ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ຜູ້ແທນອົງຄະນະພັກເມືອງໂພນທອງ ຄັ້ງທີ Il ຈັດຂຶ້ນໃນວັນທີ 29 ມັງກອນນີ້

ກອງປະຊຸມໃຫຍ່ຜູ້ແທນອົງຄະນະພັກເມືອງໂພນທອງ ຄັ້ງທີ lI ໄດ້ໄຂຂຶ້ນຢ່າງເປັນທາງການ, ໃນວັນທີ່ 29 ມັງກອນ 2020 ນີ້ ມີ ສະຫາຍ ຄໍາຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງພະບາງ, ພ້ອມດ້ວຍຜູ້ແທນສົມບູນ 77 ສະຫາຍ, ຍີງ 2 ສະຫາຍ ທີເປັນຕົວແທນໃຫ້ແກ່ສະມາຊິກພັກ 912 ສະຫາຍ, ຍີງ 170 ສະຫາຍ ໃນທົວເມືອງ ແລະຜູ້ແທນຮັບເຊີນເຂົ້າຮ່ວມ.

ສະຫາຍ ສົມມາລີ ຄຳເກັ່ງ ກຳມະການພັກແຂວງ ເລຂາຄະນະບໍລິຫານງານພັກເມືອງ ໄດ້ກ່າວເປີດກອງປະຊຸມພ້ອມທັງຜ່ານຮ່າງລາຍງານການເມືອງວ່າ: ກອງປະຊຸມໃຫຍ່ຄັ້ງນີ້ ດຳເນີນພາຍໃຕ້ຄໍາຂວັນ ເພີ່ມທະວີຄວາມສາມັກຄີເປັນເອກະພາບ, ຍົກສູງບົດບາດ ແລະ ຄວາມສາມາດນຳພາ,ນຳໃຊ້ທຸກທ່າແຮງບົ່ມຊ້ອນພັດທະນາກະສີກຳ-ປ່າໄມ້ ຕິດພັນກັບການປຸງແຕ່ງ ເປັນສີນຄ້າ ສົ່ງອອກ, ເຮັດການຄ້າ,ການບໍລິການທາງຜ່ານ-ການທ່ຽວແບບເຊື່ອມໂຍງ, ສ້າງປະຖົມປັດໄຈໃຫ້ເມືອງໂພນທອງເຂັ້ມແຂງຮອບດ້ານ. ໂດຍຈະໄດ້ຕີລາຄາຜົນສໍາເລັດ ຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ VII ອົງຄະນະພັກແຂວງ ແລະມະຕິກອງປະຊຸມໃຫຍ່ຄັ້ງທີ l ຂອງອົງຄະນະພັກເມືອງໂພນທອງ ແຕ່ປີ 2014-2020 ຕະຫຼອດໄລຍະ 5 ປີ ແຫ່ງການນໍາພາວຽກງານຮອບດ້ານ ຂອງອົງຄະນະພັກເມືອງໂພນທອງ ໄດ້ເຮັດໃຫ້ທົ່ວເມືອງມີຄວາມສະຫງົບ-ປອດໄພ ແລະ ມີຄວາມເປັນລະບຽບຮຽບ ຮ້ອຍໂດຍພື້ນຖານ, ການພັດທະນາເສດຖະກິດ ເປັນໃຈກາງຕາມທິດຍືນຍົງ-ຕໍ່ເນື່ອງ, ຍ້ອນທຸກຂົງເຂດວຽກງານໄດ້ຫັນເອົາຄາດໝາຍ ມະຕິກອງປະຊຸມໃຫຍ່ຄັ້ງທີ l ຂອງອົງຄະນະພັກເມືອງ ເປັນແຜນການ, ໂຄງການຈຸດສຸມອັນລະອຽດ, ການປຸກລະດົມ ທຶນ, ລົງທຶນຈາກທຸກພາກສ່ວນ ໄດ້ດໍາເນີນເປັນປົກກະຕິ ແລະ ຖືກທິດ; ທຸລະກິດຂະໜາດນ້ອຍ, ຂະບວນການຜະລິດເປັນສິນຄ້າ, ການປູກຝັງ-ລ້ຽງສັດ, ຫັດຖະກຳໄດ້ຮັບການຊຸກຍູ້ສົ່ງເສີມ, ການພັດທະນາການທ່ອງ ທ່ຽວໄດ້ດໍາເນີນໄປຢ່າງແຂງແຮງ; ການກໍ່ສ້າງພື້ນຖານໂຄງລ່າງ ໄດ້ຮັບການຈັດຕັ້ງປະຕິບັດ ດ້ວຍການນຳໃຊ້ທ່າແຮງບົ່ມຊ້ອນ ຂອງທ້ອງຖິ່ນ ແລະການມີສ່ວນຮ່ວມ ຂອງປະຊາຊົນຢ່າງກ້ວາງຂວາງ, ອັນໄດ້ສ້າງເງື່ອນໄຂ, ສິ່ງເອື້ອອຳນວຍ ໃຫ້ແກ່ການພັດທະນາເສດຖະກິດ-ສັງຄົມຂອງເມືອງ ກໍ່ຄືການແກ້ໄຂຄວາມທຸກຍາກຂອງປະຊາຊົນບັນດາເຜົ່າດີຂື້ນເປັນກ້າວໆ; ເສດຖະກິດໄດ້ຂະຫຍາຍຕົວຢ່າງຕໍ່ເນື່ອງ ໃນລະດັບສະເລ່ຍ 7,19% ຕໍ່ປີ, ລວມຍອດຜະລິດຕະພັນພາຍໃນເມືອງ ຫລື (GDP) ປີ 2019 ບັນລຸໄດ້ 111,07 ຕຶ້ກີບ, ລາຍຮັບສະເລ່ຍໄດ້ 5.851.168 ກີບ ຫຼື ເທົ່າກັບ 704,96 ໂດລາຕໍ່ຄົນຕໍ່ປີ. ວາລະກອງປະຊຸມໃຫຍ່ຜູ້ແທນອົງຄະນະພັກເມືອງໂພນທອງ ຄັ້ງທີ lI ຈະໄດ້ພິຈາລະນາຮັບຮອງເອົາຮ່າງລາຍງານການເມືອງ, ແຜນພັດທະນາເສດຖະກິດສັງຄົມຂອງເມືອງໃນ 5 ປີຕໍ່ໜ້າ ທັງຈະໄດ້ປ່ອນບັດເລືອກຕັ້ງ ເອົາຄະນະບໍລິຫານງານພັກເມືອງຊຸດໃໝ່ ແລະເລືອກເອົາຜູ້ແທນສົມບູນ-ສຳຮອງ ໄປຮ່ວມ ກອງປະຊຸມໃຫຍ່ຜູ້ແທນອົງຄະນະພັກແຂວງ ທັງຈະໄດ້ຮັບຟັງການໂອ້ລົມຂອງເລຂາພັກແຂວງ ເພື່ອເປັນທິດຊີ້ນຳວຽກງານໃຫ້ອົງຄະນະພັກເມືອງໂພນທອງໃນຕໍ່ໜ້າ ຕື່ມອີີກ. ກອງປະຊຸມຄັ້ງນີ້ຈະໄດ້ດຳເນີນເປັນເວລາ 2 ວັນຈຶງຈະສຳເລັດ.

ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງແຂວງຫຼວງພະບາງ.