ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫ່ຍຂອງຜູ້ແທນແມ່ຍິງແຂວງຈຳປາສັກຄັ້ງທີ VII ໄຂຂື້ນ ແລະສໍາເລັດຢ່າງເປັນທາງການ

ກອງປະຊຸມໃຫ່ຍຜູ້ແທນແມ່ຍິງລາວແຂວງຈຳປາສັກຄັ້ງທີVII ໄດ້ຈັດຂື້ນໃນຕອນເຊົ້າຂອງວັນທີ​ 3​ ມີຖຸນາ​ 2020​ ນີ້​ຢູ່ທີ່ສະໂມສອນຫຼັກ​ 4​ ຂອງແຂວງຈຳປາສັກ. ໂດຍເປັນກຽດເຂົ້າຮ່ວມຂອ​ງ ສະຫາຍ​ ດ໋ອກເຕີ ວິໄລວົງ​ ບຸດດາຄຳ​ ກຳມະການສູນກາງພັກ​ ເລຂາຄະນະບໍລິຫານງານພັກແຂວງ​ ເຈົ້າແຂວງໆຈຳປາສັກ, ມີ​ສະຫາຍ​ ນາງ​ ອິນລາວັນ​ ແກ້ວບຸນພັນ ກຳມະການສູນກາງພັກ​ ປະທານສູນກາງສະຫະພັນແມ່ຍິງລາວ, ມີອົງການຈັດຕັ້ງມະຫາຊົນແຂວງ,​ ບັນດາສະຫາຍຄະນະບໍລິຫານງານສະຫະພັນແມ່ຍິງແຂວງ, ຜູ້ແທນສົມບູນທີ່ມາຈາກຮາກຖານພະແນກການອ້ອມຂ້າງແຂວງ,​ 9​ ເມືອງ​ 1​ ນະຄອນ​ ແລະ​ສະມາຄົມທຸລະກິດແມ່ຍິງ ແລະພາກສ່ວນຕ່າງໆຈຳນວນ 287​ ສະຫາຍເຂົ້າຮ່ວມ.​

ໃນພິທີ​ ສະຫາຍ​ ນາງ​ ວາດສະໜາ​ ສີລິມາ​ ກຳມະການພັກແຂວງ​ ປະທານສະຫະພັນແມ່ຍິງແຂວງຈຳປາສັກໄດ້ກ່າວໄຂກອງປະຊຸມເຊິ່ງສະຫາຍກ່າວວ່າ ກອງປະຊຸມຄັ້ງນີ້ແມ່ນມີຄວາມໝາຍ,​ຄວາມສຳຄັນຫຼາຍສຳລັບຊີວິດການເມືອງ,​ເປັນຂີດໝາຍແຫ່ງການສຶບຕ່ໍປັບປຸງອົງການຈັດຕັ້ງແມ່ຍິງແຂວງໃຫ້ມີການພັດທະນາ ແລະ​ ເຂັ້ມແຂງຮອບດ້ານ ເຊິ່ງໃນກອງປະຊຸມຄັ້ງນີ້ແມ່ນຜູ້ເຂົ້າຮ່ວມໄດ້ຮັບຟັງການຜ່ານບົດລາຍງານການເມືອງທັງສອງພາກ ແລະ​ຜ່ານບົດສຳຫຼວດການນຳພາຂອງຄະນະບໍລິຫານງານສະຫະພັນແມ່ຍິງແຂວງໃນໄລຍະ 5 ປີທີ່ຜ່ານມາພ້ອມນັ້ນຜູ້ແທນສົມບູນຍັງໄດ້ ໃຊ້ສິດປະຊາທິປະໄຕເລືອກເອົາຄະນະບໍລິຫານງານສະຫະພັນແມ່ຍິງແຂວງຊຸດໄໝ່ເພື່ອເປັນການສຶບຕໍ່ປະຕິບັດວຽກງານແມ່ຍິງໃນຕໍ່ໜ້າໃຫ້ເຂັ້ມແຂງຂື້ນເລື້ອຍໆ.

ໃນກອງປະຊຸມໃຫ່ຍຜູ້ແທນແມ່ຍິງແຂວງໃນຄັ້ງນີ້ຜູ້ເຂົ້າຮ່ວມຍັງໄດ້ຮັບຟັງການສະ ຫຼຸບຕີລາຄາການຈັດຕັ້ງປະຕິບັດແຜນພັດທະນາແມ່ຍິງໃນໄລຍະ 5​ ປີຕໍ່ໜ້າ,​ ຮັບຟັງຕົວແບບການຜະລິດຂອງສະຫະພັນແມ່ຍິງຂອງອ້ອມຂ້າງ ແຂວງ,ເມືອງ,ນະຄອນ, ກອງປະຊຸມຜູ້ແທນສົມບູນທີ່ເຂົ້າຮ່ວມຍັງໄດ້ໄຊ້ສິດປະຊາທິປະໄຕເລືອກເອົາຄະນະບໍລິຫານງານສະຫະພັນແມ່ຍິງແຂວງຊຸດໄໝ່ ຊຶ່ງມີຜູ້ສະໝັກ 39 ສະຫາຍ ເລືອກເອົາ 35 ສະຫາຍ.ໃນນັ້ນເລືອກເອົາ ສະຫາຍ ນາງ ວາດສະໜາ ສີລິມາ ເປັນປະທານສະຫາພັນແມ່ຍິງແຂວງ ແລະ ຮອງປະທານຄະນະບໍລິຫານງານສະຫາພັນແມ່ຍິງແຂວງຈຳນວນ 3 ສະຫາຍຄື: 1. ສະຫາຍ ນາງ ເຕດາວັນ ແກ້ວພິລາວັນ ຮອງປະທານສະຫະພັນແມ່ຍິງແຂວງ ທັງແມ່ນປະທານກວດກາກວດກາສະຫະພັນແມ່ຍິງແຂວງ. 2. ສະຫາຍ ນາງ ສຸກສົມພອນ ພົນອາສາ ຮອງປະທານສະຫະພັນແມ່ຍິງແຂວງ ທັງແມ່ນ ຮອງປະທານກວດກາສະຫາພັນແມ່ຍິງແຂວງ. 3. ສະຫາຍ ນາງ ບຸນສຸວັນ ໂພໄຊຊະນະສັກ ຮອງປະທານສະຫະພັນແມ່ຍິງແຂວງ.

ຂ່າວ ປະພິດ ສີສົມບູນ ພາບ: ຂຽວສົມພອນ ອ່ອນບຸນຜາ