ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ ຄັ້ງທີ IV ຂອງ ໜ່ວຍພັກ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ສສ ມຽນມາ

ໃນວັນທີ 14 ມີນາ 2020, ກອງປະຊຸມໃຫຍ່ ຄັ້ງທີ IV ຂອງໜ່ວຍພັກສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ສສ ມຽນມາ ໄດ້ໄຂຂຶ້ນຢ່າງເປັນທາງການ ໂດຍການເປັນປະທານຂອງ ສະຫາຍ ເຮືອງແສງ ຄຳດາລາວົງ, ເລຂາໜ່ວຍພັກສະຖານທູດ, ຊຶ່ງມີບັນດາສະຫາຍສະມາຊິກພັກພາຍໃນໜ່ວຍ ເຂົ້າຮ່ວມ ຈຳນວນ 14 ສະຫາຍ, ຍິງ 01 ສະຫາຍ, ສໍາຮອງ 03 ສະຫາຍ..

 

ກອງປະຊຸມໄດ້ຮັບຟັງການຜ່ານບົດລາຍງານການເມືອງ ແລະ ພ້ອມກັນປະກອບຄຳເຫັນໃສ່ບົດລາຍງານການເມືອງຂອງໜ່ວຍພັກ ໃນໄລຍະທີ່ຜ່ານມາ ໂດຍໄດ້ຕີລາຄາວ່າ ໃນໄລຍະຜ່ານມາ ເຖິງວ່າຍັງມີຂໍ້ຈຳກັດຫລາຍດ້ານ, ແຕ່ໜ່ວຍພັກກໍມີຄວາມຕັ້ງໜ້າ, ບຸກບືນສູ້ຊົນ ຊີ້ນໍາ-ນຳພາໃນຂົງເຂດທີ່ຕົນຮັບຜິດຊອບ ແລະ ກໍມີຫລາຍດ້ານທີ່ພົ້ນເດັ່ນ ແລະ ມີບາດກ້າວໃໝ່. ນອກຈາກນັ້ນ, ຍັງຜ່ານການສຳຫຼວດຕີລາການນຳພາຂອງຄະນະໜ່ວຍພັກຊຸດເກົ່າຢ່າງກົງໄປກົງມາ ແລະ ໄດ້ພ້ອມກັນຮັບຮອງເອົາບົດລາຍງານການເມືອງ, ທິດທາງແຜນການໃນຕໍ່ໜ້າ, ຄາດໝາຍສູ້ຊົນ ສຳລັບ 05 ປີ ໃນຕໍ່ໜ້າ (2020-2025), ຮັບຮອງເອົາມະຕິຂອງກອງປະຊຸມ ພ້ອມທັງມີການປ່ອນບັດຄັດເລືອກເອົາຄະນະພັກຊຸດໃໝ່ຂອງສະຖານທູດ 03 ສະຫາຍ.

ໃນຕອນທ້າຍ, ຜູ້ເຂົ້າຮ່ວມກອງປະຊຸມໄດ້ຮັບຟັງການໂອ້ລົມຈາກສະຫາຍ ເຮືອງແສງ ຄຳດາລາວົງ, ເລຂາໜ່ວຍພັກສະຖານທູດ ໂດຍສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ໜ່ວຍພັກຍາດມາໄດ້ໃນໄລຍະຜ່ານມາ ພ້ອມທັງໄດ້ຮຽກຮ້ອງໃຫ້ສະມາຊິກພັກພາຍໃນໜ່ວຍ ຈົ່ງເຊີດຊູຄວາມເປັນແບບຢ່າງນຳໜ້າ ແລະ ເຕົ້າໂຮມຄວາມສາມັກຄີໃຫ້ເປັນປຶກແຜ່ນເພື່ອພ້ອມກັນຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ IV ຂອງໜ່ວຍພັກໃຫ້ປະກົດຜົນເປັນຈິງ ໂດຍສະເພາະແມ່ນການສ້າງໜ່ວຍພັກປອດໃສ, ເຂັ້ມແຂງ ແລະ ໝັກແໜ້ນ.