ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຜູ້ແທນອົງຄະນະພັກ ເມືອງປາກຊັນ ຄັ້ງທີ VII ສຳເລັດລົງດ້ວຍໝາກຜົນຢ່າງຈົບງາມ

ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ເມືອງ​ປາກ​ຊັນ ຄັ້ງ​ທີ VII ​ໄດ້​ໄຂ​ຂື້ນ​ຢ່າງ​ເປັນ​ທາງ​ການ​ໃນວັນ​ທີ 15 ມັງກອນ 2020 ຢູ່​ທີ່​ສະ​ໂມ​ສອນ​ເມືອງ​ປາກ​ຊັນ ຊຶ່ງ​ເປັນ​ເມືອງ​ທຳ​ອິດ​ຂອງ​ແຂວງ​ບໍລິ​ຄຳ​ໄຊ ທີ່​ໄດ້​ຈັດ​ຂື້ນ​ກ່ອນໝູ່ ກອງ​ປະຊຸມ​ໄດ້​ດຳ​ເນີນ​ມາ​ຮອດ​ຕອນ​ບ່າຍ​ຂອງ​ວັນ​ທີ 16 ມັງກອນ 2020 ກໍ່​ໄດ້​ສຳ​ເລັດ​ລົງ​ດ້ວຍ​ໝາກຜົນ​ຢ່າງ​ຈົບງາມ ພາຍ​ໃຕ້​ການ​ເປັນ​ປະທານ​ຂອງ​ສະຫາຍ ​ໄມ​ຈອມ ວັນນະ​ສານ​ຄຳ ກຳມະການ​ພັກ​ແຂວງ ​ເລ​ຂາ​ພັກ​ເມືອງ​ເຈົ້າ​ເມືອງ​ປາກ​ຊັນ, ​ເປັນ​ກຽດ​ເຂົ້າ​ຮ່ວມ​​ໂດຍ​ສະຫາຍ ກອງ​ແກ້ວ ​ໄຊ​ສົງຄາມ ກຳມະການ​ສູນ​ກາງ​ພັກ ​ເລຂາ​ຄະນະ​ບໍລິຫານ​ງານ​ພັກ​ແຂວງ ​ເຈົ້າ​ແຂວງ​ບໍລິ​ຄຳ​ໄຊ ມີ​ແຂກ​ຖຶກ​ເຊີນ ​ແລະ ຜູ້​ແທນ​ສົມບູນ​ເຂົ້າ​ຮ່ວມ​ປະມານ 160 ກວ່າ​ສະຫາຍ ​ໃນ​ນັ້ນ​ມີ​ຜູ້​ແທນ​ສົມບູນ 123 ສະ ຫາຍ,ຍິງ 15 ສະຫາຍ, ທີ່ມາຈາກໜ່ວຍພັກຮາກຖານບ້ານ,ຫ້ອງການ,ອົງການຈັດຕັ້ງຕ່າງໆ,ກຳລັງປະກອບອາວຸດໃນທົ່ວເມືອງ ທີ່ເປັນຕົວແທນໃຫ້ແກ່ສະມາຊິກພັກທັງໝົດ 1,589 ສະຫາຍ,ຍິງ 481 ສະຫາຍ, ກອງ​ປະຊຸມ​ໄດ້​ສະ​ຫຼຸບ​ຕິ​ລາ​ຄືນ ​ເຖິງຜົນງານ ແລະ ໄຊຊະນະຂອງ​ການຈັດ​ຕັ້ງ​ປະຕິບັດ ແຜນນະໂຍບາຍ,ມະຕິ X ຂອງພັກ, ມະຕິ VI ອົງຄະນະພັກແຂວງ,ມະຕິອົງຄະນະພັກເມືອງ, ພ້ອມກັນນັ້ນກໍ່ໄດ້ຊອກໃຫ້ເຫັນຈຸດດີ,ຈຸດອ່ອນ,ຂໍ້ຄົງຄ້າງ,ສາເຫດຕ່າງໆ ເຊິ່ງຈະຕ້ອງໄດ້ສຶບຕໍ່ແກ້ໄຂໃນຕໍ່ໜ້າ ແລະ ສະຫຼຸບສັງລວມເປັນບົດຮຽນໃຫ້ແກ່ການນຳພາຂອງຕົນ, ພ້ອມນີ້​ຍັງໄດ້​ເປັນ​ເອກະ​ພາບ ​ຮັບຮອງ​ເອົາ​ທິດທາງ ​ແຜນ​ພັດທະນາ​ເສດຖະກິດ-ສັງຄົມ​ 5 ປີຄັ້ງທີ V, 2019-2024, ກອງ​ປະຊຸມ​ໄດ້ຮັບ​ຟັງ​ການ​ລາຍ​ງານ ​ແລະ ປະກອບ​ຄຳ​ເຫັນ​ຈາກ​ບັນດາ​ເມືອງ ​ແລະ ຜູ້ຕາງໜ້າ​ຈາກ​ຂົງ​ເຂດ​ຕ່າງໆ ຄອບຄົວ​ຕົວ​ແບບ ຊຶ່ງ​ເຮັດ​ໃຫ້​ລາຍ​ງານ​ການ​ເມືອງ​ມີ​ເນື້ອ​ໃນ​ອັນ​ອຸດົມສົມບູນ ​ແລະ ຢັ້ງຢືນ​ເຖິງ​ການ​ປະກອບສ່ວນ​ຢ່າງ​ຕັ້ງໜ້າ ​ເຂົ້າ​ໃນ​ຜົນສຳ​ເລັດ​ຂອງ​ການຈັດ​ຕັ້ງ​ປະຕິບັດ​ ໜ້າ​ທີ່​ການ​ເມືອງ​ຂອງ​ຕົນ, ​ຈາກ​ນັ້ນ​ກອງ​ປະຊຸມ​​ໄດ້​ປ່ອນ​ບັດ​ເລືອກ​ຕັ້ງ​ ເອົາຄະນະ​ບໍລິຫານ​ງານ​ພັກ​ເມືອງ​ຊຸດ​ໃໝ່ ຊຶ່ງ​ມີ​ຜູ້​ສະໝັກ​ທັງ​ໝົດ 27 ສະຫາຍ ​ເລືອກ​ເອົາ 23 ສະຫາຍ, ຜ່ານ​ການ​ປ່ອນ​ບັດ​ເລືອກ​ຕັ້ງ ,ກອງ​ປະຊຸມ​ຄັ້ງ​ປະຖົມ​ມະລຶກ ​ໄດ້​ຕົກລົງເປັນ​ເອກະ​ພາບ​ເລືອກ​ເອົາ​ ສະຫາຍ ​ໄມ​ຈອມ ວັນນະ​ສານ​ຄຳ ​ເປັນ​ເລຂາ​ຄະນະ​ພັກ​ບໍລິຫານ​ງານພັກ ​ເມືອງ​ປາກ​ຊັນ, ສະຫາຍ ​ແສງ​ອາ​ລຸນ ​ແສງ​ອາພອນ ​ເປັນ​ຮອງ​ເລຂາ​ພັກ​ເມືອງ, ສະຫາຍ ນາງ ຄຳ​ເພັດ ດວງ​ມະນີ ​ເປັນຮອງ​ເລຂາ ​ແລະ ​ເປັນ​ປະ​ທານກວດກາພັກ, ​ແລະ ​ໄດ້​ເລືອກ​ຕັ້ງ​ເອົາ​ຜູ້​ແທນ​ສົມບູນ ​ແລະ ຜູ້​ແທນ​ສຳຮອງ ​ເພື່ອ​ເຂົ້າ​ຮ່ວມ​ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ອົງຄະ​ນະ​ພັກ​ແຂວງ ປະກອບ​ມີ 24 ສະຫາຍ,ກອງ​ປະ​ຊຸມ​ທີ່​ມີ​ຄວາມ​ໝາຍ​ຄວາມ​ສຳຄັນຄັ້ງ​ນີ້ ຍັງ​ໄດ້ຮັບຟັງ​ການ​ໂອ້​ລົມ​ຈາກ​ສະຫາຍ ກອງ​ແກ້ວ ​ໄຊ​ສົງຄາມ ກຳມະການ​ສູນ​ການ​ພັກ ​ເລ​ຂາ​ຄະນະ​ບໍລິຫານ​ງານ​ພັກ​ແຂວງ ​ເຈົ້າ​ແຂວງ​ບໍລິ​ຄຳ​ໄຊ ຊຶ່ງ​ສະຫາຍສະ​ແດງ​ຍ້ອງຍໍ​ຊົມ​ເຊີຍຕໍ່ຄະນະ​ພັກຊຸດ​ເກົ່າ​ ໃນ​ການ​ຊີ້​ນຳ-ນຳພາ​ປະຕິບັດ​ໜ້າ​ທີ່​ການ​ເມືອງ ​ແລະ ຍາດ​ໄດ້ຜົນ​ສຳ​ເລັດ​ຫຼາຍ​ດ້ານ ​ແລະ ສະຫາຍ​ຍັງ​ໄດ້​ເໜັ້ນໜັກ​ຕໍ່​ຄະນະ​​ບໍລິຫານງານ​ພັກ​ເມືອງ​ຊຸດ​ໃໝ່ ​ໃຫ້​ພ້ອມ​ກັນ​ຈັດ​ຕັ້ງ​ຜັນ​ຂະຫຍາຍ​ຜົນສຳ​ເລັດ ກໍ່​ຄື ມະຕິຂອງກອງ​ປະຊຸມ​ໃຫ່ຍຄັ້ງ​ນີ້​ໃຫ້​ໄວ ​ເຮັດ​ໃຫ້​ເມືອງ​ມີ​ສະຖຽນ​ລະ​ພາບ​ທາງ​ດ້ານ​ການ​ເມືອງ, ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ, ປະຊາຊົນ​ມີ​ຄວາມ​ສາມັກຄີປອງ​ດອງ​ເປັນ​ປຶກ​ແຜ່ນ, ສຶບຕໍ່​ສຸມ​ໃສ່​ແກ້​ໄຂ​ປະກົດການ​ຫຍໍ້​ທໍ້ ທີ່​ເປັນ​ບັນຫາ​ເຄັ່ງຮ້ອນ​ໃນສັງຄົມ ​ແລະ ໜໍ່ແໜງກະທົບຕໍ່ຄວາມບໍ່ສະຫງົບ-ປອດໄພຂອງສັງຄົມ, ຜັນ​ຂະຫຍາຍ​ຢ່າງ​ແຂງ​ແຮງຜົນສຳ​ເລັດ 9 ຫົວ​ຂໍ້​ສຳ​ມະ​ນາ​ວິທະຍາສາດ ​ແລະ ຍຸດ​ທະ​ສາດ​ແກ້​ໄຂ​ປະກົດ​ການ​ຫຍໍ້​ທໍ້​ໃນ​ສັງຄົມ​ຄື: 4 ​ເຖື່ອນ, ສ້າງໃຫ້ໄດ້ໂຄງປະກອບເສດຖະກິດ ໄປຕາມທິດຫັນເປັນອຸດສາຫະກຳ ແລະ ທັນສະໄໝເທື່ອລະກ້າວ, ສຶບຕໍ່ຍູ້ແຮງໃຫ້ມີການຜະລິດກາຍເປັນສິນຄ້າ ໃຫ້ສົມກັບທ່າແຮງທີ່ເມືອງພວກເຮົາມີ, ເປັນຕົ້ນແມ່ນ: ການປູກ-ການລ້ຽງ ໂດຍລວມແລ້ວກອງ​ປະຊຸມໄດ້ຮຽກຮ້ອງໃຫ້ຄະນະພັກຊຸດໃໝ່, ຜູ້ແທນກອງປະຊຸມ ສະມາຊິກ​ພັກ-ພະນັກງານ​ລັດຖະກອນ ຕະຫຼອດເຖິງ ປະຊາຊົນ​ບັນດາ​ເຜົ່າໃນທົ່ວເມືອງ ຈົ່ງເຊີດຊູນ້ຳໃຈຄວາມຮັບຜິດຊອບ ຕໍ່ໜ້າທີ່ການເມືອງ ສຸມທຸກສະຕິປັນຍາ, ເຫື່ອແຮງເຂົ້າໃນການປົກປັກຮັກສາ ແລະ ພັດທະນາເມືອງປາກຊັນກາຍ​ເປັນ ​ແດນ​ກຸຫຼາບ,ສະຫງົບ,ສີຂຽວ,ສະອາດ​ງາມ​ຕາ ​ແລະ ພັດທະນາ​ໃຫ້​ຍືນ​ຍົງ.

ຂ່າວ-ພາບ: ຫົງທອງ, ອຳພອນ.