັບການກະກຽມກອງປະຊຸມໃຫຍ່ຄັ້ງທີ III ຂອງສະມາຄົມສິລະປະສຽງແຄນລາວ, ຊຶ່ງຈະຈັດຂຶ້ນໃນໄວໆນີ້ທີ່ຫ້ອງປະຊຸມໃຫຍ່ສູນກາງແນວລາວສ້າງຊາດ, ນະຄອນຫລວງວຽງ ຈັນ.

ຈຸດປະສົງ ເພື່ອສືບຕໍ່ປັບປຸງສະມາຄົມໃຫ້ມີຄວາມເຂັ້ມແຂງ ສາມາດຊີ້ນຳ-ນຳພາປະຕິບັດພາລະບົດ ບາດໜ້າທີ່ ໃນການປະກອບສ່ວນອະນຸຮັກ ແລະ ເສີມຂະຫຍາຍມູນເຊື້ອແຄນ ແລະ ສຽງແຄນເຊື້ອຊາດລາວ. ກອງປະຊຸມໃຫຍ່ຄັ້ງທີ III ໃນກອງປະຊຸມ ຈະໄດ້ຮັບຟັງການສະຫລຸບຕີລາຄາການເຄື່ອນໄຫວວຽກງານໃນໄລຍະຜ່ານມາ ແລະ ກຳນົດທິດທາງແຜນການໃນ 5 ປີຕໍ່ໜ້າ, ຄັດເລືອກເອົາຄະນະບໍລິຫານງານສະມາຄົມຊຸດໃໝ່ ປະທານ ແລະ ຮອງປະ ທານກວດກາ, ຮອງປະທານກິດຕິມະສັກ ພ້ອມທັງຮັບຟັງການໂອ້ລົມຈາກຂັ້ນເທິງ.

ສະມາຄົມໄດ້ຮັບການສ້າງຕັ້ງໃນວັນທີ 13 ທັນວາ 2005 ໄດ້ປະກອບສ່ວນເຜີຍແຜ່ ແລະ ສະແດງຮັບໃຊ້ສັງຄົມທັງພາຍໃນ ແລະ ຕ່າງປະເທດ ຫລາຍຄັ້ງຕາມການມອບໝາຍຂອງການຈັດຕັ້ງຂັ້ນເທິງ ເປັນຕົ້ນແມ່ນ ການແຂ່ງຂັນເປົ່າແຄນ ຂັບລຳ, ເສັງຄັດເລືອກສີມືຊ່າງແຄນດີເດັ່ນ, ຈັດຕັ້ງການຝຶກອົບຮົມເປົ່າແຄນໃຫ້ຮຸ້ນສືບທອດ. ພ້ອມກັນນັ້ນ, ກໍ່ໄດ້ປະສານສົມທົບກັພາກສ່ວນກ່ຽວຂ້ອງ ຄົ້ນຄວ້ານຳສະເໜີ ເຮັດໃຫ້ສຽງແຄນເຊື້ອຊາດລາວໄດ້ຮັບການຈົດທະບຽນ ຈາກອົງການອຸຍແນສໂກ ເປັນມໍລະດົກວັດທະນະທຳນາມມະທຳຂອງຄົນເຊື້ອຊາດລາວ ແລະ ເປັນມໍລະດົກວັດທະນະທຳນາມມະທຳ ຂອງມວນມະນຸດໂລກ ໃນວັນທີ 7 ທັນວາ 2017.
ກອງປະຊຸມຄັ້ງທີ III ແລ້ວ ໂດຍຈະມີຜູ້ແທນເຂົ້າຮ່ວມປະມານ 120 ທ່ານ.