ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຜູ້ແທນຊາວໜຸ່ມປະຊາຊົນ ປະຕິວັດລາວ ແຂວງບໍ່ແກ້ວ ຄັ້ງທີ VII

ວັນທີ 15 ມິຖຸນາ 2020 ນີ້, ກອງປະຊຸມໃຫຍ່ຜູ້ແທນຊາວໜຸ່ມປະຊາຊົນ ປະຕິວັດລາວ ແຂວງບໍ່ແກ້ວ ຄັ້ງທີ VII ໄດ້ໄຂຂຶ້ນຢ່າງເປັນທາງການ ພາຍໃຕ້ການເປັນປະທານຂອງສະຫາຍ ອຸ່ນແສງ ທຸນອິນໃຈ ເລຂາຄະນະບໍລິຫານງານຊາວໜຸ່ມແຂວງບໍ່ແກ້ວ, ສະຫາຍ ສົມລິດ ສີຜາວັນ ຮອງເລຂາພັກແຂວງ, ປະທານສະພາປະຊາຊົນແຂວງບໍ່ແກ້ວ, ສະຫາຍ ບຸນຕາ ເທບພະວົງ ຮອງເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ, ຕະຫລອດຮອດຄະນະຜູ້ແທນກອງປະຊຸມ ແລະ ແຂກຖືກເຊີນເຂົ້າຮ່ວມທັງໝົດ 192 ສະຫາຍ ໃນກອງປະຊຸມ ສະຫາຍ ນາງດວງຕາ ໄຊຍະຫົງ ຮອງເລຂາຄະນະບໍລິຫານງານຊາວໜຸ່ມແຂວງບໍແກ້ວ ຂຶ້ນຜ່ານບົດລາຍງານການເມືອງທັງສອງພາກ ເຊິ່ງຍົກໃຫ້ເຫັນຜົນງານທີ່ພົ້ນເດັ່ນຕະຫລອດໄຊຍະ5ປີທີ່ຜ່ານມາ ແລະ ຄາດໝາຍທີ່ສູ້ຊົນໃນ 5ປີ ຕໍ່ໜ້າ. ຜູ້ແທນທີ່ເຂົ້າຮ່ວມກອງປະຊຸມ ຍັງໄດ້ໃຊ້ສິດປະຊາທິປະໄຕ ບ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມແຂວງບໍ່ແກ້ວຊຸດໃໝ່, ເຊິ່ງມີຜູ້ລົງສະໝັກຈຳນວນ 31 ສະຫາຍ, ເລືອກເອົາ 27 ສະຫາຍ, ກອງປະຊຸມຄັ້ງປະຖົມມະລຶກເປັນເອກກະສັນກັນເລືອກເອົາສະຫາຍ ນາງ ດວງຕາ ໄຊຍະຫົງ ເປັນເລຂາຄະນະບໍລິຫານງານຊາວໜຸ່ມແຂວງບໍ່ແກ້ວຊຸດໃໝ່, ເລືອກເອົາສະຫາຍ ຈັນສະຫວ່າງ ເຍົາວະພາ, ສະຫາຍ ເຢັງລີ ຈົງເຕັງ ແລະ ສະຫາຍ ບຸນມີ ສີປະເສີດ ເປັນຮອງເລຂາຄະນະບໍລິຫານງານຊາວໜຸ່ມແຂວງບໍ່ແກ້ວ. ກອງປະຊຸມຍັງໄດ້ເລືອກເອົາສະຫາຍ ຈັນສະຫວ່າງ ເຍົາວະພາ ເປັນປະທານກວດກາ, ເລືອກເອົາຮອງປະທານກວດກາ ແລະ ຜູ້ແທນທີ່ຈະເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII. ກອງປະຊຸມໃຫຍ່ ຄັ້ງທີ VII ຜູ້ແທນຊາວໜຸ່ມປະຊາຊົນ ປະຕິວັດລາວ ແຂວງບໍ່ແກ້ວ ໄດ້ຖືເປັນກຽດຢ່າງສູງ ຮັບຟັງການ ໂອ້ລົມຂອງ ສະຫາຍ ສົມລິດ ສີຜາວັນ ຮອງເລຂາພັກແຂວງ, ປະທານສະພາປະຊາຊົນແຂວງບໍ່ແກ້ວ ແລະ ສະຫາຍ ບຸນຕາ ເທບພະວົງ ຮອງເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ, ທີ່ໄດ້ສະແດງຄວາມຍ້ອງຍໍສັນ ລະເສີນ ຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ແຂວງບໍ່ແກ້ວ ຊຸດທີ VI ແລະ ຄະນະຊາວໜຸ່ມແຕ່ລະຂັ້ນ ທີ່ໄດ້ຊີ້ນຳ- ນຳພາ ພະນັກງານ ສະມາຊິກຊາວໜຸ່ມ-ໄວໜຸ່ມບັນດາເຜົ່າ ທຸກການຈັດຕັ້ງ ທຸກຊັ້ນຄົນໃນທົ່ວແຂວງ ທີ່ໄດ້ ປະກອບສ່ວນ ໃນການປັບປຸງກໍ່ສ້າງ ແລະ ໃຫ້ການສະໜັບສະໜູນການເຄື່ອນໄຫວຂອງອົງການຈັດຕັ້ງຊາວໜຸ່ມເປັນຢ່າງ ດີ ໃນການປະຕິບັດມະຕິກອງປະຊຸມໃຫຍ່ ຄັ້ງທີ VI ທີ່ຜ່ານມາ, ເຊິ່ງມັນໄດ້ເຮັດໃຫ້ການຈັດຕັ້ງຊາວໜຸ່ມ ສາມາດເຮັດ ສໍາເລັດຕາມໜ້າທີ່ ຕາມພາລະບົດບາດຂອງຕົນ. ໃນທຸກຄໍາເຫັນໂອ້ລົມຂອງທັງ 2 ສະຫາຍ ແມ່ນສຸດທີ່ມີເນື້ອໃນ, ມີ ຄວາມໝາຍສໍາຄັນອັນເລິກເຊິ່ງ ໄດ້ກາຍເປັນເຂັມຊີ້ທິດເຍືອງທາງ ໃຫ້ແກ່ການນໍາເອົາມະຕິກອງປະຊຸມໃຫຍ່ ຄັ້ງທີ VII ຜູ້ແທນຊາວໜຸ່ມປະຊາຊົນປະຕິວັດລາວ ທົ່ວແຂວງບໍ່ແກ້ວ ເພື່ອນໍາໄປຄົ້ນຄວ້າ, ເຊື່ອມຊຶມ ແລະ ຈັດຕັ້ງຜັນຂະຫຍາຍເຂົ້າໃນ ການຈັດຕັ້ງປະຕິບັດວຽກງານຊາວໜຸ່ມ-ເຍົາວະຊົນ, ເສີມຂະຫຍາຍມູນເຊື້ອຄວາມສາມັກຄີ, ເພີ່ມທະວີບົດບາດການ ນຳພາ ຕາມຈຸດພິເສດ ແລະ ເງື່ອນໄຂຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ທົ່ວແຂວງບໍ່ແກ້ວ ໃຫ້ປະສົບຜົນສຳເລັດ ຕາມຄາດໝາຍທີ່ວາງໄວ້, ກອງປະຊຸມໃຫຍ່ ຮຽກຮ້ອງມາຍັງພະນັກງານ, ສະມາຊິກຊາວໜຸ່ມ-ໄວໜຸ່ມ ບັນດາເຜົ່າໃນທົ່ວແຂວງ ຈົ່ງຕັ້ງໜ້າ ຄົ້ນຄວ້າ, ກຳແໜ້ນ ແລະ ເຊື່ອມຊຶມຕໍ່ເນື້ອໃນບົດລາຍງານການເມືອງ, ທິດທາງແຜນການ, ຄາດໝາຍສູ້ຊົນຢ່າງເລິກ ເຊິ່ງ ເພື່ອຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ, ສືບຕໍ່ຍົກສູງຈິດໃຈເອກະລາດ, ເປັນເຈົ້າຕົນເອງ, ສ້າງຄວາມເຂັ້ມ ແຂງດ້ວຍຕົນເອງ, ເຊີດຊູສະຕິ ແລະ ຄວາມຮັບຜິດຊອບການເມືອງຂອງຕົນ ປະກອບສ່ວນຢ່າງຕັ້ງໜ້າເຂົ້າໃນການຈັດ ຕັ້ງປະຕິບັດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືແຂວງບໍ່ແກ້ວ ໃຫ້ໄດ້ຮັບການພັດທະນາໃນ ແຕ່ລະດ້ານ, ມີການຫັນປ່ຽນຢ່າງຕັ້ງໜ້າ, ພັດທະນາເສດະກິດ-ສັງຄົມ ເຮັດໃຫ້ຫຼຸດພົ້ນອອກຈາກຄວາມທຸກຍາກ, ຄວາມສາມັກຄີປອງດອງ, ສີວິໄລ ແລະ ຍຸຕິທຳ. ກອງປະຊຸມໄດ້ດຳເນີນໄປເປັນເວລາໜຶ່ງວັນເຕັມຈຶ່ງໄດ້ອັດລົງດ້ວຍຜົນສຳເລັດຢ່າງຈົບງາມ.