ກອງປະຊຸມໃຫຍ່ຜູ້ແທນອົງຄະນະພັກ ແຂວງຄຳມ່ວນ ຄັ້ງທີ X ໄດ້ດຳເນີນມາແຕ່ວັນທີ 29 ພະຈິກ ແລະ ອັດລົງດ້ວຍຜົນສໍາເລັດໃນໃນວັນທີ 30 ພະຈິກ 2020 ທີ່ສະໂມສອນ ແຂວງຄຳມ່ວນ ພາຍຫລັງດໍາເນີນມາເປັນເວລາ 2 ວັນ ໂດຍການເປັນປະທານຂອງ ສະຫາຍ ວັນໄຊ ພອງສະຫວັນ ເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງຄຳມ່ວນ. ໂດຍການເຂົ້າຮ່ວມຂອງສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ ພ້ອມດ້ວຍຜູ້ແທນສົມບຸນ ແລະ ບຳນານ ທົ່ວແຂວງຄຳມ່ວນ ເຂົ້າຮ່ວມ. ໃນກອງປະຊຸມ ໄດ້ມີການສະຫຼຸບຖອດຖອນບົດຮຽນວຽກງານຂອງແຕ່ລະພາກສ່ວນໃນໄລຍະ 5 ປີຜ່ານມາ, ການປະກອບຄຳຄິດຄຳເຫັນດ້ວຍບັນຍາກາດອັນຟົດຟື້ນ, ມີຄວາມຜິດຊອບສູງ ແລະ ໄດ້ອັດລົງດ້ວຍຜົນສຳເລັດອັນສະຫງ່າງາມຕາມຈຸດປະສົງຄາດໝາຍທີ່ວາງໄວ້; ທັງໝົດນັ້ນ ແມ່ນ ໝາກຜົນແຫ່ງຄວາມພະຍາຍາມບຸກບືນ ຜ່ານຜ່າເຮັດວຽກງານຢ່າງບໍ່ຮູ້ອິດ, ຮູ້ເມື່ອຍຂອງອົງຄະນະພັກ, ພະນັກງານສະມາຊິກພັກ ແລະ ປະຊາຊົນບັນດາເຜົ່າແຂວງຄຳມ່ວນ ໃນຂະບວນການວິວັດແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ ແລະ ຍັງແມ່ນໝາກຜົນຂອງການປະຕິບັດວຽກງານຢ່າງຕັ້ງໜ້າ.
ຜົນສໍາເລັດໃນການຈັດຕັ້ງປະຕິບັດແນວທາງນະໂຍບາຍຂອງພັກ, ສະຫຼຸບຕີລາຄາ ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ແລະ ແຜນພັດທະນາເສດຖະກິດ-ສັງຄົມຂອງແຂວງ ໄລຍະ 5 ປີຜ່ານມາ, ກຳ ນົດທິດທາງໜ້າທີ່ການພັດທະນາເສດຖະກິດ-ສັງຄົມ 5 ປີຕໍ່ໜ້າ ເພື່ອປະກອບສ່ວນເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ເຂົ້າສູ່ຊີວິດຕົວຈິງ ໃຫ້ບັນລຸຜົນສຳເລັດຕາມຄາດ ໝາຍທີ່ວາງໄວ້. ນອກຈາກນັ້ນກອງປະຊຸມໃຫຍ່ ຍັງໄດ້ດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ເພື່ອສືບຕໍ່ຊີ້ນຳ-ນຳພາວຽກງານສືບຕໍ່ໄປ.

ກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ ບົນພື້ນຖານຄວາມຖືກຕ້ອງສອດຄ່ອງກັບມາດຖານ – ເງື່ອນໄຂທີ່ກໍານົດໄວ້, ເຊິ່ງຜູ້ສະໝັກເລືອກຕັ້ງທັງໝົດມີ 35 ສະຫາຍ, ຍິງ 3 ສະຫາຍ, ຜົນຂອງການປ່ອນບັດ ກອງປະຊຸມຄັ້ງປະຖົມມະລຶກ ຂອງຄະນະບໍລິຫານງານພັກແຂວງຄຳມ່ວນ ສະໄໝທີ X ໄດ້ເປັນເອກະສັນກັນເລືອກເອົຄະນະປະຈໍາພັກແຂວງ, ເລຂາ, ຮອງເລຂາ, ປະທານ, ຮອງປະທານກວດກາ, ຮູ້ແທນສົມບູນ ແລະ ຜູ້ແທນສຳຮອງ ໄປຮ່ວມກອງປະຊຸມໃຫຍ່ຄັ້ງທີ XI ຂອງພັກ ດັ່ງນີ້ :
ກ. ເລືອກເອົາຄະນະປະຈຳພັກແຂວງ 11 ສະຫາຍ ຄື :
1. ສະຫາຍ ວັນໄຊ ພອງສະຫວັນ
2. ສະຫາຍ ບຸນມີ ພິມມະສອນ
3. ສະຫາຍ ສົມແຄນ ອັບປະສອນ
4. ສະຫາຍ ຈັນ ບຸບຜາລີວັນ
5. ສະຫາຍ ວົງເພັດ ຈິດປັນຍາ
6. ສະຫາຍ ແກ້ວອຸດອນ ບຸດສິງຂອນ
7. ສະຫາຍ ຄຳສອນ ອ້ວນທະວີ
8. ສະຫາຍ ແກ້ວລັນດອນ ຈັນທະປານີ
9. ສະຫາຍ ນາງ ບັງອອນ ໄຊຍະສິດ
10. ສະຫາຍ ສົມພົງ ວັນໄພທອງ
11. ສະຫາຍ ສົມໃຈ ພານີຈັນ
ຂ. ເລືອກຕັ້ງເອົາເລຂາ, ຮອງເລຂາພັກແຂວງ 3 ສະຫາຍ ຄື :
1. ສະຫາຍ ວັນໄຊ ພອງສະຫວັນ ເປັນເລຂາຄະນະພັກ
2. ສະຫາຍ ບຸນມີ ພິມມະສອນ ເປັນຮອງເລຂາຄະນະພັກ
3. ສະຫາຍ ວົງເພັດ ຈິດປັນຍາ ເປັນຮອງເລຂາຄະນະພັກ
ຄ. ເລືອກຕັ້ງເອົາປະທານ ແລະ ຮອງປະທານກວດກາພັກແຂວງ 4 ສະຫາຍ ຄື :
1. ສະຫາຍ ຄຳສອນ ອ້ວນທະະວີ ເປັນປະທານກວດກາພັກ
2. ສະຫາຍ ສີສຸກ ພິມມະສອນ ເປັນຮອງປະທານກວດກາພັກ
3. ສະຫາຍ ສະເຫຼີມສັກ ແກ້ວຈັນທະລາ ເປັນຮອງປະທານກວດກາພັກ
4. ສະຫາຍ ນາງ ໂພໄຊ ຮົ່ມສະຫວັນ ເປັນຮອງປະທານກວດກາພັກ
ງ. ບ່ອນບັດເລືອກເອົາຜູ້ແທນສົມບູນ, ຜູ້ແທນສຳຮອງ ໄປຮ່ວມກອງປະຊຸມໃຫຍ່
ຄັ້ງທີ XI ຂອງພັກ. ໃນນັ້ນ ຜູ້ແທນສົມບູນ 26 ສະຫາຍ, ຍິງ 3 ສະຫາຍ.


1. ສະຫາຍ ວັນໄຊ ພອງສະຫວັນ
2. ສະຫາຍ ບຸນມີພິມມະສອນ
3. ສະຫາຍ ພົ.ວ ສົມແຄນ ອັບປະສອນ
4. ສະຫາຍ ຈັນ ບຸບຜາລີວັນ
5. ສະຫາຍ ສີໄຮ ແກ້ວໄກຖິ່ນ
6. ສະຫາຍ ແກ້ວອຸດອນ ບຸດສິງຂອນ
7. ສະຫາຍ ຄໍາສອນ ອ້ວນທະວີ
8. ສະຫາຍ ນາງ ບັງອອນ ໄຊຍະສິດ
9. ສະຫາຍ ແກ້ວລັນດອນ ຈັນທະປານີ
10. ສະຫາຍ ສົມພົງ ວັນໄພທອງ
11. ສະຫາຍ ພິດສະໄໝ ກອງຊາເດດ
12. ສະຫາຍ ສົມໃຈ ພານີຈັນ
13. ສະຫາຍ ນາງອາລີ ບົວຈູມ
14. ສະຫາຍ ເດດສັກດາ ມະນີຄຳ
15. ສະຫາຍ ບົວຈັນ ແສງຈັນ
16. ສະຫາຍ ພັ.ອ ຄຳພອນ ສີກຸມພົນ
17. ສະຫາຍ ບຸນຈັນ ໄຊປັນຍາ
18. ສະຫາຍ ບຸນກ້ວາງ ແກ້ວບຸນຍົງ
19. ສະຫາຍ ສົມສະອາດ ອຸ່ນສີດາ
20. ສະຫາຍ ບຸນທັນ ສຸວັນນະລາດ
21. ສະຫາຍ ບຸນໂຮມ ມຸກສັກດາ
22. ສະຫາຍ ນາງ ບົວກາ ແກ້ວມະນີ
23. ສະຫາຍ ທິບພະຈັນ ໂພໄຊ
24. ສະຫາຍ ທອງໄຊ ມັງໜໍ່ເມກ
25. ສະຫາຍ ຄຳສິງ ອໍລະວັນ
26. ສະຫາຍ ນວນຕາ ແກ້ວນະວົງ
+ ຜູ້ແທນສຳຮອງ 3 ສະຫາຍ ຄື :
1. ສະຫາຍ ແກ້ວວັນໄຊ ສຸກແສນທອງ
2. ສະຫາຍ ແກ້ວວິໄລ ໄຊຍະບຸດ
3. ສະຫາຍ ຄຳໝັ້ນ ສໍປະເສີດ.

ໃນໂອກາດດຽວກັນນີ້, ສະຫາຍ ຄໍາພັນ ພົມມະທັດ ໄດ້ໃຫ້ກຽດມີຄຳເຫັນໂອ້ລົມ ຊຶ່ງກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະພັກຊຸດໃໝ່ ພ້ອມເນັ້ນໃຫ້ບັນດາສະຫາຍສຸມໃສ່ເຄື່ອນໄຫວວຽກງານສຶກສາອົບຮົມດ້ານການເມືອງແນວຄິດ, ໃນການຜັນຂະຫຍາຍເນື້ອໃນຕົ້ນຕໍຂອງກອງປະຊຸມໃຫຍ່ຄັ້ງນີ້ ໂດຍສະເພາະໃນການພັດທະນາເສດຖະກິດ-ສັງຄົມ, ການແກ້ໄຂຄວາມທຸກຍາກຂອງປະຊາຊົນ ຕິດພັນກັບການຈັດສັນເຂດຈຸດສຸມ ການພັດທະນາຂຸດຄົ້ນເສີມຂະຫຍາຍທ່າແຮງບົ່ມຊ້ອນ ກຳລັງແຮງ ແລະ ເງື່ອນໄຂຕົວຈິງທີ່ມີຢູ່ໃນແຕ່ລະພື້ນທີ່-ແຕ່ລະເຂດ, ການແກ້ໄຂປະກົດການຫຍໍ້ທໍ້ ແລະ ບັນຫາສຳຄັນອື່ນໆ ຮຽກຮ້ອງມາຍັງຄະນະພັກທຸກຂັ້ນ, ສະມາຊິກພັກທຸກສະຫາຍ ຈົ່ງເຊີດຊູຄວາມເປັນແບບຢ່າງນໍາໜ້າໃນທຸກດ້ານ ທຸກວຽກງານ ແລະ ນໍາພາມະຫາຊົນປະຕິບັດມະຕິກອງປະຊຸມໃຫຍ່ຄັ້ງນີ້ໃຫ້ປະກົດຜົນເປັນຈິງ.

Loading...