ໃນຕອນເຊົ້າວັນທີ 6 ກໍລະກົດ 2021 ຢູ່ຫໍວັດທະນະທໍາແຫ່ງຊາດ, ນະຄອນຫລວງວຽງຈັນ ພາຍໃຕ້ການເປັນປະທານຂອງທ່ານສະຫວັນຄອນ ຣາຊະມຸນຕີ ປະທານສະຄົມນັກຂ່າວແຫ່ງປະເທດລາວ,ມີຜູ້ຕາງຫນ້າອົງການຢູນີເຊັຟປະຈໍາລາວ,ຫົວຫນ້າກົມຮອງກົມ,ນັກຂ່າວສື່ມວນຊົນມາຈາກສໍານັກຂ່າວຕ່າງໆອ້ອມຂ້າງກະຊວງຖະ ແຫລງຂ່າວ ວັດທະນະທໍາ ແລະ ທ່ອງ ທ່ຽວ ພ້ອມດ້ວຍພາກສ່ວນກ່ຽວ ຂ້ອງເຂົ້າຮ່ວມ.
ກອງປະຊຸມຜູ້ເຂົ້າຮ່ວມໄດ້ພ້ອມກັນຄົ້ນຄວ້າຄືນກ່ຽວກັບຄວາມເປັນມາຂອງການສ້າງປື້ມຄູ່ມື ສື່ມວນຊົນກັບສິດທິເດັກ, ນິຕິກໍາພາຍໃນທີ່ກ່ຽວຂ້ອງກັບປື້ມ,ຄໍາ ເເນະນໍາການລາຍງານຂ່າວກ່ຽວກັບ ເດັກ,ເດັກກັບການຖືກຈໍາແນກ,ເດັກກັບຄອບຄົວທີ່ມີບັນຫາ,ການໃຊ້ເເຮງງານເດັກ,ເດັກທີ່ກ່ຽວຂ້ອງ ກັບການປະທະ ກັນດ້ວຍກໍາລັງອາວຸດ,ສຸກຂະພາບຂອງເດັກ ແລະ ວຽກງານອື່ນໆເຊີ່ງຈະດໍາເນີນ ເປັນເວລາ2ວັນລະຫວ່າງວັນທີ 6 ຫາ 7 ກໍລະກົດນີ້.
ໂອກາດນີ້ ທ່ານສະຫວັນຄອນ ຣາຊະມຸນຕີ ປະທານສະມາຄົມນັກຂ່າວ ແຫ່ງປະ ເທດລາວມີຄໍາເຫັນວ່າ:ການຈັດກອງປະຊຸມຄັ້ງນີ້ເພື່ອໃຫ້ຄະນະບັນນາທິ ການ, ນັກຂ່າວ ສື່ມວນຊົນລາວລາຍງານຂ່າວກ່ຽວກັບສິດທິເດັກດ້ວຍຄວາມຮັບຜິດ ຊອບ,ມີຄວາມຖືກຕ້ອງ, ສອດຄ່ອງກັບສົນທິສັນຍາວ່າດ້ວຍສິດທິເດັກ,ກົດຫມາຍລະບຽບການ,ຫລັກການໃນການປົກປ້ອງ,ສົ່ງ ເສີມສິດທິເດັກ ພ້ອມທັງຊຸກຍູ້ໃຫ້ເດັກມີບົດບາດໃນສື່ມວນຊົນ ແລະ ອື່ນໆ.
ທ່ານສະຫວັນຄອນ ຣາຊະມຸນຕີ ໃຫ້ຮູ້ຕື່ມວ່າ:ນັບແຕ່ປີ1991ລັດຖະບານລາວໄດ້ໃຫ້ ສັດຕະຍາບັນຕໍ່ສົນທິສັນຍາວ່າດ້ວຍສິດທິເດັກທຸກຂະແຫນງການ,ທຸກການຈັດຕັ້ງຢູ່ສູນກາງແລະທ້ອງ ຖີ່ນລ້ວນແຕ່ຫັນເອົາເນື້ອໃນຈິດໃຈຂອງສົນທິ ສັນຍາວ່າດ້ວຍສິດທິເດັກເປັນນະໂຍ ບາຍ,ກົດຫມາຍ ແລະ ລະບຽບການຕ່າງໆ ເຮັດໃຫ້ເດັກລາວໄດ້ປະຕິບັດສິດພື້ນຖານຂອງຕົນຢ່າງຮອບດ້ານ ໂດຍສະເພາະສິດໃນການຢູ່ລອດ,ສິດໃນການພັດທະນາ ແລະ ການມີສ່ວນຮ່ວມອື່ນໆ ໃນນີ້ສະເພາະ ປື້ມສື່ມວນຊົນກັບສິດທິເດັກໄດ້ສັງລວມເອົາບັນຫາສໍາຄັນຕ່າງໆ ທີ່ສອດຄ່ອງກັບສົນທິສັນຍາວ່າດ້ວຍ ສິດທິເດັກ ແລະ ນິຕິກໍາກ່ຽວຂ້ອງມາຈັດຕັ້ງຜັນຂະຫຍາຍເປັນຄໍາເເນະນໍາການລາຍງານ ເພື່ອໃຫ້ສື່ມວນຊົນລາວທີ່ເຮັດຫນ້າທີ່ລາຍງານຂ່າວກ່ຽວກັບເດັກຕ້ອງຄໍານືງເຖີງສິດທິເດັກຕະຫລອດ ເວລາ ແລະ ອື່ນໆ.
ຂ່າວ,ພາບ. ເດດອາລຸນ ແກ້ວວິໄລວົງ
Loading...