ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມໃຫ່ຍຜູ້ແທນອົງຄະນະພັກແຂວງບໍ່ແກ້ວຄັ້ງທີVIປ່ອນບັດຄັດເລືອກເອົາຄະນະບໍລິຫານງານພັກແຂວງບໍ່ແກ້ວຊຸດໃໝ່

ກອງປະຊຸມໃຫ່ຍຜູ້ແທນອົງຄະນະພັກແຂວງບໍ່ແກ້ວ ຄັ້ງທີ VI ໃນຕອນເຊົ້າວັນທີ 6 ຕຸລາ 2020ທີ່ສະໂມສອນແຂວງ ໄດ້ດໍາເນີນການປ່ອນບັດຄັດເລືອກເອົາຄະນະບໍລິຫານງານພັກແຂວງບໍ່ແກ້ວຊຸດໃໝ່ ເຊິ່ງມີບຸກຄະລາກອນທີ່ຄົບມາດຖານເງື່ອນໄຂລົງສະໝັກທັງໝົດ 36 ສະຫາຍ ຍິງ 4 ສະຫາຍ ໃນນີ້ຈະເລືອກເອົາ 31 ສະຫາຍ ເພື່ອສືບຕໍ່ຊີ້ນໍາໆພາວຽກງານກໍ່ຄືການຈັດຕັ້ງຜັນຂະ ຫຍາຍມະຕິກອງປະຊຸມຄັ້ງນີ້ໃຫ້ມີຜົນສຳເລັດຢ່າງສະຫງ່າງາມ ນອກຈາກນີ້ກອງປະຊຸມຍັງຈະໄດ້ຄັດເລືອກເອົາຜູ້ແທນເຂົ້າຮ່ວມກອງປະຊຸມໃຫ່ຍຜູ້ແທນທົ່ວປະເທດຄັ້ງທີ X ຂອງພັກຕື່ມອີກ.
ພາຍຫລັງຄະນະບໍລິຫານງານພັກແຂວງຊຸດທີ V ຂຶ້ນລາໜ້າທີ່ແລ້ວ ຜູ້ແທນໄດ້ຮັບຟັງການຜ່ານມາດຖານ, ເງື່ອນໄຂຜູ້ສະໝັກເລືອກຕັ້ງເປັນຄະນະບໍລິຫານງານພັກແຂວງຊຸດທີ VI ແລະ ຜ່ານມະຕິຕົກລົງຂອງຄະນະເລຂາທິການສູນກາງພັກວ່າດ້ວຍການຮັບຮອງເອົາບຸກຄະລາກອນທີ່ສະໝັກຮັບເລືອກຕັ້ງເປັນຄະນະບໍລິຫານງານພັກແຂວງຊຸດທີ VI ຈາກນັ້ນທ່ານ ບຸນທອງ ຈິດມະນີ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານກວດກາສູນກາງພັກ ໄດ້ມີຄຳເຫັນຊີ້ນໍາຕໍ່ການເລືອກຕັ້ງຄັ້ງນີ້ ເພື່ອເຮັດໃຫ້ກອງກອງປະຊຸມໃຫຍ່ດໍາເນີນຢ່າງຖືກຕ້ອງຕາມລະບຽບຫຼັກການຂອງພັກ ແລະ ຮັບປະກັນທາງດ້ານເນື້ອ ໂດຍເນັ້ນຫລາຍບັນຫາສຳຄັນເປັນຕົ້ນການຍົກສູງຄວາມຮັບຜິດຊອບໃນການຄົ້ນຄ້ວາ ແລະ ພິຈາລະນາຮັບຮອງເອົາບັນຫາສຳຄັນຕ່າງໆ ໂດຍສະເພາະການຄົ້ນຄວ້າເລືອກຕັ້ງເອົາຄະນະບໍລິຫານງານພັກແຂວງຊຸດໃໝ່ ເຊິ່ງເປັນອົງການການນຳສູງສຸດຂອງແຂວງ ເພື່ອປະຕິບັດພາລະບົດບາດໜ້າທີ່ຊີ້ນຳ – ນໍາພາການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກແຂວງໃຫ້ບັນລຸຕາມຄາດໝາຍທີ່ວາງໄວ້.