ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງປະຊຸມໃຫຍ່ ຄັ້ງທີ XI ຂອງສະມາຄົມນັກທຸລະກິດຮ້ານອາຫານລາວ-ເບຍລາວ ຈັດຂຶ້ນໃນຕອນບ່າຍວັນທີ 9 ກຸມພາ 2024 ທີ່ສວນນໍ້າອິນແປງ, ເມືອງຫາດ ຊາຍຟອງ, ນະຄອນ ຫລວງວຽງຈັນ ໂດຍມີ ທ່ານ ຄໍາແພງ ເພົ້າບົວວົງ, ປະທານສະມາ ຄົມນັກທຸລະກິດຮ້ານອາຫານລາວ-ເບຍລາວ, ທ່ານ ອູຊ້າງ ແສງ ທອງ, ຜູ້ອໍານວຍການຈັດການພາກນະຄອນຫຼວງ, ທັງເປັນທີ່ປືກ ສາຊີ້ນໍາສະມາຄົມສະມາຄົມນັກທຸລະກິດຮ້ານອາຫານລາວ-ເບຍລາວ, ພ້ອມດ້ວຍສະມາຊິກຂອງສະມາຄົມ ແລະ ແຂກຖືກເຊີນເຂົ້າຮ່ວມ.
ກອງປະຊຸມໄດ້ສະຫລຸບຕີລາຄາຄືນຜົນສໍາເລັດການເຄື່ອນໄຫວຽກງານຂອງສະມາ ຄົມຕະຫລອດໄລຍະ 2 ປີ (2022 ຫາ 2023) ຜ່ານມາ ເພື່ອຍົກໃຫ້ເຫັນດ້ານດີ, ຈຸດອ່ອນຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້. ພ້ອມທັງປຶກສາຫາລືເພື່ອຮ່ວມ ກັນວາງແຜນການເຄື່ອນໄຫວວຽກງານໃນ 2 ປີຕໍ່ໜ້າ (2024 ຫາ 2025) ນອກຈາກນີ້ ກອງປະຊຸມໄດ້ເລືອກເອົາຄະນະບໍລິ ຫານສະມາຄົມດັ່ງກ່າວຊຸດໃໝ່.
ໃນໂອກາດຂຶ້ນລາຍງານບົດສະຫລຸບການເຄື່ອນໄຫວວຽກງານຂອງສະມາຄົມນັກທຸ ລະກິດຮ້ານອາຫານລາວ-ເບຍລາວ ຊຸດທີ XI ແລະ ທິດທາງແຜນການ 2 ປີຕໍ່ໜ້າຕໍ່ກອງປະຊຸມຄັ້ງນີ້, ທ່ານ ຄໍາແພງ ເພົ້າບົວວົງ, ປະທານສະມາຄົມດັ່ງກ່າວ ໄດ້ຍົກໃຫ້ເຫັນວ່າ: ເຖີງວ່າ 2 ປີ ຜ່ານມາ ພົບຄວາມຫຍຸ້ງຍາກຫລາຍຢ່າງ ໂດຍສະ ເພາະການລະບາດຮ້າຍແຮງຂອງພະຍາດໂຄວິດ-19, ສະພາບ ການຂອງພາກພື້ນ ແລະ ສາກົນ ແລະ ສະພາບຄວາມຫຍຸ້ງຍາກທາງດ້ານເສດຖະກິດຂອງປະເທດທີ່ເກີດຂຶ້ນ, ຄະນະບໍລິຫານງານສະມາຄົມ ໄດ້ເອົາໃຈໃສ່ເບິ່ງແຍງ, ຊຸກຍູ້ ແລະ ຊ່ວຍເຫລືອສະມາ ຊິກຂອງຕົນທີ່ຫລາຍກວ່າ 50 ຮ້ານໃນນະຄອນຫລວງວຽງຈັນຢ່າງຕໍ່ເນື່ອງ ເຊັ່ນ: ການຊ່ວຍເຫລືອດໍາເນີນທຸລະກິດ, ການປະຕິ ບັດນະໂຍບາຍຕ່າງໆ, ການຝຶກອົບຮົມວິຊາ ຊີບ, ການເຄື່ອນໄຫວກິດຈະກໍາທັງພາຍໃນ ແລະ ຕ່າງປະເທດ ແລະ ອື່ນໆ ເຮັດໃຫ້ສະ ມາຊິກຂອງຕົນສາມາດດໍາເນີນທຸລະກິດ ແລະ ຜ່ານຜ່າຄວາມ ຫຍຸ້ງຍາກໄດ້ ຊຶ່ງເຮັດໃຫ້ສະມາຄົມປະ ກອບສ່ວນສໍາຄັນຕໍ່ການພັດທະນາເສດຖະກິດຂອງນະຄອນ ຫລວງວຽງຈັນ.
ນອກຈາກນີ້, ທ່ານຍັງໄດ້ຍົກໃຫ້ເຫັນບາງຈຸດອ່ອນຂໍ້ຄົງຄ້າງທີ່ຕ້ອງໄດ້ສືບຕໍ່ແກ້ ໄຂ, ບົດຮຽນທີ່ຖອດຖອນໄດ້ ແລະ ທິດທາງແຜນການເຄື່ອນໄຫວວຽກງານໃນ 2 ປີຕໍ່ໜ້າ (2024 ຫາ 2025) ຊຶ່ງມີຫລາຍວຽກງານ ແລະ ຫລາຍກິດຈະກໍາທີ່ຕ້ອງໄດ້ປະຕິ ບັດ ໂດຍສະເພາະປີ 2024 ຊຶ່ງເປັນປີທ່ອງທ່ຽວລາວ ແລະ ການເປັນປະທານອາຊຽນຂອງລາວ ເພື່ອໃຫ້ສະມາຊິກຂອງສະມາ ຄົມປະກອບສ່ວນສໍາຄັນໃນການຕ້ອນຮັບ ແຂກບ້ານບ້ານແຂກເມືອງທີ່ຈະເດີນທາງເຂົ້າມາຢ້ຽມຢາມປະເທດລາວ ກໍຄື ນະ ຄອນຫລວງວຽງຈັນ ຊຶ່ງເປັນນະຄອນຫລວງຂອງປະເທດ.
ໃນກອງປະຊຸມຄັ້ງນີ້ ຍັງໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະບໍລິຫານສະມາຄົມນັກທຸລະກິດຮ້ານອາຫານລາວ-ເບຍລາວຊຸດໃໝ່ ທີ່ເຫັນດີເລືອກເອົາ ທ່ານ ຄໍາແພງ ເພົ້າບົວວົງ ສືບຕໍ່ເປັນປະທານສະມາຄົມອີກສະໄໝໜຶ່ງ, ພ້ອມນີ້ ກອງປະຊຸມຍັງໄດ້ຮັບຟັງການໂອ້ລົມເພື່ອແນະນໍາການເຄື່ອນໄຫວວຽກງານຈາກ ທ່ານ ອູຊ້າງ ແສງທອງ, ຜູ້ອໍານວຍການຈັດການພາກນະຄອນຫຼວງ, ທັງເປັນທີປືກສາຊີ້ນໍາສະມາຄົມສະມາຄົມນັກທຸລະກິດຮ້ານອາ ຫານລາວ-ເບຍລາວ ຕື່ມອີກ.