ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງພັນກອງສ້າງຂົວ-ທາງ 587 ຈັດຕັ້ງຍິງລູກປືນແທ້ ປະຈຳປີ2023.
ວັນທີ 1 ທັນວ່າ 2023ນີ້, ກອງພັນກໍ່ສ້າງຂົວ-ທາງ 587 ຈັດຕັ້ງຍິງລູກປືນແທ້ ປະ ຈຳປີ2023 ນີ້,ຢູ່ທີ່ສະໜາມຍິງປືນອາຊຽນ 199 ໂດຍການເຂົ້າຮ່ວມເປັນປະທານ ຂອງ ສະຫາຍ ພັນໂທ ອານຸສັກ ພົມວົງສາ ຫົວໜ້າພະແນກອົບຮົມ ກົມຊ່າງແສງ ກົມໃຫ່ຍເສນາທິການກອງທັບ,ມີຕາງໜ້າກົມອົບຮົມ,ພະແນກການກົມຊ່າງແສງພ້ອມດ້ວຍຄະນະພັກ-ຄະນະບັນຊາ ພະນັກງານ-ນັກຮົບເຂົ້າຮ່ວມ.
ສະຫາຍ ພັນໂທ ບົວຄຳ ອິນທະວົງ ຫົວໜ້າການທະຫານກອງພັນກໍ່ສ້າງຂົວ-ທາງ 587 ໄດ້ຜ່ານແຜນການຈັດຕັ້ງອົບຮົມ-ຫັດແອບຍິງລູກປືນແທ້ໃນຄັ້ງນີ້ແມ່ນປະຕິບັດ ຄຳສັ່ງແຈ້ງການຂອງກົມອົບຮົມກົມໃຫ່ຍເສນາທິການກອງທັບ ແລະ ກົມຊ່າງແສງ ວ່າດ້ວຍການຈັດຕັ້ງອົບຮົມຫັດແອບ ການເມືອງ, ການທະຫານ, ພາລາທິການ – ເຕັກນິກ ຍິງລູກປືນແທ້ຂອງເຫຼົ່າຮົບຊ່າງແສງ ໃຫ້ ພະນັກງານ-ນັກຮົບ ປະຈໍາປີ 2023 ຂອງກອງພັນ587ຜ່ານການຈັດຕັ້ງປະຕິບັດຍິງລູກປືນແທ້ປະຈຳປີ 2023ໃນຄັ້ງນີ້ສາມາດຕິລາຂັນເກັ່ງ : 72 ສະຫາຍ= 30%,ກາງ 117 ສະຫາຍ = 50 %ຄາດໝາຍ: 11 ສະຫາຍ = 5 % ເຊິ່ງມີພະນັກງານ-ນັກຮົບເຂົ້າຮ່ວມທັງໝົດ:235 ສະຫາຍ, ຍິ່ງ: 25 ຫາຍ.
ຈຸດປະສົງຂອງການອົບຮົມ-ຫັດແອບຍິງລູກປືນແທ້ໃນຄັ້ງນີ້ກໍ່ເພື່ອເຮັດໃຫ້ພະນັກງານ-ນັກຮົບ ພາຍໃນກົມກອງໄດ້ຮູ້ກ່ຽວກັບບັນດາທ່າຈັງຫວະ, ເຕັກນິກຂອງການຈັດຕັ້ງຍິງລູກປືນແທ້ ທັງຮັບປະກັນໃຫ້ມີຄວາມຊຳນິຊຳນານ ຄ່ອງແຄ້ວ, ໃນການນຳໃຊ້ອາວຸດ- ຍຸດໂທປະກອນໃຫ້ມີຄຸນ ນະພາບສູງໃນເວລາສູ້ຮົບຕົວຈິງໃຫ້ໄດ້ຮັບຜົນດີ ແລະ ຖືກຕ້ອງຕາມແຜນການອົບຮົມ-ຫັດແອບປະຈຳປີ. ພາຍຫຼັງຫັດແອບແລ້ວ ພະນັກງານ, ນັກຮົບທຸກສະຫາຍ ຕ້ອງກຳແໜ້ນທາງດ້ານທິດສະດີຫຼັກການ ແລະ ລຳດັບແຕ່ລະບາດກ້າວເນື້ອໃນຫັດແອບກຳແໜ້ນບັນດາທ່າຈັງຫວະການເຄື່ອນໄຫວຂອງບົດຍິງ ແລະ ປະຕິບັດການຍິງໃຫ້ໄດ້ຮັບຜົນສູງການຫັດແອບຈັງຫວະຕ້ອງຄ່ອງແຄ້ວເພື່ອນໍາໄປປະຕິບັດໃຫ້ໄດ້ຮັບຜົນສູງ.
ໂດຍ: ເກນ ວິໄລສານ