ສະຫງວນລິຂະສິດ © ສະຖານນີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງພັກປະຊາຊົນປະຕິວັດລາວ
ຄົບຮອບ 65 ປີ ຢ່າງສຸດໃຈ

ກອງປະຊຸມໃຫ່ຍ ຄັ້ງທີ 8 ຂອງສະຫະພັນແມ່ຍິງ ກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ

ປະທານຄະນະບໍລິຫານງານສູນກາງສະຫະພັນແມ່ຍິງລາວ ເນັ້ນໜັກໃຫ້ຄະນະບໍລິຫານງານສະຫະພັນແມ່ຍິງກະຊວງກະແຫລງຂ່າວ, ວັດທະນາທຳ ແລະທ່ອງທ່ຽວ ເສີມຂະຫຍາຍຄຸນລັກສະນະທີ່ເປັນມູນ ເຊື້ອຂອງແມ່ຍິງລາວ, ການປົກປັກຮັກສາວັດທະນາທຳອັນດີງາມຂອງຊາດ ຕິດພັນກັບການຂະຫຍາຍສະມາຊິກແມ່ຍິງໃຫ້ກວ້າງຂວາງ ທັງຮັບປະການດ້ານປະລິມານ ແລະຄຸນນະພາບ.

     ໃນໂອກາດໂອ້ລົມຕໍ່ກອງປະຊຸມໃຫ່ຍຜູ້ແທນແມ່ຍິງກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ຄັ້ງທີ 8 ໃນມື້ວານນີ້, ຢູ່ຫໍວັດທະນະທຳແຫ່ງຊາດ ທ່ານ ນາງ ອິນລະວັນ ແກ້ວບຸນພັນ, ກຳ ມະການສູນກາງພັກ, ເລຂາຄະນະພັກ, ປະທານຄະນະບໍລິຫານງານສູນກາງສະຫະພັນແມ່ຍິງລາວ ເນັ້ນໜັກໃຫ້ສະຫະພັນແມ່ຍິງກະຊວງກະແຫລງຂ່າວ, ວັດທະນາທຳ ແລະທ່ອງທ່ຽວ ຖືສຳຄັນການສຶກສາອົບຮົມຄຸນຄຸນລັກສະນະທີ່ເປັນມູນເຊື້ອຂອງແມ່ຍິງລາວ,  ເຊື່ອມຊືມແນວທາງນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດຖະບານດ້ວຍຫລາຍຮູບແບບ ເພື່ອໃຫ້ສອດຄ່ອງກັບແຕ່ລະກຸ່ມເປົ້າໝາຍ ແນໃສ່ຍົກລະດັບຄວາມຮູ້ຄວາມສາມາດດ້ານການນໍາພາ, ມີຄວາມໜັກແໜ້ນທາງດ້ານການເມືອງ, ພ້ອມດຽວກັນນີ້ຕ້ອງຈິງໃຈຊ່ວຍເຫລືອກໍ່ສ້າງຜູ້ທີ່ຍັງມີຂໍ້ຂາດຕົກບົກຜ່ອງ ແລະສ້າງຄວາມເຂັ້ມແຂງໃຫ້ພະນັກງານລັດຖະກອນເພດຍິງ ແນໃສ່ສ້າງເງື່ອນໄຂໃຫ້ແມ່ຍິງມີໂອກາດເທົ່າທຽມກັບເພດຊາຍໃນດ້ານວິຊາສະເພາະ, ການຄຸ້ມຄອງນໍາພາ ແລະການຕັດສິນບັນຫາໃຫ້ຫລາຍຂື້ນ.

  ກອງປະຊຸມໃຫ່ຍຜູ້ແທນແມ່ຍິງກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ຄັ້ງທີ 8 ໄດ້ຄົ້ນຄ້ວາ ແລະຮັບຮອງເອົາບົດລາຍງານການເມືອງ, ປ່ອນບັດຄັດເລືອກເອົາຄະນະບໍລິຫານງານສະຫະ ພັນແມ່ຍິງກະຊວງຊຸດທີ 8 ຈຳນວນ 13 ທ່ານ ໃນຈຳນວນຜູ້ສະໝັກທັງໝົດ 17 ທ່ານ, ກອງປະຊຸມຄັ້ງປະຖົມມະລືກຂອງຄະນະບໍລິຫານງານສະຫະພັນແມ່ຍິງກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ຊຸດທີ 8 ໄດ້ເຫັນດີເປັນເອກະສັນເລືອກເອົາ ທ່ານ ນາງ ບົວໄຂ ເພັງພະຈັນ ເປັນປະທານຄະ ນະບໍລິຫານງານສະຫະພັນແມ່ຍິງກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ແລະ ເລືອກເອົາ ທ່ານ ນາງ ວຽງທອງ ພິມພະຈັນ ເປັນຮອງປະທານ ແລະປະທານກວດກາ.