ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກອງຮ້ອຍ 03 ຈັດກອງປະຊຸມດຳເນີນວຽກງານກໍ່ສ້າງຮາກຖານ ບາດກ້າວທີ 03 ຕິດກັບພັກວຽກງານ 03 ຫຼຸດ, 03 ເພີ່ມ, 03 ຂະບວນການ ແລະການຈັດສັນຄວາມເປັນລະບຽບຮຽບຮ້ອຍ ຢູ່ ບ້ານທົ່ງພານທອງ, ເມືອງສີສັດຕະນາກ, ນະຄອນຫຼວງວຽງຈັນ.

ວັນທີ 31 ຕຸລາ 2018 ກອງຮ້ອຍ 03 ປະຈຳເມືອງສີສັດຕະນາກ, ນະຄອນຫຼວງວຽງຈັນ ຈັດກອງປະຊຸມດຳເນີນວຽກງານກໍ່ສ້າງຮາກຖານບາດກ້າວທີ 03 ຕິດພັນກັບວຽກງານ 03 ຫຼຸດ, 03 ເພີ່ມ, 03 ຂະບວນການ ແລະ ການຈັດສັນຄວາມບໍ່ເປັນລະບຽບຮຽບຮ້ອຍທີ່ຫ້ອງການບ້ານທົ່ງພານທອງ ໂດຍການເປັນປະທານຂອງ ພົນຈັດຕະວາ ຄຳສາຍ ຈັນທະວົງ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ  ຄະນະຊີ້ນຳວຽກງານກໍ່ສ້າງຮາກຖານນະຄອນຫຼວງວຽງຈັນ, ມີຜູ້ຕາງໜ້າກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ, ປ້ອງກັນຄວາມສະຫງົບເມືອງສີສັດຕະນາກ, ປ້ອງກັນຄວາມສະຫງົບກຸ່ມວັດນາກ, ອົງການປົກຄອງບ້ານ ແລະ ພະນັກງານກອງກໍ່ສ້າງຮາກຖານກອງຮ້ອຍ 03 ເຂົ້າຮ່ວມ.

ພັນໂທ ກົງ ຄະນະລັງສຸກ ຮອງຫົວໜ້າກອງບັນຊາການປ້ອງກັນຄວາມສະຫງົບ ເມືອງສີສັດຕະນາກ ໄດ້ຂຶ້ນຜ່ານບົດສະຫຼຸບໂດຍຫຍໍ້ການຈັດຕັ້ງປະຕິບັດວຽກງານໃນໄລຍະຜ່ານມາວ່າ: ບ້ານທົ່ງພານທອງປະກອບມີ 42 ໜ່ວຍ, ມີ 556 ຫຼັງຄາເຮືອນ, ມີ 535 ຄອບຄົວ, ມີພົນລະເມືອງທັງໝົດ 2.835ຄົນ, ຍິງ 1.478 ຄົນ, ໄດ້ສຸມໃສ່ສືກສາອົບຮົມວຽກງານການເມືອງນຳພາແນວຄິດໃຫ້ປະຊາຊົນພາຍໃນບ້ານຢ່າງເປັນປົກກະຕິ ເປັນຕົ້ນ ນຳເອົາບັນດາມະຕິ,  ຄຳສັ່ງ ແລະ ເອກະສານຕ່າງໆມາເຊື່ອມຊືມ  ພ້ອມກັນຈັດຕັ້ງປະຕິບັດລະບຽບກົດໝາຍໄດ້ຢ່າງເຂັ້ມງວດ  ຮັກສາໄດ້ຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມເປັນຢ່າງດີ;  ເອົາໃຈໃສ່ເຮັດວຽກງານຕາມ 03 ຫຼຸດ, 03 ເພີ່ມ, 03 ຂະບວນການ ແລະ ແກ້ໄຂບັນຫາຄວາມບໍ່ເປັນລະບຽບຮຽບຮ້ອຍ, ການຕໍ່ເງີບຕາມເສັ້ນທາງ;  ປ້າຍໂຄສະນາຕ່າງໆ, ການຂາຍເຄື່ອງຕາມທາງຍ່າງ, ເກັບກໍາສະຖີຕິພົນລະເມືອງ, ການແກ້ໄຂສໍາມະໂນຄົວໃຫ້ປະຊາຊົນ, ເກັບກໍາການເໜັງຕິງຂອງພົນລະເມືອງ ມີການປະສານສົມທົບກັບພາກສ່ວນທີ່ກ່ຽວຂ້ອງເພື່ອແກ້ໄຂບັນຫາດັ່ງກ່າວຢ່າງເປັນເຈົ້າການ.

ຕອນທ້າຍ ພົນຈັດຕະວາ ຄໍາສາຍ ຈັນທະວົງ  ໄດ້ໂອ້ລົມ  ໃຫ້ທິດຊີ້ນໍາຕໍ່ກອງປະຊຸມກ່ອນອື່ນທ່ານໄດ້ຍ້ອງຍໍຊົມເຊີຍ  ແລະ ເຫັນດີຕໍ່ບົດລາຍງານຫຍໍ້ກ່ຽວກັບຜົນງານທີ່ຍາດມາໄດ້ຜ່ານການປະຕິບັດວຽກງານໃນໄລຍະຜ່ານມາ  ແລະ ເນັ້ນໜັກໃຫ້ເອົາໃຈໃສ່ແກ້ຈຸດອອ່ນຂໍ້ບົກຜ່ອງໃນການປະຕິບັດວຽກງານ;  ການປະສານສົມທົບ; ສຸມໃສ່ 05 ໜ້າວຽກຈຸດສຸມດ້ານວຽກງານຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ຕື່ມອີກ.