ພິທີເຊັນບົດບັນທຶກຊ່ວຍຈໍາ ລະຫວ່າງ ກອງພົນ 324 ກອງທັບປະຊາຊົນຫວຽດນາມ ແລະ ກອງພົນທະຫານຮາບທີ 1 ກອງທັບປະຊາຊົນລາວ ້ຈັດຂື້ນໃນວັນທີ 16 ສິງຫາ 2022 ທີ່ກອງພົນ 324 ທະຫານເຂດ 4 ກອງທັບປະຊາຊົນຫວຽດນາມ, ຝ່າຍຫວຽດນາມມີ ພັນເອກ ລືວກຽດຖັງ ຫົວໜ້າການເມືອງກອງພົນ 324 ກອງທັບປະຊາຊົນຫວຽດນາມ ພ້ອມຄະນະ, ຝ່າຍລາວນຳໂດຍ ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານ ກອງພົນທີ1 ກອງທັບປະຊາຊົນລາວ ພ້ອມຄະນະເຂົ້າຮ່ວມ.
ພັນເອກ ລືວກຽດຖັງ ກ່າວວ່າ: ການເຊັນບົດບັນທຶກຊ່ວຍຈຳໃນຄັ້ງນີ້, ເຊິ່ງນອນຢູ່ໃນທ່າມກາງບັນຍາກາດທີ່ສອງພັກ, ສອງລັດ, ສອງກອງທັບ ລາວ-ຫວຽດນາມ ກຳລັງສະເຫລີມສະຫລອງປີສາມັກຄີມິດຕະພາບ ຫວຽດນາມ-ລາວ ປີ 2022 ຢ່າງເປັນຂະບວນການຟົດຟື້ນ ແລະ ເບີກບານມ່ວນຊື່ນ. ພ້ອມທັງໃຫ້ຄຳໝັ້ນສັນຍາວ່າ, ກອງພົນ 324 ທະຫານເຂດ 4 ກອງທັບປະຊາຊົນຫວຽດນາມ ຍັງຈະສືບຕໍ່ໃຫ້ການຊ່ວຍເຫລືອ ກອງພົນທະຫານຮາບທີ1 ກອງທັບປະຊາຊົນລາວ ໃນການກໍ່ສ້າງບຸກຄະລະກອນ ແລະອົບຮົມວຽກງານການເມືອງ ຂັ້ນໝວດ, ກອງຮ້ອຍ ໃຫ້ກອງພົນທີ1 ຕື່ມອີກ.
ພົນຈັດຕະວາ ອຸ່ນຈັນ ແດງວັນສົມ ຫົວໜ້າການທະຫານ ກອງພົນທະຫານຮາບທີ1 ກອງທັບປະຊາຊົນລາວ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ ແລະ ມູນເຊື້ອຄວາມສາມັກຄີພິເສດ ລາວ-ຫວຽດນາມ, ຫວຽດນາມ-ລາວ, ແມ່ນມີການພົວພັນອັນສະໜິດແໜ້ນ ແລະ ໄດ້ຮັບໝາກຜົນໜ້າພິ່ງພໍໃຈ ແລະ ອ້າຍນ້ອງກອງພົນ 324 ທະຫານເຂດ4 ກອງທັບປະຊາຊົນຫວຽດນາມ ທີ່ໄດ້ໃຫ້ການການຊ່ວຍເຫລືອອັນລໍ້າຄ່າ ຕໍ່ກອງພົນທະຫານຮາບທີ1 ຕະຫລອດມາ, ບໍ່ວ່າໃນໄລຍະຕໍ່ສູ້ກູ້ຊາດ, ກໍ່ຄືໄລຍະ ສ້າງສາພັດທະນາປະເທດຊາດ, ໃນການຕ້ານໄພພິບັດທາງທຳມະຊາດ ແລະ ການລະບາດຂອງພະຍາດໂຄວິດ-19, ເຖິງວ່າສະພາບການຂອງໂລກມີການຜັນແປໄປຢ່າງສັບສົນ, ແຕ່ສອງຊາດ ລາວ-ຫວຽດນາມ ຍັງຮັກສາແໜ້ນຄວາມສາມັກຄີຊ່ວຍເຫລືອ ເຊິ່ງກັນ ແລະ ກັນ, ພ້ອມກັນກຽມພ້ອມຮັບມືກັບສິ່ງທ້າທາຍຕ່າງໆທີ່ອາດຈະເກີດຂື້ນ ໃນຕໍ່ໜ້າ.
Loading...