ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກອງປະຊຸມ ພະນັກງານຂອງຄະນະພັກ ສູນກາງແນວລາວສ້າງຊາດ

ສູນກາງແນວລາວສ້າງຊາດ (ສນຊ) ຈັດກອງປະຊຸມພະ ນັກງານຂອງຄະນະພັກ ສນຊ ໃນລະຫວ່າງ ວັນທີ 7-8 ຕຸລາ 2020 ທີ່ ສນຊ ໂດຍເປັນປະທານຂອງສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານ ສນຊ.

ກອງປະຊຸມ ໄດ້ຮັບຟັງການລາຍງານບົດສະຫຼຸບຕີລາຄາການຊີ້ນໍາໆພາວຽກງານຂອງອົງຄະນະພັກ ສນຊ ແຕ່ປີ 2016 ເຖິງປັດຈຸບັນ ແລະ ທິດທາງແຜນການໃນ ປີ 2020-2021; ຮັບຟັງການລາຍງານບົດສໍາຫຼວດ ການນໍາພາຂອງຄະນະພັກ ສນຊ ທ້າຍສະໄໝທີ IV (2016-2020) ແລະ ມະຕິຂອງຄະນະບໍລິຫານງານສູນກາງພັກ ວ່າດ້ວຍການກໍານົດຈໍານວນຜູ້ແທນສົມ​ບູນເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ ຊຶ່ງຕະຫຼອດໄລຍະຜ່ານມາຄະນະພັກ ສນຊ ໄດ້ປະຕິບັດຕາມຫຼັກການລວມສູນປະຊາທິໄຕ ປຶກສາຫາລື ແລະ ຕົກລົງເປັນໝູ່ຄະນະ ຊຶ່ງໃນຄະນະພັກໄດ້ແບ່ງຄວາມຮັບຜິດຊອບລົງເລິກຊີ້ນໍາໆພາແຕ່ລະວຽກ, ໄດ້ແຕ່ງຕັ້ງຄະ ນະທີ່ປຶກສາ ແລະ ຜູ້ຮ່ວມງານ, ເພື່ອປັບປຸງວຽກງານແນວລາວສ້າງຊາດການປະຕິບັດບົດບາດຂອງແນວ​ລາວ​ສ້າງ​ຊາດ ໄດ້ກວ້າງຂວາງ ສອດຄ່ອງກັບສະພາບຄວາມຮຽກ ຮ້ອງຕ້ອງການຂອງສັງຄົມໃນໄລຍະໃໝ່ ເພີ່ມທະວີຄວາມສາມັກຄີປອງດອງບັນດາເຜົ່າ, ເພື່ອສ້າງຂະບວນການຕ່າງໆຂອງພັກ ຂອງຊາດ, ສືບຕໍ່ຊີ້ນໍາໆພາແຕ່ລະໜ່ວຍພັກໃຫ້ເຂັ້ມແຂງ ແລະ ໜັກແໜ້ນ ໂດຍຢືດຖືຫຼັກ ການລວມສູນປະຊາທິປະໄຕ.

ພ້ອມກັນນີ້ ກອງປິຊຸມໄດ້ຮັບຟັງການຜ່ານຂໍ້ຕົກລົງ ວ່າດ້ວຍການພັກຜ່ອນຮັບນະໂຍບາຍບໍານານ ຕາມອາຍຸກະ ສຽນຂອງກົດໝາຍວ່າດ້ວຍພະນັກງານ-ລັດຖະກອນ ສະບັບເລກທີ 74 /ສພຊ. ນະຄອນຫຼວງວຽງຈັນ, ວັນທີ 18 ທັນວາ 2015 ມີ 3 ສະຫາຍຄື: ສະຫາຍ ຄໍາຫຼ້າ ລີ້ງນະສອນ ຮອງປະທານ ສນຊ; ສະຫາຍ ສົມອົກ ກິ່ງສະດາ ຮອງປະທານ ສນຊ; ສະຫາຍ ແຟງ ຈັນທະວົງ ຫົວໜ້າກົມຈັດຕັ້ງ-ພະນັກງານ ສນຊ ແລະ ໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງ ສະຫາຍ ຄຳເຜີຍ ບຸດດາວຽງ ກໍາມະການສູນກາງພັກ ມາຮັບໜ້າທີ່ໃໝ່ ເປັນຮອງປະທານ ສູນກາງແນວລາວສ້າງຊາດ.

ໃນກອງປະຊຸມຄັ້ງນີ້, ປະທານ ສນຊ ໄດ້ເປັນກຽດໂອ້ລົມເນັ້ນບາງບັນຫາໃຫ້ເອົາໃຈໃສ່ຕື່ມ ໂດຍສະເພາະແມ່ນສືບຕໍ່ກໍ່ສ້າງພະນັກງານສະມາຊິກພັກຮຸ່ນໜຸ່ມປ່ຽນແທນ, ສືບຕໍ່ສືກສາອົບຮົມທາງດ້ານການເມືອງ-ແນວຄິດ ປຸກລະດົມໃຫ້ພະນັກງານສະມາຊິກພັກມີຄວາມບຸກເບີນຫ້າວຫັນໃນໜ້າທີ່ວຽກງານທີ່ຕົນຮັບຜິດຊອບ, ສືບຕໍ່ປັບປຸງກົງຈັກການຈັດຕັ້ງພະນັກງານ.

Cr: ນັກຂ່າວ ສນຊ