ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 1 ກໍລະກົດ ຜ່ານມາ ທີ່ວິທະຍາຄານນາຍທະຫານບົກກົມມະດໍາ, ສະຫາຍ ພົນໂທ ຄໍາລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບໄດ້ເຄື່ອນໄຫວຊີ້ນໍາ-ກວດກາວຽກງານກະກຽມຊ້ອມຮົບຮ່ວມລາວ-ຈີນພາຍໃຕ້ຫົວຂໍ້: “ໂລ້ກໍາບັງມິດຕະພາບ 2024.
ໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ຮຽກ ຮ້ອງໃຫ້ຄະນະຊີ້ນຳ, ອະນຸກໍາມະການແຕ່ລະພາກສ່ວນຈົ່ງພ້ອມກັນເອົາໃຈໃສ່ ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເຂົ້າໃນການຮັບປະກັນໃຫ້ການເຄື່ອນໄຫວຈັດຕັ້ງປະຕິບັດແຕ່ລະບາດກ້າວຂອງແຜນການກະກຽມຊ້ອມຮົບຮ່ວມ ລາວ-ຈີນ ພາຍໃຕ້ຫົວຂໍ້ “ໂລ້ກໍາບັງມິດຕະພາບ-2024 ໃນຄັ້ງນີ້ຢ່າງເຂັ້ມງວດ, ພ້ອມທັງເນັ້ນໜັກໃຫ້ເອົາໃຈໃສ່ກະກຽມຄວາມພ້ອມທາງດ້ານສະຖານທີ່, ພິທີການເປີດ-ປິດພ້ອມກັນຈັດຕັ້ງປະຕິບັດມາດຕະການປ້ອງກັນຄວາມສະຫງົບຢ່າງເຂັ້ມງວດ ແນໃສ່ເຮັດໃຫ້ການຫັດແອບຊ້ອມຮົບລາວ-ຈີນມີຜົນສຳເລັດອັນຈົບງາມຮັບປະກັນຄວາມປອດໄພ 100%.