ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫຍ່ ຄັ້ງທີ XIII ຂອງຫນ່ວຍພັກ ຫນັງສືພິມປະຊາຊົນ

ກອງປະຊຸມໃຫຍ່ ຄັ້ງທີ XIII ຂອງຫນ່ວຍພັກ ຫນັງສືພິມປະຊາຊົນ ຈັດຂຶ້ນຢ່າງສະຫງ່າຜ່າເຜີຍໃນຕອນເຊົ້າວັນທີ 28 ກັນຍາ 2020.

ກອງປະຊຸມຄັ້ງນີ້ ໄດ້ຮັບຟັງ, ຄົ້ນຄ້ວາ ແລະ ຮັບຮອງເອົາບົດລາຍງານການເມືອງທັງ 2 ພາກ ຂອງປະຊຸມທີ່ໄດ້ຕີລາຄາຄືນຫມາກຜົນແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງຫນ່ວຍພັກ ຫນັງສຶພິມປະຊາ ຊົນຕະຫລອດໄລຍະ 4 ປີ (2016-2020) ຜ່ານມາ ທີ່ໄດ້ຍົກໃຫ້ເຫັນດ້ານດີ, ດ້ານອ່ອນຂໍ້ຄົງຄ້າງທີ່ຕ້ອງສືບຕໍ່ປັບປຸງ ແລະ ເສີມຂະຫຍາຍໃຫ້ດີຂຶ້ນ, ລວມເຖີງ ພ້ອມກັນວາງທິດທາງແຜນການ 5 ປີຕໍ່ຫນ້າ (2019-2024).

ນອກຈາກນີ້ ສະມາຊິກພັກສົມບູນ ໄດ້ໃຊ້ສິດປະຊາທິ ປະໄຕຂອງຕົນເພື່ອປ່ອນບັດຄັດເລືອກເອົາຄະນະຫນ່ວຍພັກ ຫນັງສືພິມ ປະຊາຊົນ ຊຸດໃໝ່ (ຊຸດທີ XIII) ເຊີ່ງມີຜູ້ລົງສະຫມັກ 7 ສະຫາຍ, ເລືອກເອົາ 5 ສະຫາຍ ແລະ ຮັບຟັງການໂອ້ລົມຈາກ ສະຫາຍ ສະຫວັນຄອນ ຣາຊມຸນຕີ, ຄະນະປະຈໍາພັກກະຊວງ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຕື່ມອີກ.

ສໍາລັບຜົນການປ່ອນບັດຄັດເລືອກເອົາຄະນະຫນ່ວຍພັກຫນັງສືພິມປະຊາຊົນ ຊຸດໃຫມ່ ຜູ້ສື່ຂ່າວຈະຕິດຕາມ ແລະ ລາຍງານໃຫ້ຊາບຕາມພາຍຫລັງ.