ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກະຊວງຊັບພະຍາກອນທໍາມະຊາດ ແລະສິ່ງແວ້ດລ້ອມ ມອບເງີນ 30 ລ້ານກີບ ຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ແຂວງອັດຕະປື

ໃນວັນທີ 12 ກັນຍາ 2019 ນີ້ ກະຊວງຊັບພະຍາກອນທໍາມະຊາດ ແລະສິ່ງແວ້ດລ້ອມ ໄດ້ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງອັດຕະປື ມູນຄ່າ 30 ລ້ານກີບ ພິທີມອບ-ຮັບໄດ້ຈັດຂຶ້ນທີ່ພະແນກແຮງງານສະຫວັດດີການ-ສັງຄົມ ແຂວງອັດຕະປື ຕາງໜ້າໃຫ້ກະຊວງມອບໂດຍທ່ານ ລັດສະໝີ ວັນໄຊ ຫົວໜ້າພະແນກຊັບພະຍາກອນທໍາມະຊາດ ແລະສິ່ງແວ້ດລ້ອມແຂວງອັດຕະປື ແລະ ກ່າວຮັບໂດຍທ່ານນາງ ມີນາພອນ ໄຊສົມພູ ຮອງເລຂາພັກແຂວງອັດຕະປື ໂດຍຊ່ອງໜ້າພາກສ່ວນທີ່ກ່ຽວຂ້ອງເຂົ້້າຮ່ວມ .

ຂ່າວຍັງໃຫ້ຮູ້ຕື່ມວ່າໃນວັນດຽວກັນນີ້ທີ່ພະແນກແຮງງານ ແລະສະຫວັດດີການສັງຄົມແຂວງ ທາງໂຮງງານນໍ້າດື່ມພູຟ້າ ໄດ້ບໍລິຈາກນໍ້າດື່ມ 100 ແພັກ,ມູນຄ່າ 1 ລ້ານກີບ ເພື່ອຊ່ວຍເຫຼືອປະຊາຊົນທີ່ປະສົບໄພນໍ້າຖ້ວມຢູ່ແຂວງອັດຕະປື ແລະວັນດຽວກັນທາງຄອບຄົວການນໍາແມ່ຍິງ, ຄອບຄົວການນໍານັກທຸລະກິດຍິງ ແຂວງອັດຕະປື ໄດ້ມອບເຄື່ອງຊ່ວຍເຫຼືອຜູ້ປະສົບໄພນໍ້າຖ້ວມເຊັ່ນດຽວກັນ:ເຊິ່ງປະກອບມີເຄື່ອງອຸປະໂພກ-ບໍລິໂພກ ມູນຄ່າ 23 ລ້ານກວ່າກີບ, ສ່ວນຄອບຄົວບັນດາພະນັກງານຂອງພະແນກອຸດສະຫະກໍາ ແລະການຄ້າແຂວງ ກໍ່ໄດ້ມອບນໍ້າດື່ມຈໍານວນ 40 ແກັດ,ມູນຄ່າ 4 ລ້ານກີບ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມ .

ຂ່າວ: ຂ. ອັດຕະປື ວັດທະນາ ຫຼວງອາໄພ.