ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ ຈະຈັດຫລາຍກິດຈະກຳສຳຄັນ ເພື່ອສະເຫລີມສະຫລອງວັນສື່ມວນຊົນ ແລະວັນພິມຈຳໜ່າຍລາວ ວັນທີ 13 ສິງຫາ ຄົບຮອບ 70 ປີ

ກະຊວງຖະແຫລງຂ່າວ, ວັດທະນາທຳ ແລະທ່ອງທ່ຽວ ຈະຈັດຫລາຍກິດຈະກຳສຳຄັນ ເພື່ອສະເຫລີມສະຫລອງວັນສື່ມວນຊົນ ແລະວັນພິມຈຳໜ່າຍລາວ ວັນທີ 13 ສິງຫາ ຄົບຮອບ 70 ປີ ແນໃສ່ເພື່ອຫວນຄືນມູນເຊື້ອການເຕີບໃຫ່ຍຂະຫຍາຍຕົວ, ຜົນສຳເລັດກໍ່ຄືບົດຮຽນທີ່ຖອດຖອນໄດ້ໃນຂົງ ເຂດວຽກງານຖະແຫລງຂ່າວທີ່ຍາດມາໄດ້ໃນແຕ່ລະໄລຍະ.
ທ່ານ ປີ່ນປາດຖະໜາ ພັນທະມາລີ ຫົວໜ້າກົມສື່ມວນຊົນ ໃຫ້ສຳພາດວ່າ: ບັນດາກິດຈະກຳສຳຄັນປະ ກອບມີການໂຮມຊຸມນຸມ, ການມອບລາງວັນໃຫ້ສື່ມວນຊົນທີ່ມີການເຄື່ອນໄຫວດີເດັ່ນປະກອບ ສ່ວນຮັບໃຊ້ໃນບັ້ນການແກ້ໄຂໄພພິບັດລະດັບຊາດຢູ່ເມືອງສະໜາມໄຊ ແຂວງອັດຕະປື, ໄພພິບັດທາງທຳມະຊາດຢູ່ 6 ແຂວງໃນປີ 2019 ຜ່ານມາ ແລະ ການລະບາດຂອງພະຍາດໂຄວິດ19, ການສະເໜີຍ້ອງຍໍບຸກຄະລາກອນໃນຂົງເຂດຖະແຫລງຂ່າວ ແລະພິມຈຳໜ່າຍທີ່ຮັບໃຊ້ວຽກງານຕະຫລອດໄລຍະ 30 ປີຜ່ານມາ, ການວາງສະແດງຜະລິດຕະພັນສື່ມວນຊົນ ແລະວັດຖຸພັນຕ່າງໆ ລວມເຖິງກອງປະຊຸມສຳມະນາວິທະຍາສາດ ແລະການແຂ່ງຂັນກິລາ ເພື່ອຮັດແໜ້ນຄວາມສາມັກຄີລະຫວ່າງສື່ມວນຊົນຈາກພາກສ່ວນຕ່າງໆ.
ຫົວໜ້າກົມສື່ມວນຊົນ ກະຊວງຖະແຫລງຂ່າວ, ວັດທະນາທຳ ແລະ ທ່ອງທ່ຽວ ໃຫ້ຮູ້ຕື່ມວ່າ: ນອກ ຈາກຈັດການສະເຫລີມສະຫລອງຢູ່ນະຄອນຫລວງວຽງຈັນແລ້ວ ຄະນະຮັບຜິດຊອບຍັງໄດ້ແຈ້ງການໃຫ້ບັນດາແຂວງໃນຂອບເຂດທົ່ວປະເທດຈັດກິດຈະກຳຕ່າງໆຕາມຄວາມເໝາະສົມ ຮັບປະກັນໄດ້ທາງດ້ານເນື້ອໃນ ແລະຮູບການ ເພື່ອເຮັດໃຫ້ການສະເຫລີມສະຫລອງວັນສື່ມວນຊົນ ແລະ ພິມຈຳໜ່າຍລາວ ຄົບຮອບ 70 ປີ ມີບັນຍາກາດຟົດຟື້ນ.