ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຄັ້ງທີ VII ຂອງ ອົງຄະນະພັກເມືອງ ປາກຊັນ ໄດ້ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຄັ້ງທີ VII ຂອງ ອົງຄະນະພັກເມືອງ ປາກຊັນ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 15 ມັງ ກອນ 2020 ຢູ່ທີ່ສະໂມສອນຫ້ອງວ່າການປົກຄອງ ເມືອງ ປາກຊັນ ຊຶ່ງເປັນເມືອງທຳອິດພາຍໃນ 7 ຕົວເມືອງຂອງແຂວງບໍລິຄຳໄຊ ທີ່ໄດ້ຈັດຂື້ນກ່ອນໝູ່ ໂດຍພາຍໃຕ້ການເປັນປະທານ ແລະ ກ່າວເປີດກອງປະຊຸມຂອງ ສະຫາຍ ໄມຈອມ ວັນນະສານຄໍາ ກໍາມະການພັກແຂວງ ເລຂາພັກເມືອງ ເຈົ້າເມືອງ ປາກຊັນ ເປັນກຽດເຂົ້າຮ່ວມໂດຍສະຫາຍ ກອງແກ້ວ ໄຊສົງຄາມ ກໍາມະການສູນກາງພັກ ເລຂາພັກແຂວງ ເຈົ້າແຂວງ ບໍລິຄໍາໄຊ, ກອງປະຊຸມຄັ້ງນີ້ມີຜູ້ແທນເຂົ້າຮ່ວມທັງໝົດ 160 ກວ່າສະຫາຍ ໃນນັ້ນມີຜູ້ແທນສົມບູນ 123 ສະຫາຍ,ຍິງ 15 ສະຫາຍ, ໃນພິທີໄດ້ຮັບຟັງການຜ່ານບົດລາຍງານການເມືອງທັງ 2 ພາກ ແລະ ແຜນພັດທະນາເສດຖະກິດ-ສັງຄົມ ເຊິງສະເໜີໂດຍ ສະຫາຍເລຂາພັກເມືອງປາກຊັນ ທັງນີ້ກໍ່ເພຶ່ອເປັນການຕີລາຄາຄືນ ຜົນການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກເມືອງ 5 ປີຜ່ານມາ ແລະ ພ້ອມກັນພິຈາລະນາກຳນົດທິດທາງແຜນການ 5 ປີຕໍ່ໜ້າ, ຕະຫຼອດໄລຍະ 5 ປີຜ່ານມາ ສັງລວມແລ້ວທົ່ວເມືອງ ຍັງສືບຕໍ່ມີສະຖຽນລະພາບ ທາງດ້ານການເມືອງ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ ພື້ນຖານໂຄງລ່າງມີການພັດທະນາ ໄປຕາມທິດທີ່ໄດ້ກຳນົດໄວ້ ໃນນັ້ນໄດ້ສຸມທຶນຮອນເຂົ້າໃສ່ ການສ້າງສາ ພັດທະນາ ພື້ນຖານໂຄງລ່າງທີ່ຈຳເປັນ ເພື່ອຮັບໃຊ້ໃຫ້ແກ່ການພັດທະນາ ແລະ ການແກ້ໄຂຄວາມທຸກຍາກ ເຊິ່ງໄດ້ເຮັດໃຫ້ເສດຖະກິດຂະຫຍາຍຕົວໃນລະດັບ 7,5% ຕໍ່ປີ, ລາຍໄດ້ສະເລ່ຍຕໍ່ຫົວຄົນ 1.747,34 ໂດລ່າ/ປີ, ມີສະບຽງອາຫານພຽງພໍ ເພື່ອບໍລິໂພກພາຍໃນ ແລະ ຂາຍເປັນສິນຄ້າ, ຂະບວນການຜະລິດ ຂອງປະຊາຊົນຢູ່ພາຍໃນເມືອງ ກາຍເປັນສິນຄ້າ ແລະ ມີລັກສະນະເພີ່ມຂຶ້ນ, ທຸກບ້ານໃນທົ່ວເມືອງມີເສັ້ນທາງເຂົ້າເຖິງ ແລະ ທຽວໄດ້ປົກກະຕິ, ການຊົມໃຊ້ໄຟຟ້າກວມເອົາ 100%, ຕາໜ່າງສາທາລະນະສຸກ ໄດ້ມີການຂະຫຍາຍຕົວຢ່າງທົ່ວເຖີງ ເຮັດໃຫ້ປະຊາຊົນໄດ້ເຂົ້າເຖິງ ການບໍລິການດ້ານສາທາລະນະສຸກຂັ້ນພື້ນຖານຫຼາຍຂື້ນ, ໄດ້ເອົາໃຈໃສ່ປັບປຸງ ພັດທະນາຊັບພະຍາກອນມະນຸດ ດ້ວຍການຍົກສູງ ຄຸນນະພາບການສຶກສາ ໂດຍສະເພາະແມ່ນໄດ້ປະຕິບັດການຮຽນ-ການສອນ ໃຫ້ແກ່ປະຊາຊົນ ແລະ ສາມາດປະກາດເປັນເມືອງ ຈົບຊັ້ນມັດທະຍົມຕອນຕົ້ນບຳລຸງ, ມີບ້ານວັດທະນະທຳ ກວມເອົາ 100%, ບ້ານພົ້ນທຸກ ແລະ ບ້ານພັດທະນາ ກວມເອົາ 100%, ກອງປະຊຸມຄັ້ງນີ້ຜູ້ແທນເຂົ້າຮ່ວມ ຍັງຈະໄດ້ພ້ອມກັນປະກອບຄຳຄິດ, ຄຳເຫັນ ພິຈາລະນາຮັບຮອງເອົາບົດລາຍງານການເມືອງ ແລະ ແຜນພັດທະນາເສດຖະກິດ-ສັງຄົມຂອງເມືອງ 5 ປີຕໍ່ໜ້າ ພ້ອມດຽວກັນນັ້ນຍັງຈະໄດ້ປ່ອນບັດເລືອກຕັ້ງເອົາຄະນະບໍລິຫານງານພັກເມືອງ ຊຸດໃໝ່ ເຊິ່ງມີຜູ້ສະໝັກ 27 ສະຫາຍ ເລືອກເອົາ 23 ສະຫາຍ, ກອງປະຊຸມແມ່ນຈະໄດ້ດຳເນີນໄປເປັນເວລາ 2 ວັນຈຶ່ງສຳເລັດ.