ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງການຕ່າງປະເທດ ສ້າງຂະບວນການຂໍ່ານັບຮັບຕ້ອນ ກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ

ວັນທີ 23 ກັນຍາ 2020, ທີ່ເດີ່ນບານເຕະເທບປັນຍາ, ນະຄອນຫຼວງວຽງຈັນ, ກະຊວງການຕ່າງປະເທດ ໄດ້ຈັດກິດຈະກຳກິລາບານເຕະຂຶ້ນ ເພື່ອຂໍ່ານັບຮັບຕ້ອນ ກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ (12 ຕຸລາ 1975 – 12 ຕຸລາ 2020) ທີ່ກໍາລັງຈະໝູນວຽນມາເຖິງນີ້, ໂດຍການໃຫ້ກຽດເຂົ້າຮ່ວມຂອງ ສະຫາຍ ສະເຫຼີມໄຊ ກົມມະສິດ, ເລຂາຄະນະພັກ, ລັດຖະມົນຕີກະຊວງການຕ່າງປະເທດ, ມີບັນດາຄະນະນຳກະຊວງ, ຄະນະພັກ-ຄະນະກົມ, ພະນັກງານ ແລະ ສະມາຊິກຈາກ 03 ອົງການຈັດຕັ້ງມະຫາຊົນ ພາຍໃນກະຊວງການຕ່າງປະເທດ ເຂົ້າຮ່ວມແຂ່ງຂັນ, ຊົມ ແລະ ເຊຍ ໃນງານດັ່ງກ່າວ ຢ່າງພ້ອມພຽງ.
ກິດຈະກຳກິລາຄັ້ງນີ້, ນອກຈາກເປັນການສ້າງຂະບວນ ການ ເພື່ອຂໍ່ານັບຮັບຕ້ອນສອງເຫດການທີ່ສຳຄັນດັ່ງກ່າວແລ້ວ, ກໍຍັງເປັນການສ້າງຄວາມສາມັກຄີ ແລະ ຄວາມຮັກແພງ ລະຫວ່າງພະນັກງານພາຍໃນກະຊວງ. ກິດຈະກໍາດັ່ງກ່າວ ໄດ້ຈັດອອກເປັນ 03 ປະເພດຄື: ທີມອາວຸໂສຊາຍ ນຳທີມໂດຍ ຄະນະນຳກະຊວງ, ທີມຊາວໜຸ່ມຊາຍ ແລະ ທີມແມ່ຍິງ. ການແຂ່ງຂັນກິລາບານເຕະດັ່ງກ່າວ ແມ່ນໄດ້ດໍາເນີນໄປດ້ວຍບັນຍາກາດແຫ່ງໄມຕີຈິດມິດຕະ ພາບ, ມີຄວາມຟົດຟື້ນມ່ວນຊື່ນ ແລະ ເຕັມໄປດ້ວຍເນື້ອໃນ ອັນມີຄວາມໝາຍຄວາມສຳຄັນ.
ພາຍຫຼັງສຳເລັດການແຂ່ງຂັນກິລາບານເຕະດັ່ງກ່າວ, ສະຫາຍ ສະເຫຼີມໄຊ ກົມມະສິດ, ເລຂາຄະນະພັກ, ລັດຖະ ມົນຕີກະຊວງການຕ່າງປະເທດ, ກໍໄດ້ໂອ້ລົມບັນດານັກກິລາ ທີ່ເຂົ້າຮ່ວມການແຂ່ງຂັນ ກໍຄື ພະນັກງານກະຊວງການຕ່າງປະເທດ ດ້ວຍບັນຍາກາດອັນອົບອຸ່ນ ແລະ ເປັນກັນເອງ.
Cr: ກົມການຂ່າວ, ກະຊວງການຕ່າງປະເທດ